Mera Pehla Pehla Pyar :New Season Chapter 13-15

 Mera Pehla Pehla Pyar

New Season

Chapter_13

Aaj audition ka din hai jab sab students apna apna luck ajmayenhe aur un do ko choose krenge jo sab se best honge...

Sahil, Ritu aur nishant college pahunch jate hai.

Sahil :-"ab bataogi shop ka kon sa aisa idea hai jo tum abhi tak hum sab ko nhi bata rhi hoo"

Ritu:-"batati hoo batati hoo, bs ek confirmation aane do"

Nishant:- "aisa bhi kya hai Ritu jo abhi tak nhi bata rhi hoo, yeh achi baat nhi hai"

Tabhi ritu ko call aati hai.. ritu call pick kr ke kuch door chali jati hai aur phone pe kisi se baat krti hai. Call khatam hone ke baad ritu sahil aur nishant ke pass aa jati hai.

Ritu:-"guess what"

Sahil :-"kya hua"

Ritu:-"conformation mil gya" jor se bolti hai .

Nishant:- "lekin kis cheez ke liye conformation?"

Ritu:-"jahan main rehti hoo vahan bahut saari aisi auratein rehti hai jo apna ghar chalane ke liye kuch na kuch ghr ki bani cheeze bana ke bechti hai jaise ghar ki decoration items food aur meetti ke bane bartan, to maine kal un se baat ki hai, hanare college main ek festival ho rha hai agar aap sab allow kroge to aapna samaan hum apne shop main bechna chahte hai, aur shop se hua profit hum calculation kar ke sab main baanth denge, aur shayad jitni vo sav bahar kamai nhi kar paati hongi shayad yahan us se jyadi ho jaye pta hai na yahan sab kaafi rich students hai jo price bolo vo de dete hai to hum is cheez ka fayda utha sakte hai is se hamara bhi profile hoga aur un gareeb logo ka bhi jiske vo hakdaar hai"

Nishant:- "ritu sab main yeh to kaafi acha idea hai."

Ritu::"ek cheez maine aur sochi hai, food section main dekh loongi nishant mitti ke bartan vala section dekhega aur kapdo ya decoration items vala sahil, kyun kaisi lgi meri planing"

Sahil:- "maan gye tum ko to hum"

Ritu:-"bs ab jaisa socha hai vo sab ache se ho jaye, chalo shop ke liye place book kr lete hai varna achi jagah nhi mil payi to nuksaan ho sakta hai hamara"

Sahil:- "haan tum dono chalo main aata hoo"

Ritu:-"kyun tum kahan jaa rhe"

Sahil:- "aaj Akshay ka audition hai dekh kar aata ki uski rehearsal kaisi chl rhi hai aur kitne bje audition hai uska"

Nishant:- "haan theek hai lekin jldi aana, vrna sab kaam mujhe akele ko krna padega"

Sahil:- "haan bhai pkka aata abhi bs"

Ritu aur nishant shop ke liye place dekhne nikal jate hai udher sahil Akshay ko dhoondhe nikal jata hai, sahil ek room se nikal rha hota hai ki uski nazar class ke ander jati hai, class main Akshay apni lines bol rha hota hai. Sahil door open kr ke room se ander aa jata hai.

Akshay:- "oh sahil thankgod tum aa gye akele prectice krne main bahut problems aa rhi hai meri help kro please"

Sahil:- "kaisi help, vahan audition tumhe akele ko dena hai to kro kaushish"

Akshay:- "aaj new update aayi hai audition duo main hoga kyunki audition ke liye students request bahut jyada aa gyi hai aur etne saare students ka audition ek baar lene bahut mushkil hoga"

Sahil :-"ohh, to tumhara partner kahan hai"

Akshay:- "meri us se baat hue hai vo trafic main fass gya hai vo bol rha hai ki 20 to 30 minutes main college aa jaega"

Sahil :-"mujhe tumhari help krni hai lekin vahan ritu aur nishant ko bhi meri jaroort hai"

Akshay :-"nishant hai na ritu ki help ke liye, meri tum help kr do pleeeeeeaase...

Sahil:- "okay fine lekin bs ek baar theek hai"

Akshay:- "theek hai pkka"

Sahil aur Akshay kl ke jaise hi same rehearsal krne lg jaye hai. Kuch der baad sahil bolta hai.

Sahil:- "maine ek baar bola tha lekin bahut baar ho gya, you are best dont worry tum kr loge bs khud pe bharosa rakho, ab mujhe jaana hoga"

Akshay:- "jana jaroori hai kya?"

Sahi:-l "bs bs yeh puppy face mt banao, car uthane ke prectice kro vrna tumhara dost mar jaega"

Akshay:- "vo to vaise bhi mrega"

Dono jor jor se hasne lg jate hai.......

Sahil vahan se chala jata hai.. aur Akshay prectice main lg jata hai.

Sahil, ritu aur nishant ke pass aata hai.

Ritu:-"bahut jldi aa gye tum"

Sahil:- "im sorry vo Akshay ko prectice main kuch help kr rha tha main"

Nishant:- "aur hamara kya"?

Sahil :-"im sorry please, batao kya krna hai abhi kr deta hoo"

Nishant:- "vo table middle main rakhna hai"

Sahil :-"koun ka vo chota vala lo abhi rakh deta hoo"

Nishant:- "vo chota vala nhi jo uske saath main hai bada vala vo"

Sahil (cute face bana ke) :-"voo...vo bada vala"

Ritu Jor jor se hasne lg jati hai,

Ritu:-"nishant ab bs bhi kro sahil dont worry bs yeh curtain lagane main help kro table aur baaki ka furniture ke liye college ki taraf se staff aaega, bs humain shop decorate krna hai, shop ko banana aur todne ka kaam sab staff krega"

Sahil :-"oh thankgod, bach gya"

Teeno jor jor se hasne lg jate hai...

Sahil ritu aur nishant apne shop ke kaam le liye lgge hote hai..

Sahil:- "nishant time kitna"

Nishant :-"abhi to 12 bje hai kyun kya hua"

Sahil :-"12:30pm pe Akshay ka audition hai, i have to be there"

Ritu:-"haan chale jana hum sab chalenge lekin abhi meri shop pe dhayan lagao, samjhe"

Nishnat:: "ritu, reh reh kar jagat mata kyun aa jati hai tumhare ander"

Ritu:-"agar chup chaap apna kaam nhi kiya to tumhara vadh kr doongi main"

Nishant:- "sorry mata"

Kuch der baad Akshay vahan aata hai.

Akshay:- "sahil tumse baat krni hai kuch important hai"

Sahil :-"haan bolo"

Akshay:- "tumhe bataya tha na mera partner jo nere saath audition dene ke liye select hua tha vo abhi tak nhi aaya hai usko phone kiya tha vo bol rha vo nhi aaega"

Sahil :-"to ab kya kroge tum"

Akshay :-"tum mere saath audition de do, tumne to rehearse bhi ki hai aur dialogues bhi yaad hai tumhe"

Sahil :-"tumhare saath theek hai lekin sab ke samne nhi hoga mujhse"

Akshay :-"bs yeh sochna main hoo pass aur koe nhi, please etni se help kr do meri"

Ritu:-"Akshay sahi bol rha hai tum dono ko ek doosre ka saath dena chahiye, jao sahil audition hi to hai de aao"

Nishant:- "hum sab ko pta hai tum kr loge, kyunki Akshay jo tumhare saath hoga vahan"

Sahil :-"acha theek hai lekin mujhe kuch time chahiye sochne ke liye, main abhi aata hoo"

Sahil vahan se chala jata hai....

Kuch der baad sahil kuch le kar aata hai.

Sahil:- "agar situation ko real banana hai to humain uske tarah dressup bhi hona hoga, yeh kuch kapde hai jo main le kar aaya hoo yeh us situation ko ache se justify krenge"

Akshay:- "lekin yeh sab kahan se"

Sahil :&"kyun sirf planning ritu kr sakti hai tumhe kya lga main tumhare liye etna bhi nhi kr sakta kyun socha tha yeh audition se pehle tumhe doonga aur door se tumhe audition dete dekhunga, lekin ab to saath main dena padega theek hai koe na hum kr lenge"

Akshay :-"thanks sahil"

Sahil:- "ab chlo bhi"

Ritu:-"tum dono jao kuch prectice kr lo hum dono bs kuch der tak aate hai"

Sahil:- "theek hai"

Sahil aur Akshay vahan se chale jate hai.

Ritu:-"kitna pyar hai un dono main, aur tum kuch bhi nhi krte mere liye"

Nishant :-"shayad mere pass kuch hai tumhare liye"

Nishant apna bag kholta hai aur ek ganesh ji ki murti usko deta hai

Nishant:- "socha tha yeh shop banane ke baad doonga lekin yeh pal bahut khaas hai isko barbaad nhi kr sakta, is liye yeh main abhi de rha hamare rishte ka pehla tohfa mere taraf se"

Ritu ke aankhon main paani hota hai aur vo nishant ko hug krti hai.

Udher sahil aur Akshay..

Sahil:- "time ho gya hai hamara name bhi announce ho chuka hai humain jana chahiye"

Akshay:- "mujhe bahut ghabrahat ho rhi hai"

Sahil:- "ghabrana to mujhe chahiye main kuch bhi nhi soch rha phir tum kyun etna"

Akshay:- "yeh pal hi kuch aisa hai main kya kru"

Sahil, Akshay ka haath pakadta hai aur bolta hai.

Sahil:- "dont worry yahan vahan aur har jagah main tumhare saath hoo".

Dono audition ke liye chale jate hai..

Bada sa hall hota hai samne kuch judge hote hai jo audition le rhe hote hai vo college ke entertainment teachers hote hai, jo dance music aur acting class ke head hai.

Kuch uper ritu aur nishant baithe hote hai, uper se ritu aur nishant, sahil aur Akshay ko all the best ka ishara dete hai.

Sahil aur Akshay audition dete hai, audition kuch 10 se 15 minutes ka hota hai..

Audition khatam hota hai..

Sahil aur Akshay bahar aa jate hai..

Ritu aur nishant bhi vahan aa jate hai.

Ritu:-"wah wah wah kya acting ki hai tum dono ne ek dum real lg rha tha, mujhe to last main sach main rona aa gya tha"

Nishant :-"mujhe pura yakeen hai Akshay main lead tumhe hi milega"

Akshay:- "thanks nishant thanks sandhaya mera etna hausla badhane ke liye, aur thanks sahil ka bhi banta hai mera saath nibhane ke liye"

Sahil smile deta hai.

Sahil :-"aur results kab hai"

Akshay :-"abhi kuch pta nhi hai maybe audition khatam hone ke baad shaam tak final result aa jaye"

Ritu:-"hope for the best" 🤞🏻

Chapter_14

College main announcement hoti hai

Voice:- "audition ke results 10 mints main sunaya jaega to please sabhi log jinhone participate kiya tha vo hall main aa jaye  thanks"

Sahil Akshay  ke pass aata hai..

Sahil :-"bs 10 mints aur phir faisala tumhare samne hoga"

Akshay:-  "mujhe sachi bahut drr lg rha hai"

Ritu :-" sab thee hoga dont worry chlo chalte hai"

Nishant:- "dekhna Akshay  tum jaroor select ho jaoge"

Akshay:-  "thanks guys, ab to jaake hi pata lgega kya hota hai"

Sahil Akshay  ritu  aur nishant sabhi hall main aa jate hai.

Result announcement bs shuru hota hai,

Teacher :-"aap sabhi ne audition ke liye apna name diya yeh bahut badi baat hai, lekin in sabhi main se total 10 students humne select kiye hai aur 10 students ko as a helper aur background ke liye rakha hai".

Teacher ek ek kar ke sabhi ka name announce krna shuru kr deti hai .

Teacher:- "yeh sabhi the jinhone audition main sab se acha performance diya last ke 2 name jo is play ke main lead honge vo hai, Akshay  aur sahil"

Akshay  ki aankhon main paani aa jata hai

Sahil Akshay  se kehta hai.

Sahil :-"lekin main kaise..."

Akshay :- "chlo ab"

Sahil aur Akshay  dono stage pe jate hai.

Teacher:- "congratulations tum dono is show ke main lead ho, aap sabhi ko doubt hoga do main lead aur dono ladke, because hamari society ko kuch change ki jaroort hai, har saal romio Juliet jaise play dekh dekh ke sab bore ho gaye hai lekin is saal ek romantic gay play kiya jaega jis se hum sabhi ko educate krna chahte hai, Akshay  aur sahil agar aap comfortable ho to kya hum aap dono ko final kr le"?

Akshay :- "ji mam humain koe problem nhi hai"

Teacher :-"thats great, kal se prectice shuru hogi bs college ke baad one hour dena hoga tum sabhi ko rehearsal ke liye aur kal sabhi ko scripts bhi mil jaegi, thanks"

Sabhi khushi se bahar aa jate hai..

Kuch kuch students ki awaaz sunai deti hai..

Student 1:-"Is baar ka show to super hit hone vala hai"

Student 2:-"Yeh gay show society ko educate nhi kharab kr rhe hai yeh log"

Student 3:-"Main to ab nhi aane vala hoo"

Student 4:-"Main to bahut excited hoo is show ko le kar"

Sahil Akshay  ritu  aur nishnat yeh baatein sabhi ki sunte hai aur ignore kr dete hai.

Ritu :-"in sabhi ki baatein ko ignore kro, mujhe pta hai is baar ka show best hone vala hai"

Sahil:- "lekin mujhe to acting aati bhi nhi hai to mujhe kaise select kr liya"

Akshay :- "kuch to baat hogi tum main jo un logo ne dekha, ya phir un logo ko sach main hamari chemistry pasand aayi"

Nishant:- "to iska mtlb hai ab shop main main aur ritu  hi rhenge"

Ritu:- "hum dono manage kr lenge koe na"

Sahil:- "aisi baat nhi hai play to sabse last main hoga before main help krunga"

Ritu:- "lekin tumhe rehearsal bhi to karna hoga"

Sahil:- "hum sab ek team hai num manage kr lenge dont worry"

Nishant :-"to kal sabhi ko scripts di jaegi"?

Sahil:- "haan"

Nishant:- "vo paras bhi to select hua hai aur class main to jor jor se bol rha tha mujhe main lead milega agar tum dono main lead ho to usko kon sa role mila hai?"

Ritu:- "humain kya, koe bhi side charector hoga vo khud ko bahut over smart samajhta hai ab usko pta lgega kon kitne pani main hai, jo best hai vo best hai bs baat khatam"

Akshay:-  "in so excited, hum sab ek chote celebration ke liye kahin bahar chalein?"

Sahil :-"abhi?"

Akshay::  "haan lekin etna saara kaam hai"

Ritu:- "vo to sab ho gya hai abhi festival ko one week hai araam se sab ho jaega dont worry, thoda enjoyment bhi hona jaroori hai life main"

Akshay :- "haan bilkul"

Sahil:- "theek hai chlo"

Nishant :- "oohhoo"

Sabhi india gate jate hai.

Sahil aur Akshay  ek banch pe baithe hote hai aur ritu  aur nishant kahin kuch khaane ke liye gye hote hai.

Sahil:- "india gate pe aake aisa lgta hai jaise abhi bahut kuch bacha hua hai life main achive krne ke liye"

Akshay:-  "aur aisa yahan aake kyun lgta hai"

Sahil:- "pta nhi yahan etne saare log hai sab log ek hi cheez ke liye aaye hai india gate ke liye, kya hum kisi din etne khaas ho payenge?"

Akshay:-  "bs mehnat hi to krni hai baaki sab mil jata hai jiske hum haqdaar hote hai"

Sahil halki c smile deta hai.

Sahil:- "bahut bhookh lgi hai kuch khaane chlte hai"

Akshay  :-"kya khaoge"?

Sahil:- "golgappe"

Akshay :- "to chalo, kyun na race lgate hai kon sabse jyada khata hai"

Sahil :-"tum jeet nhi paoge mujhse"

Akshay:-  "aisa kya chlo dekhte hai"

Sahil :-"jeetne vale ko kya milega"

Akshay:-  "jo hara pay vo krega"

Sahil:- "phir pay krne ke liye teyaar ho jao"

Sahil aur Akshay  golgappe vale bhai ke pass jate hai.

Akshay:-  "bhaiya bs banate jao aj dekhna hai kon kitne golgape khaa sakta hai"

Ritu aur nishant bhi vahan aa jate hai.

Ritu sahil ki team main aur nishant Akshay  ki team main aa jata hai.

Race shuru ho jati hai.

Ritu :-"go sahil go aaj jeetna hai tumhe"

Nishant:- "jeetega to hamara Akshay  he"

Sahil aur Akshay  ek ek kar ke golgappe khana shuru krte hai. Kuch 15 se 20 mints ke baad Akshay  bolta hai.

Akshay  :-"bhaiya bs mera ho gya"

Ritu:- "Woohhoo sahil tum jeet gye"

Sahil Akshay  se:- "bola tha na jeet nhi paoge, chlo vaade ke mutabik bhaiya ki jeb garam kro".

Akshay :- "haan theek hai"

Nishant:- "vo bhaiya sahil ko chote chote golgappe de rha tha aur Akshay  ko bade bade, is liye sahil jeet gya"

Ritu :-"haan haan haan bs kro dil ko tasaali mt do loosers"

Ritu nishant ko hug krti hai.

Akshay  pay krne ke baad sahil ke pass aa jata hai.

Sahil:- "kuch aur khana chahoge"

Akshay:-  "nhi mera pet ko fat jaega aisa lg rha hai"

Sahil:- "haha, theek hai lekin main soch eha tha ek round aur kheel le"

Akshay  sahil ke aage haath jodta hai "maaf kr do mujhe jo maine tumhe race lagai"

Sahil jor se hasta hai aur Akshay  ko gale lgata hai.

Sabhi india gate se vapas ghr aa jate hai..

Chapter_15

Next morning

"Aaj rehearsal ka pehla din hai, pta nhi main kya krunga mujhe to kuch aata bhi nhi hai aur mujhe main lead main choose kr liya college valo ne, hey bhagwaan main kya kru ab, shayad kuch to dekha hoga un logo ne mujh main tabhi to select kiya, main bhi kya soch rha hoo yeh khud se baatein krne ki aadat kab jaegi pta nhi, lo abhi bhi khud se hi baat kr rha main.."

Yeh sab sahil khud se baatein krta hai, last main apne bed pe baith jata hai.

Sahil's mother sahil ko neeche se awaaz lagati hai :-"sahil, sahil aaj college nhi jana kya breakfast ban gya hai neeche aaja"

Sahil:- "mummy bs 5 mint aabhi aaya neeche"

Sahil jldi se teyaar hota hai aur neeche aa jata hai.

Sahil :-"mummy, papa aapko ek good news deni hai hamare college main ek festival hone vala hai aur last main ek play kiya jaega aur maine audition diya tha jis main mujhe main lead ke liye select kr liya gya hai"

Sandhya:-"wah sach main, play ache se krna"

Vinod:-"yeh sab karne ki kya jaroort hai college padhne ke liye jate ho kya yeh sab krne"

Sandhya:- "aaj kal ki study aisi hi hoti hai, hamare jamane ki tarah nhi hai, aapko kuch nhi pta"

Vinod (funny way main):- "haan haan sab to tumhe hi pta hai"

Sandhya:- "haan kyun na pta ho maine apne college main bahut saare play kiye hai aur bahut saare prize bhi jeete hai"

Vinod:-"haan haan meri madhuri dixit"

Sahil hasta hai :-"aap dono kitne cute lgte ho"

Vinod:- "bs bs khayal rakhna apna aur jo bhi krna puri mehnat se krna"

Sahil :-"thanks papa, bye mummy"

Sahil college pahunch jata hai.

Ritu:- "hey sahil to kya soch aaj ke baare main"

Sahil:- "mujhe to kuch nhi pta hai, kya krunga i dont know, its like all blank"

Ritu :-"dont worry ho jaega"

akshay ritu  aur sahil ke pass aata hai.

akshay:- "sahil, humain chalna hoga drama teacher ne sabhi ko bulaya hai jo jo select hue hai"

Sahil :-"haan aata hoo, ritu  nishant kahan hai"

Ritu:- "vo shop ke samaan ke liye kuch arrangements krne gya hai bs aata hi hoga, hamari class se pehle tum jao aur dekh lo ki teacher ne kyun bulaya hai"

Sahil, akshay ke saath chala jata hai.

akshay:- "tum etne chup kyun ho"

Sahi:-l "i dont know bahut ajeeb lg rha hai"

akshay:- "ajeeb kyun"?

Sahil :-"yeh sab kitni jldi jldi ho rha hai aise lg rha hai jaise kuch bahut bura hone vala hai, yeh show, aisa na ho iski story hamari life jaisi ho"

akshay:- "bs tum jyada soch rhe ho, sab acha hoga dekh lena tum"

Sahil:- "aur ek baat mujhe to sach main nhi pta main kya krunga stage pe"

akshay:- "jo bhi kroge acha kroge aur tumhe to pta hai na main hamesha tumhare saath hi hoo"

Sahil :-"haan"

akshay aur sahil teacher ke pass chale jate hai room main sabhi students hote hai jo select hue hai, beech main paras bhi hota hai.

Teacher:- "aisa show kabhi is college main hua nhi hai aur hum apni mehnat se is show ko aisa bana denge ki koe aisa show kr bhi nhi payega, to main is show ki story aap sabhi ko explain kr deti hoo, is ke main character jo hai akshay aur sahil ek same hi college main padhte hai aur un dono ko ek doosre se pyar ho jata hai, jab in dono ke baare main unke dosto ko pta chalta hai to unke dost un dono ko chodd dete hai, aur sahil ke bhai jo play krega paras usko inki khabar milegi, paras kaafi gusse hota hai vo akshay aur sahil ko alag krne ki thaan leta hai aur last main......, Bs last ka spoiler abhi nhi aap sabhi ko story padhni hogi uske liye aur college khatam hone ke baad hum rehearsal room main milenge, i hope aap sabhi students apne free periods ka ache se use kroge aur yeh story ache se read kroge"

Students:- "yes teacher"

Sabhi students scripts le kar room ke bahar aa jate hai.

akshay:- "dekha yeh story hamare jaisi to bilkul nhi hai, hanare dosto ne humain kabhi nhi choda, aur tumhara koe bhai bhi nhi hai"

Sahil hasta hai:- "tum sahi ho main hi jyada soch rha hoo.

akshay:- "chlo main apne class main jata hoo"

Sahil:- "theek college ke baad milte hai"

akshay aur sahil apne apne class main chale jate hai..

Sahil apne class main aa jata hai.

Ritu :-"sahil kya hua?"

Sahil :-"story kaafi intence hai"

Ritu sahil ke haath se script le leti hai.

Ritu:- "yeh script hai, tum se pehle main padhungi"

Paras bhi class main aata hai, sabhi class vale ko pta lg jata hai ki paras ko main lead nhi mila hai, vo sab paras ka mazak udaane lgte hai.

Students:- "kya hua paras kal to bahut badi badi baatein kr rhe the ki main lead tumhe milega lekin.. kya hua (laugh)"

Paras sabhi ki baatein sun ke kaafi gusse main aata hai aur class se bahar nikal jata hai.

Ritu:- "isko kya hua"

Sahil:- "kal sabhi ko bol rha tha ki isko main lead milega lekin isko mere bhai ka role mila hai is liye thoda hurt hai its ok jab hum bahut jyada umeed lga lete hai to kabhi kabhi vo cheez humain kaafi hurt krti hai, ho jaega theek kuch der main"

Ritu :-"main baat kru kya us se jaa ke"

Sahil:- "nishant ko pta chalega to.."

Ritu:- "main usko mana loongi"

Sahi:-l "theek hai.."

Ritu :-"main abhi aati hoo"

Ritu class ke bahar jati hai bahar ek bench pe paras baitha hota hai.

Ritu:- "main yahan pe baith sakti hoo"

Paras kuch nhi bolta hai.

Ritu paras ke saath baith jati hai.

Ritu:- "dekho jaroori nhi hum jo life main chahte hai vo humain mil jaye, kabhi kabhi humain jo mila hai usi main khush rehna chahiye hum sab ko"

Paras :-"matlab"

Ritu:- "mujhe pta tumne kaafi socha tha ki tumhe main lead milega, lekin sahil ke bhai ka role hai aur kuch chapter maine padhe hai, main lead to nhi lekin main villain ho tum is show ke kaafi saare twist aur turns tumhare karan aayega is show main aur central attraction banoge is show ke tum, agar sach main tum ek ache artist ho to tumhe sabit krna hoga is show ke dum pe tumhe saabit krna hoga ki tum bhi ek ache artist ho, chahe vo main lead ka role vo ya side role, lekin puri mehnat se yeh part play kro aur logo ko majboor kr do, aisa show kro ki tumhe koe bhool na paye"

Paras:- "tum shayd sahi bol rhi vo, movies main bhi kabhi kabhi bade bade stars ke 10, 10 mints ke role kiye hai aur aisa act kiya hai jo kabhi kisi ne nhi kiya chahe fashion ki kangana vo ya baby ki tapssee panu, lekin mera act kaafi bada hai aur mujhe puri jaan de deni chahiye, thanks ritu "

Paras ritu  ko hug krta hai..

Aur nishant paras aur ritu  ko hug krte dekh leta hai, ritu  nishant ko dekh leti hai.

Ritu to paras:- "all the best"

Ritu yeh bol ke nishant ke peeche class mai aa jati hai.

Ritu :-"nishant nishant ruko"

Nishant sahil ke pass aa jata hai.

Ritu:- "jaisa tum samjh rhe ho vaisa kuch nhi hai.

Nishnat:- "sach main to kaisa hai".

Ritu:- "main bs usko samjhane gyi thi"

Nishant:: "kya jaroort nhi"

Sahil:- "nishant, tumhe pta hai ritu  kaisi hai kisi ka dukh us se dekha nhi jata vo bs paras se baat krne gyi thi"

Nishant :-"theek hai lekin hug"

Sahil :-"kon se jamane main ho, vo bs ek normal huh bhi to ho sakta hai na".

Ritu:- "mujhe kuch safai nhi deni agar bharosa hai to theek vrna main explanation nhi de sakti"

Ritu sab hoti hai aur bench pe baith jati hai.

Nishant ritu  ke pass aata hai.

Nishant:- "sorry, maine kuch jyada hi soch liya, mujhe pta hai tumhe kisi ka dukh dekha nhi jata aur, main koe bhi nhi hota tumhe kuch bhi krne se rokne ke liye bs etna bolunga kabhi dokha mt dena main tut jaunga vrna"

Ritu :-"aur tum kabhi mujhpe shak mt krna, vrna main naak tod doongi"

Yeh bol ke dono hug krte hai.

Sahil :-"bs solve ho gyi fight lekin mujhe to aur masala dekhna tha"

Ritu:- "acha dikhau tumhe masala"

Teeno hasne lgte hai.

College khatam hota hai.

Sahil :-"mujhe rehearsal ke liye jana hai"

Ritu:- "haan theek hai kal milte hai"

Sahil rehearsal room jata hai aur rehearsal day 1 complete ho jata hai.....

To be continued..