Mera Pehla Pehla Pyar Chapter 6-10

 

Mera Pehla Pehla Pyar

Chapter_6/22

Happy Birthday Naman

Rishi : Pehle Iske Characteristics, Phir Drawbacks aur Last mein Modifications Toh Yeh Part Complete.... Samjhe?

Naman : Ha Ekdum Acchi Tarah... Yaar Rishi Tu Na Hota Toh Kaun Meri Madat karta yaar...Maa sahi Kehti hai Purane College Waale Doston se Tu Kayi Accha hai....

Rishi : Naman Madat toh Koi bhi kar leta Tumhari... Madat ke liye koi Mana nahi karta.. Aur Rahi Tumhare Purane Doston ki Baat Koi Insaan Bura nahi hota sabka apna apna Swabhav hota hai bas....

Naman : Ha Yaar Sahi kaha Tune...

(Rishi Apne Bag se Woh Bracelet Nikalta hai) 

Rishi : Naman Mujhe tumse Iske baare mein baat karna hai

Naman : Are Ye to wohi Bracelet hai Na Jo Tere Shirt ke sleeves pe laga tha.... Kya hua Tu Pareshan sa kyu lag raha hai?

Rishi : Ha  Naman Aur Main Janta Hu Yeh Wohi Ladka ka hai jo Mujhse subah Takraya tha....Mujhe Yeh use wapas Karna Chahiye

Naman : Haa Toh De denge Yaar Isme Pareshaan Hone Wali Kya baat Tune yeh Churaya Thodi hai re

Rishi : Churaya Nahi Hai Par Kisiki Cheez Bina Puche apne paas rakhna bhi toh Buri Baat hai na Naman... 

Naman : Yaar Rishi Tu Kitna Overthink karta hai.... Pareshaan Na Ho tu Kal Hum use dhoond Lenge aur Uski Amanat Use wapas kar denge...

(Naman Apne Ghar ke liye nikalta hai...Rishi Khana khaane Neeche aata hai....Wahaan Naman khush hai Ki Agle Din Uska Bday hai)

Rishi : (Bracelet Ki Ore dekhte hue) Kya Woh Ladka ise Dhoond raha hoga? Woh pareshan na ho raha ho...

•Naman Ke Ghar Mein

Naman : Yaar Kal To Mera Bday hai....Aur Yeh toh Mera Special Bday hai....Mere saath Mera Dost jo hai.... Kal Rishi Ko Treat Dunga

Rishi(Phone Mein dekhte hue) : Yaar Aaj Kal Social Media Pe Birthday Wish kar dete hai aur Hogaya....yeh kya baat hui Jiska Birthday ho Uske daston ko Special Feel Karana Chahiye...Jab Naman Ka Birthday hoga Main Use Kuch Special Gift dunga

(Achanak Rishi Ka Phone Vibrate Hota hai aur Message Notification aata hai)

(Rishi Achanak Uthkar Baith jata hai)

Rishi : Kal Toh.. Naman Ka Birthday hai Us Din Uski Mummy Ne bataya tha..... 9 Baj rahe hai...Jaldi Se jaakar kuch Le aata hu uske liye 

•Agle Din Subah.

Rishi : Jaldi Jaldi Taiyar hota hu Roj Naman Mera Intezaar karta hai Main jaakar Rukta hu Aur Uska Gift Bhi de dunga....(Niche Aate hue) Maa Main College jaakar aata hu...

(Naman Apne Ghar se bahar aata hai)

Rishi(Naman Ko Peeche Se Hug karte hue) : Happy Birthday Naman...... Mere Dost... Kabhi Mujhse alag na hona... Tum Hote ho Na Mujhe lagta hai jaise Iss Anjaan Sheher Mein Koi Apna Mil gaya Mujhe

Naman(Khushi se) : Yaar Tujhe Yaad hai Rishi... Thank You Yaar Thank You So Much...Tune Mera Birthday Special Bana Diya... Thank You Mere Jigar ke Tukde

Rishi : Hmmm Yeh Lo Tumhara Gift.....

Naman : Wrist Watch!!! Thank You Yaar Rishi...Yeh toh Bahut Acchi hai... Par Tujhe kaise pata chala Meri Watch Kharab ho gayi hai?

Rishi : Yaad hai Uss din Lecture mein Tum Mujhse baar Baar Time Puch rahe they Jab Ki Tumne watch pehni hui thi...Usi Din Shaam ko Padhte samay maine dekha tumhari Watch kharab hai....Aur Maa Kehti hai Ki Kharab Watch nahi Pehen ni Chahiye

Naman : Haa Yaar Meri Maa Bhi Yahi Kehti hai...Aur Yeh Photo Frame Yeh Toh Hamari Pehli Selfie hai na....Isse Best Gift Kuch Aur Ho nahi Sakta yaar Mere liye Rishi....Love You Yaar!!!

(Rishi Aur Naman College Pahunchte hai...Dono Bahut Khush thay Aur Lectures ke baad Break Aaya)

Naman : Chal Rishi Canteen Jaate hai...Aaj Meri Taraf se Treat...

Rishi : Are Iski Kya Jarurat Hai....

Naman : Tune Mujhe Gift Diya Maine Mana Kiya..... Dekh Maine toh Watch Pehen bhi Li...Chup Chap chal warna Kheech ke Leke jaunga

Rishi : Are Theek hai Theek Hai aa raha hu Chalo

(Rishi aur Naman Canteen Mein Khana kha Rahe hoti hai...Thandi Hawaa Chal rahi hoti hai)

Rishi(Mann Mein) : Are Ye Toh Wahi Perfume Ki Mehek hai Jaisi Kal Us Ladke ke paas se jaane par aayi thi

Rishi : Mere Saath Chalo Naman jara Please jaldi...

Naman : Are Kya Hua Tujhe Achanak...Ha Chal aa raha hu

(Rishi Naman ke Sath Uss Perfume Ki Mehak Ka Peecha Karte Karte Apni Hi Class tak aa jata) 

Rishi : Naman Shayad wahi Ladka hai Jiska Yeh Bracelet hai...

Naman : Accha Toh Puchke dekh toh...

Rishi : Excuse Me Yeh Bracelet Aapka hai? Kya Kal aap Hi Mujhse Takraye the? 

Ladka : Ohh Mera Bracelet...Thank You Thank You so Much Mujhe Mera Bracelet mil gaya Main kal se Dhoond raha tha... Yeh Mujhe Mere Papa ne diya tha Jab Main Kanpur Se yaha Padhne aaya... Yeh Mere Liye Bahut Special hai 

Naman : Woh Kal Aap Isse Takraye the toh Iski Shirt ke Sleeves mein Fass gaya tha.... Haina Rishi? 

(Rishi Uss Ladke Ko Dekhte Hi Reh gaya Kuch Keh hi nahi Raha tha...Naman Ne Use Haath ki Koni Maari ) 

Rishi(Hadbadate Hue) : Ha....Haa Yeh "Shirt Mere Bracelet Mein Lagi hui thi…".

Naman : Are Kya Keh Raha hai Tu Rishi

Rishi : Woh..Woh Mera Matlab Bracelet Mere Shirt Mein Lagi hui thi...

Ladka : Koi Nahin....Myself Priyank Sharma...Aur Yeh Meri Twin Sister Kritika... Hum Dono Bachpan Se Saath Padhe hai Toh Kanpur se yaha saath padhne aaye hai

Naman : Ha Toh Yeh Rishi Bhi Mera Dost hai....Bachpan Nahi Phir bhi Best Friend hai mera....

Priyank : Hamare Abhi Koi Friends Nahi Bane hai...Toh Kya Hum 4 Dost Ban Sakte hai?

Naman : Yeah Why Not?

Mera Pehla Pehla Pyar

Chapter_7

Hum char

(Saare Lectures Ke Rishi, Naman,Priyank aur Kritika Ghar Jaane ke liye chal padte hai) 

Naman : Waise Tum Dono Rehte Kahaa ho....I mean Ghar kahaa hai tumhara?

Kritika : Hum Shastri Nagar Ke Mangal Bhavan Plot No.17 Mein As Paying Guest Rehte hai... Kanpur se Yahaa Padhne Aaye Hai

Priyank : Tum Dono Kaha Rehte ho?

Naman : Hum Sai Gardens Ke Plot No. 27 aur 30 Mein Rehte hai... Padosi hai Ek Dusre Ke

Priyank : Waise Tum Kuch Bol Kyu Nahi Rahe Rishi? Kya Hua? 

Rishi : Haan? M...Main Kuch Nahi Bas Tum Teeno Ki Baat Sunn Raha tha kya keh rahe the woh

Priyank aur Kritika : Theek hai Hum Chalte hai Yahaan humein Right Jana hai....

Naman : Haa Theek hai Bye

Rishi : Chalo Ghar Chalte hai....

(Rishi Aur Naman Aaj Naman Ke Ghar Padh Rahe hai)

Rishi : Accha Aaj Kaunsa Topic Kare?

Naman : (Khayaalon Mein) Kritika....

Rishi : Kya?

Naman : Aa.. aa.. Mera Matlab Cri... Critical.... Critical Temperature ka kya bata Rahi Thi Miss Aaj Kya Bata Rahi Thi Mere Toh Kuch Palle hi Nahi Pada....

(Rishi Aur Naman Padhai Ke Baad Kuch Der Baatein Karte hai.... Phir Rishi Apne Ghar Chala Jata Hai)

•Agle Din College Jaate Samay

Naman : Yaar Rishi.... Tujhe Kabhi Pyaar Hua Hai Kisi Se?

Rishi : Kya? Pyaar? Subah Subah Tumhe Kya hua hai Aaj....Mere Itne Saalon Baad Tum Pehle Dost ho Aur Tum Pyaar Ka puch rahe ho?

Naman : Are Main Toh Bas Aise Hi Puch Raha tha...Woh Kal Kuch Kuch Hota Hai Dekhi Isliye Puch liya

Rishi : Tumhari Dosti Mere liye Sabse jyada Jaruri hai.... Ha Toh Pyaar bhi Tumse hi hai... Kyunki Tumhare Wajah Se Main Apne Past Ko Bhula Paa Raha hu Aaj...Tum Na hote toh Main Aaj Bhi Akela hi Hota

(Rishi aur Naman College Pahunchte hai Aur Class mein aakar Baithte hai) 

Naman : Rishi Ye Le Kal tumhari Chemistry Ki Book Mere Yaha Hi Reh Gayi thi...

Rishi : Are Naman Kya Mera Kya Tumhara Tum Hi Kehte ho na Sab Humhara hi hai...Aur waise Bhi Jab Saath Padhte hai toh aisa ho jaata hai...Rakho Baad mein de dena

Naman : Woh Toh Janta Hu Yaar...Par main Bhulkkad Hu Dena Bhool jaunga...Aur tu toh aisa hai ek cheez de di toh de di Jarurat hogi toh Mangega bhi nahi

Rishi : Acha Theek Hai De Do

(Rishi Book Bag Mein Rakhta hai Itne Mein hi Peeche se Priyank Ki awaaz aati hai)

Priyank : Good Morning...Kya Kar Rahe ho?

Rishi : "Haan...Haan Main Woh....Woh Bag Ko Book Mein Rakh raha tha."

Naman : Oye Kya Keh Raha hai Tu?

Rishi : Haan...mera Matlab Book Ko Bag Mein Rakh raha tha....aise Keh Raha tha Main

Naman : Are Priyank Woh Tumhari Behen Kritika Kahaa hai Aaj?

Priyank : Aa Rahi hai peeche hi abhi Mere 

Kritika : Good Morning Guys...Kaise ho Tum?

Naman : Hum Toh Bahut Acche hai....Tum Kaisi ho Kritika? 

Kritika : Main Bhi Achi hu Naman

(Lectures Shuru Hote hai Aur Sab Apni Seat Par Baith jaate hai)

Naman : Chalo Break Hai Canteen Chalte hai Sab...

Rishi : Haa Chalo 

(Ab Rishi un Teeno Ke Ghul Mil Jaata hai Ab Woh Apne Past Se Bahar Aane Laga Tha)

Ab Dheere Dheere Samay Beet Raha tha aur Semester Exams Paas Aa Rahe they

Naman : Kya Hum Sab Exam Ki Tayari Saath Milkar Kare? Rishi Tu Aur Main Saath Padhte hi hai Ab Exams ke liye Chaaro Saath Mein Padhenge

•Uss Din Shaam ko Rishi Ke Ghar Par

Rishi : Hum Pehle Chemistry Se Shuruaat Karte hai....Pehle Physical, phir Organic baad mein Inorganic... Toh aise Chemistry Ka part Complete ho jaayega.. Aur Baad mein Zoology aur Botany Cover Kar lenge

Naman : Haa Sahi Kaha Tune Rishi 

Kritika : Haa Waise Bhi Chemistry Mujhe Thoda Tough Lagata hai...

Meghna : Kelge baa chaha tindi tagond hogu ninna geleyarige(Beta Neeche aana toh Chai Nashta Leke Jaa Apne Doston ke liye)aur Aate Samay Kisko Kitni Chammach Cheeni Chahiye Puch lena

Rishi : Kritika Tum Kitni Chammach Logi?

Kritika : Main Do Chammach Cheeni Lungi Chai Mein

Rishi : Naman Tumhara Toh Maa Ko Pata Hai 2 Chammach... "P.. Priyank Tum Kitni Chammach Chai Loge Cheeni mein?"

Naman Aur Kritika(Ek Saath) : Heeinn Kya? 

Rishi : M...Mera Matlab Tum Chai Mein Kitne Chamach Cheeni Loge?

Priyank : Main Ek Chammach Cheeni Lunga

(Ab Har Roz Chaaro Saath Mein Milkar Padhte Aur exams Ki taiyari karte....Isi Dauran Naman Aur Kritika Ki Acchi Bonding Ho Gayi)

Naman : Yaar Rishi Tu Priyank Se Baat Karte Samay Itna Hadbadata Kyu hai...Sab Aage Piche karke bolta hai

Rishi : Pata Nahi Yaar usko Dekhte hi Aisa lagta hai Sab kuch Freeze Ho gaya ho Aur Main Bolna kuch chahata hu Bol kuch aur jata hu....Jab bhi baat karta hu Uski Pyari si Smile Dikhati hai…....

Naman : Are Baap Re....Iska Matlab

Rishi : Kya Matlab?

Naman : Matlab Tujhe Pyaar Ho Gaya hai Rishi

Rishi : Kis se?

Naman : Are Pagle Priyank Se Aur Kis Se....Buddhu

Rishi : Kya Tum Bhi Subah Se Tumhe Main Hi Mila Hu Mazak Karne ke liye? Chalo Ab Aaj Last Exam Hai Semester Ab Tak Toh Sab acche papers they

Rishi(Mann Mein) : Kya Naman Sach Keh raha? Nahi Nahi Yeh Toh Bilkul Nahi Ho sakta.... Ise Toh Mazak karne ki Aadat hai

(Ab Saare Exams Ho Chuke they.... Results Lag Chuka tha Rishi, Naman, Priyank aur Kritika ko Above 80% Marks Milte hai)

Naman : Aaj toh Exams ke baad Pehla Din Hai.... Ab Toh Thoda Stress Free Lag raha hai....

Kritika : Actually Tum Bilkul sahi Keh rahe Ho Naman...

Mera Pehla Pehla Pyar

Chapter_8

Koi Laut Ke Aaya Hai..

(Naman, Priyank aur Kritika Baatein Kar rahe hai Rishi Unki Baatein Sunn Raha hai aur Woh Class mein aate jaate Bacchon ko dekh raha hai)

Rishi(Achanak Se) : M...Main Jaa Raha Hu....Mujhe Theek Nahi lag raha (Rishi Bag Lekar chale jaata hai)

Priyank : Are Rishi Ko Kya Hua Naman?

(Naman Samajh Jata Hai Jarur Koi na Koi Baat hai) 

Naman : Tum Dono Chinta Matt Karo Main Dekhta Hu Kya Baat hai…

Priyank aur Kritika : Ha Haa Dekho kya baat hai!!

Naman : Rukk Oyee Rishi... Bata toh Kya hua Tujhe? 

(Rishi Bina Kuch Bole Apne Ghar ki Ore Bhagta hai....Aur Naman Bhi Rishi ke peeche aata hai)

Naman : Ruk Ja Yaar Ek Baar Meri Baat Sunle....

(Rishi Ghar Pahunchta hai dekhta hai Darwaje par Taala hai Woh Jaldi Darwaza kholta hai Aur Andar Jaata hai)

Naman : Rishi Kya Hua Yaar....Rukk

(Naman Rishi ke ghar ke andar jata hai Aur use dhoondta hai)

Naman : Rishi Kahan hai Tu Yaar.... Bata na Kya baat hai Mujhe Chinta ho rahi hai ab... Aur tu hai kahan

(Naman Rishi Ko Bahut Dhoondta hai Aur Woh Phirse Rishi ke Room ke paas aata hai) 

Naman : Rishi Tu Kahan Chala gaya yaar....Naraz hai Kya Mujhse tu.....

(Naman Ko Kuch Awaaz aati hai...Naman Uss Awaaz ke paas jaat hai jo kone Mein Cupboard ke paas ss aa rahi hai)

Naman: (Chaukte hue) Rishi!!!

Rishi Naman ko Achanak Dekhkar Darr jata hai 

Naman : Yeh kya Haalat bana Rakhi Hai Yaar Tune....Kyu Dara Hua hai Itna... Kyu Kaanp Raha hai...Bol na?

(Naman Rishi Ki Haalat Dekhkar Darr jata hai...Woh Kone mein Dara Sehma aur Kanp raha hota hai) 

Rishi(Dari Hui Awaaz mein) :N...Naman Woh...Woh Wapas Aa Gaya hai...Maine usko wapas Dekha

Naman : Kaun aur kise Dekha Tune.....Aur Darr kyu raha hai yaar Itna?

Rishi : M....Manish Woh Wapas aa Chuka Hai 

Naman : Woh Tere School Ka Dost? Jisne Tujhe Galat Samjha tha?Shaant Ho Pehle Tu Panic Kyu ho raha hai par itna?

Rishi : H...Haa Wahi Manish.….... Naman Samjho Main Jis Past Se Ab tak Joonjh raha tha Usse Nikal kar nayi Zindagi Shuru ki thi…

Naman : Shant ho Ja Rishi Le Paani pi.... Panic Matt ho

(Naman Abhi Bhi Rishi Ki Haalat Dekhkar dara hua hai)

Rishi : Jis past ko main Tumhare kaaran Bhool gaya tha..Ab Woh Past Phir se mere Samne aakar khade ho gaya hai.....Tumhe shayd aisa lage Ki Main Isse baat ko Itna Serious Kyu le raha hu..... Par Naman Maine 5 Saal Isi Past ke saath Roj Nikale hai.... Akele Phir 5 Saal baad tum mile Jisne mera Darr khatam kiya...

Naman : Nahi Yaar Aise matt bol Tu Apni Jagah Sahi hai...Shant Ho jaa Yaar Mujhe Tujhe Iss halat mein Dekhkar Bahut Bura Lag raha hai yaar.. Matt kar aise teri Haalat aur Kharab ho jayegi...

(Naman Rishi Ko Shaant Karne Ki Koshish Karta hai Par Rishi ne Itne Saalon se jo Dukh apne andar Samet kar rakha tha woh aaj Bahar aa gaya tha aur yeh uski Zindagi ka Sabse bada Emotional Break Down tha)

Rishi : Kya Main Kabhi Khush nahi Reh sakta Naman? Jise Dost samjha woh Chhodkar Chala gaya.. Itne saal akele Raha, Kisine Saath nahi diya... Ab Jab Sab Theek chal raha tha Itni Koshishon Ke baad Main apne past se bahar nikla tha Aur ab Woh Kal Mera Aaj Bankar Mere Saamne hai....

Naman : Matt Soch Samjhta hu Main Tu Kya Feel kar raha hai.... Samajh Yaar Tujhe Iss Tarah Main Dekh nahi sakta... Aunty Kahaa par?

Rishi : Woh Hamare Relatives Ke yahan koi Emergency hui hai toh Aaj Subah hi Wahaa gaye hai Kal Subah Ya Dopahar tak aayenge

Naman : Ek kaam Kar Uth Uth....Chal Mere Saath Mere Ghar Chal... 

Rishi : Nahi yaar Main Theek hu...Tum Chinta Matt karo...

Naman : Ek Kaha Na Uth samajh nahi aata tujhe? Chal Tere Har Mushkil mein Saath Dene ka Vada kiya hai Maine... Tujhe aise nahi chod sakta Chal Uth...Tujhe Meri Kasam hai Tu Mana nahi karega

(Rishi Naman Ke Ghar Chalne ke liye Maan Jata hai Aur Naman use Apne Ghar le jaata hai)

•Naman Ke Ghar

Naman : Maa Aaj Rishi Mere Saath Rahega....Woh Aunty aur Uncle Dono bahar gaye hai aur Iski Tabiyat thodi Theek nahi lag rahi

Maya : Are Kya hua tumhe Rishi? Accha Hua Naman Ise Tumhare Saath le aaye...Raat Mein tabiyat jyada Kharab ho jaati toh...

Naman : Maa Yeh Toh maan hi nahi raha tha aane ke liye..... Jabardasti Ki tab jakar aaya hai...

Maya : Are Beta Rishi....Yeh bhi Toh Tumhara ghar hai...Aur Naman toh Tumhara apna Dost hai...Tumhare Yaha aane se humein koi Pareshani thodi Hoti

Rishi : Aunty Aisi Koi Baat nahi hai...

Maya : Koi nahi....Tum Dono Hath Muhh Dho lo Main Khana Lagati hu....

(Rishi, Naman aur Naman Ki Mummy Saath khana khate hai)

•Naman Ke Room Mein

Naman : Rishi Aaj Teri Halat Dekhkar Main Bahut Darr Gaya tha Yaar... Mujhse Vaada kar Kabhi Aise nahi karega... Pagle Tera Saath Dunga kahaa tha na... Toh Teri Problem Bhi Meri Hi Problem hai

(Rishi Naman Ki Baatein Sunte Sunte So Jaata hai....)

Naman(Mann Mein) : Itni Pareeksha Kyu Li Jaati Hai Teri Rishi.... Lekin Tu Chinta Matt Tera Naman Tere Saath Hai.... Jo Hoga Saath Mein Dekh Lenge....

•Agli Subah Naman Ke Ghar Mein

Naman : Uth Gaya.... Kaisa lag raha hai Tujhe ab? College Jana hai Yaa Aaram Karega Aaj?

Rishi(Naman Ke Gale Lagte Hue) : Thank You Yaar Naman Kal Tu Naa hota Toh Main Kaise Khud Ko Sambhal Paata...

Naman : Chup Kar Pagal.... Dost Hu Tera Tujhe Akela Kaise Chhodta yaar?

Rishi(Smile Karte hue) : Haan Dost Ho Tum Mere!! Chalo College Bhi jana hai

(Rishi Aur Naman College ke liye Taiyar Hokar Nikalte hai)

Naman : Chal Class aa gaya Lecture Shuru hone mein Time hai Baith jaate hai Kritika-Priyank aate hi honge

Rishi : Haan Yaar Kal Main Aise hi Uth kar Chala Gaya Unko Bura laga hoga Na Naman?

Naman : Are Nahi Yaar Rishi Aisa kuch nahi hai

(Manish Class Mein aata hai Aur Rishi Dekh Leta hai Ki Manish Usi Ke Division Mein hai)

Rishi : N...Naman Woh Dekho Manish

Mera Pehla Pehla Pyar

Chapter_9/22

Manish Meets Rishi

Rishi : N....Naman Woh Dekho Manish Aa Raha hai

Naman : Dekh Tu Phir Se Wahi Kar raha hai....Shaant Ho Jaa Dhyaan matt de.... Tu Yahaa Padhne aaya hai Woh bhi waise padhne aaya hoga

(Priyank aur Kritika aate hain)

Priyank : Rishi Tum Theek Ho? Kal Tum Achanak se Chale Gaye...Main Pareshan ho gaya tha...M..Mera matlab Hum sab Pareshan ho gaye they...

Kritika : Ha Bhai Ko Toh Kal Neend bhi nahi aayi Rishi… Bhai bhi Pareshan the

Priyank : kya Kittu Kuch Bhi Kehti hai

Rishi : Haa Main Theek hu... Woh Actually...

Naman ; Woh Actually Iski Tabiyat Kharab Ho gayi Thi Isliye

(Naman Aankhon se Rishi Ko Naa Ka Ishara Karta hai)

Priyank : Chalo Lecture Shuru hone ka Samay Ho gaya...Waise kal toh Kuch Lecture hue hi nahi they

Kritika : Haan Yaar Kal Tum Dono Nahi They toh Hum Toh Bore Hi Ho Gaye they

Rishi : Aaj Main Andar Ki Taraf Baithta hu Naman....Mujhe uske samne nahi aana

Naman : Haa Theek hai... Waise Maine Inko Baatane Tujhe Isliye Roka Kyunki Yeh baat Hamare Beech rahe toh accha hai....

(Rishi Naman Ki Baat Maan Leta hai) 

Kritika : Kya Baatein Kar Rahe ho Tum Dono? Humein Bhi Toh Batao

Rishi : Woh...

Naman : Freshers .... Freshers Day ki Baat kar rahe they hum Dono

Priyank : Haan Main Aur Kritika Bhi Bahut Excited hai Freshers Day ke Liye Kittu Ne Toh Online Dresses Bhi Order ki hai

Kritika : Main Toh Pehli Baar Freshers Day Ki Party Dekhne wali hu... Accha hua Hamari Dosti Tum Dono se Ho gayi... Saath mein Enjoy karenge

(Rishi Naman Ki Madat se Puri Koshish Karta hai Woh Aur Manish Aamne Saamne Na Aaye....Jaise Taise Break aata hai)

•Canteen Mein

Kritika : Haan Toh Batao Tum Sab Fresher Day Mein kaise aur Kya karna hai

Naman : Karna Kya hai? Naach Gana Aur Maze Karenge

Rishi : Sirf Naach,Gana Aur Maze?Mr & Miss Freshers Bhi to Decide Hoga....

Priyank : Haan Yeh Baat Toh Sahi Kahi Tumne Rishi… Mujhse To Wait Nahi Ho Raha Hai Kaun Banega Mr. & Miss. Fresher...

(Sab Planning Mein Busy They Itne Manish Bhi Canteen aata hai....Woh Rishi Ki Ore Badhta hai)

Rishi(Aankhon Se Ishara karte hue) : Naman Woh Dekho Manish Hamari Ore aa Raha hai

Naman(Dheere se) : Yaar Chitna Matt Kar Ruk...

(Manish Ghum kar Canteen Counter ke paas Chala Jata Hai Aur Rishi-Naman, Priyank-Kritika Counter ke paas waale Table Par Baithe hai)

Rishi Aur Naman(Dheere se) : Bach Gaye Yaar

(Manish Counter Kuch Khareed kar Laut Raha Hota Haii aur Rishi ki Table se Aagey Chala Jata hai)

Kritika : Rishi (Lekin Rishi Ka Dhyan Nahi hai) Rishiiii(Tezz Awaaz Mein)

Rishi : H....Haa Bolo

(Itne Mein Manish Rishi Ka Naam Sunte Hi Ruk Jata hai Aur Mudd Kar Dekhta hai)

Kritika : Dhyaan Kahaa hai Tumhara Kab se Awaaz de Rahi Hu... 

Rishi : Haan...Nahi Woh....Woh Mera Dhyan Kahi aur tha

Manish : Rishi...

(Rishi Manish Ki Awaaz Sunkar Achanak Khada ho Jaata hai Aur Mudd kar dekhta hai Toh Manish Uske Saamne khada Hota Hai)

Rishi : M.... Manish Tum?

Manish : Haan...Tum Bhi Isi College mein Padhte ho?

Rishi : Haan

Manish : Accha.....Woh Maine First Semester Correspondence Se Kiya Tha abhi Recently Yahaa Shift Huya hu...Toh Kal se Join kiya College

Kritika : Tum Dono Ek Dusre Ko Pehle Se Jante ho?

Manish : Haa Hum Ek hi School mein They 

Priyank : Ohh Accha....Would You Like To Join Us?

Naman : Nahi...

Kritika : Kya?

Naman : Mera Matlab Abhi Toh Break khatam Hone aaya hai Toh Humein Class mein Jaana chahiye... Haina Rishi

Rishi : Ha...Haan Haan Naman Tum Sahi Keh rahe ho

(Ab Priyank, Kritika Ki Manish Se Dosti Ho Rahi thi... Lekin Naman Ko Manish Ka Aana Pasand nahi thi....Woh Manish Ke Purane Vyavhaar se Usse Naraz hai)

Naman : Yaar Rishi Yeh Manish Kyu Hamesha Hamare Saath Rehta hai? Kya Jarurat hai Ise Hamare Beech Rehne ki?

Kritika : Are Tum Aise kyu Keh rahe ho Naman? Usne aisa kya Kiya Ki woh tumhe Futi Aankh nahi Suhata?

Naman : Kritika Abhi tumhe Puri Baat nahi Pata Toh Tum Na hi Bolo Toh Accha hoga....

Kritika : Are!!

Priyank : Are Tum Dono Kyu Ladd Rahe ho? Naman Dekho Jo Baat Hai Woh Toh Batao

Naman : Sahi Samay Aane par Sab Pata Chal Jayega.. Abhi Filhaal Itna Samajh Lo Usne Rishi Ke Saath School ke samay mein Bahut Bura Kiya hai

(Rishi Ki Nazar padti hai ki Manish Peeche hi khada hai Aur Usne Saari Baatein Sunn Li hai)

Rishi : Manish Tum?

(Sab Chupp ho jaate hai)

Manish : Haan Rishi Main... Aur Maine Sab Sunn Liya hai...Main Janta Hu Uss Din Mujhse Galti hui Thi...Sabke Saamne Mujhe Tumhe yeh nahi kehna Chahiye tha...Par Kya karta Main Galat samjh baitha...Mujhe Maaf kardo Rishi...

(Manish Rone Lagata hai)

Rishi : Manish Tum Ro Matt....Koi Baat nahi Ab Woh Baat Purani ho chuki hai...Please Rona band karo...Naman Ka Woh Matlab Nahi tha... (Rishi Ko Mann Hi Mann Bura Lag raha hai)

Manish(Rote Hue) : Agar Tum Sab Kaho toh Main abse Kabhi Tum sabke Saath Nahi Aaunga Kahi...Main Iss Sheher mein Naya hu Socha Tum sab ke saath Rahunga College mein

Priyank : Are Nahi Nahi Manish...Aisi Baat nahi Hai..Tum Bhi Humare Dost ho Aise matt kaho Please

Rishi : Haa Manish Tumhe aisa kuch karne ki Koi Jarurat Nahi hai...Tum Hamare Saath Reh sakte ho...Tum bhi hamare dost ho

Kritika : Haan Manish Rishi aur Bhai Sahi Keh rahe Tum Bura Matt maano...

Manish(Rona Rokte Hue) : Thank You So Much Rishi Tumne Mujhe Maaf kar diya.... Thank You Priyank-Kritika Tum Dono Bahut Acche ho Thank You mujhe Samajhne ke liye

(Ghar Jate Samay Raaste mein...Naman Rishi Se Baat nahi kar raha)

Rishi : Kya Hua Naman? Baat Kyu Nahi kar rahe Aaj?

Rishi : Bolo ge bhi kuch? Ya yuhi Muhh Fulakar Rahoge?

Naman : Tu Aisa kyu hai Yaar? Woh Ladka Jisne Tujhe Galat Samjha Puri Class ke saammne Tujhe Bhala Bura Kaha...Jiski Wajah se Tune 5 Saal Akele Raha.... Uske saath Itna Accha kyu Vyavhaar kar raha hai?

Rishi : Naman..Woh Baat hai par...Usne Maafi Bhi toh Maangi Na?

Naman : Usne Do Chaar Aansu kya dikha Diye Tu Sab Bhool gaya? Teri Bhi Kya galati Koi Ro De Tere Saamne Tujhe Bada Bura Lag jata hai! Bhale Uss Insaan Ne Tujhe Chaata hi kyu na Mara ho...

Rishi : Naman..Sorry Yaar Bhool ja uss baat ko Mere liye....Chal Aaj Raat Freshers Day ki Party Hai 

Chapter_10/22

Freshers Day Party

Rishi: Naman..Sorry Yaar Bhool ja uss baat ko Mere liye....Chal Aaj Raat Freshers Day ki Party hai

Naman : Chal Theek hai.....Par Tujhe Meri Help Karni hogi Mujhe Bata Aaj Kya pehnu? jisse Kritika impress ho jaaye

Rishi(Chokhte Hue) : Heeinn Matlab?

Naman : Ha Woh....I Like Kritika

Rishi : Are Waah Naman Tum Toh Chupe Rustam Nikle Yaar... Bataya Bhi nahi

Naman : Tu Kya Mujhe Bol Raha hai.... Tujhe Bhi Toh Priyank Pasand hai 

Rishi : Kya Tum Bhi Naman... Aisa Kuch Bhi nahi hai Yaar

Naman : Woh Aaj Shaam Ko Pata Chal Jayega...Agar Aaj Shaam Tu Usse baat karte samay Hadbadaya Ya Phir Usse Dekhte Reh Gaya Toh Tujhe bhi Manna Hoga Tujhe Priyank Pasand Hai

(Naman Rishi Ko Apne Ghar Bula Leta hai Taaki woh Uski Kapde Choice karne mein Madad kare Aur woh Saath mein Taiyaar hokar Party Me Jaaye)

•Naman  ka Ghar

Rishi : Haan Ye Yeh Wala Accha Lag raha hai.... Yeh Pehen Lo

Naman : Nahi Yaar Yeh toh Main Traditional Day Ke Din Pehen ne Wala Hu Yaha Har Party Ki Alag Alag Theme hai 

Rishi : Accha Toh Phir Yeh waala? Bahut Jachh Bhi Raha hai... Aur Bade Smart Lagoge Isme

Naman : Haan Yaar Yeh Acchi hai...Thank You Yaar Ab Bata Tu kya Pehen ne ka Soch raha hai?

Rishi : Main Kuch Simple Sa Soch raha hu

Naman : Naa Yaar Simple Nahi Main Batata hoon Woh Pehen... Hero Lagna Chahiye Aur Priyank Bhi Impress Hona Chaiye

Rishi : Accha? Phir Maine Toh Jana hi nahi Hai Party Me Aaj!!

Naman : Are Rishi Ji Gussa Ho Gaye....Mazaak Kar Raha hu Yaar.. Yeh dekh Yeh Kaisa hai?

•Party Mein 

Rishi aur Naman Priyank-Kritika ka Wait Kar rahe hai

Naman : Yaar Yeh Dono aa kyu nahi Rahe? Kitni Der ho gayi

Rishi(Haste hue) : Tum Bhi Na Naman abhi humein aaye 10 minute nahi hue hai aur tum keh rahe ho bahut der ho gayi... 

Naman: Haan Yaar Par Main Bahut Excited hu Tum sab ke saath Dance khelne ke liye Aur Mahol toh dekh yaar Sab Kitna Colorful hai

Rishi : Haa Yaar Yeh Baat toh Tumne sahi Kahi Yeh Lightings, Colorful Kapde aur Yeh Party Song's mast Mahol hai

(Itne mein Priyank aa jata hai)

Priyank : Hii Rishi, Naman Hum Aa gaye

Naman : Yaar Priyank Kritika Kahaa hai Aayi nahi kya?

Priyank : Yeh Rahi Peeche aa rahi hai

(Rishi Aur Naman yeh dekh kar Chaukte hai Ki Priyank ke Saath Manish Bhi aaya Hua Hai)

Naman(Rishi ke paas jaakar Dheemi Awaaz mein) : Yaar Iss Bandar Ko Laana Bhi Jaruri tha kya? Saara Mood Kharaab Kar diya Inn Dono ne

(Rishi Priyank Ko Dekhte hi Reh gaya)

Naman : Yaar Tujhse keh raha hu Kahaa khoya hua hai? 

Kritika : Hum Manish Ko Bhi Le aaye Yeh Akela tha Aur iss Sheher mein naya hai toh socha Ise Bhi le aaye

(Naman Naraaz hokar wahaa se Chala Jaata hai)

Priyank : Are Ye  Naman Kyun Chala gaya? Kya hua ise?

Rishi(Khayaalon se bahar aate hue) : Haan? Woh Pani Naman Pine Gaya hoga Shayad!

Priyank : Kya?

Rishi : M... Mera Matlab Naman Pani Peene gaya hoga....Main Dekhkar aata hu Ruko Tum Sab

(Rishi Naman Ko Dhoondne lagta hai Woh Dekhta hai Naman Hall ke peeche wale gate ke paas hai woh uske paas jata hai)

Rishi : Yaar Naman Kya Hua Tumhe aise kyu chale aa gaye?

Naman : Inn dono Ko Iss Bandar kyu lana tha? Mujhe Ye Bilkul pasand nahi Yaar Rishi....Aur Yeh dono use bhi saath le aaye...

Rishi : Chodo Waise bhi Woh naya hai iss sheher  mein hamare saath Thoda Enjoy Kar Lega Kya ho jaayega...Chalo Tum

Naman : Main Nahi aa raha Tu Ja...

Rishi : Theek hai Maine Bhi Nahi Jana  Aaj...Mera Dost Nahi Jayega Toh Main Bhi nahi

Naman : Chal Aa Raha hu.... Ab Tere Toh Kya hi kahu main....Chal Has de ab

Rishi : Chalo Chalo

Priyank : Itni Der kahaa Lag gayi tum dono ko?

Rishi : Main Bhi Paani Pee Raha tha Iske saath

Kritika : Haan Chalo ab Dance Karte Hai hai

Rishi(Mann Mein) : Kahi Naman Ki Baat Sach na ho jaaye Pehle toh Priyank ke aate hi Use Dekhta Reh gaya aur Baat Karte samay Hadbadaya bhi

(Rishi Soch raha hota hai Ki Uske Ek taraf Manish Dance Kar Raha Hota Hai Uska Pair Fass Jata hai aur Woh Girne waala hoti hai)

Rishi(Manish Ko Sambhalte hue) : Manish Dhyaan Se...Gir jaoge

(Manish Rishi Ki Ore Dekhte Reh jaata hai)

Priyank : Manish Theek ho na lagi toh Nahi? Kahi Chot toh nahi aayi

Naman(Mann Mein) : Isko Bhi Rishi ke paas jakar hi girna tha? Aur Iss Mahaan Rishi Ko Uski Help Karne ki kya Jarurat thi?

Naman : Rishi Tujhe toh Chot Kahi nahi Lagi na? 

Rishi : Nahi Yaar Main Theek hu Manish Girne wala Tha

(Kritika Paani Ki Bottle le aati hai)

Kritika : Manish Tum Theek Ho na? Lo Paani Pi Lo Thoda

(Sab Dance lagte hai....Aur Manish Rishi Ko dekh kar yahi Soch Raha hai Kis tarah Usne use Girne Se bachaya!!)

Kuch Der Mein Mr. & Miss Fresher Ka Announcement Hota Hai.. Jo Milta Hai..

Naman Aur Kritika.. ko Sabhi Bahut Khush Hote Hai aur Unhen Badhai Dete Hai...i

 To Be Continued….