Mera Pehla Pehla Pyar Chapter 21-22

 Mera Pehla Pehla Pyar

Chapter_21

Rishi Confronts Manish!!

(Priyank Aur Naman Photos dekh rahe hote hai Aur Unke peeche Ek Board laga hua hota hai Bamboo ke Sahaare Woh Choot jata hai Aur Neeche Girta hai)

Manish & Kritika(Ek Saath) : Priyank Naman!!!

(Sab Chauk kar Reh Jaate hai)

Rishi : Tum Dono Theek Ho na? 

Naman : Haa Yaar Accha Hua Tune Samay Par Humein Apni Taraf Kheech liya

(Kritika Aur Manish Daudkar Priyank Naman ke Paas Aate hai) 

Kritika : Tum Dono Theek Ho Na Chott toh nahi aayi Tum dono ko?

Manish : Haan Tum Dono Theek ho na?

Naman : Haan Woh Toh Samay Par Rishi ne Humein Kheech liya Uski Taraf Warna yeh Bhaari Board Humpar Gir Jaata

Kritika : Rishi.... Thank God Par Tum Pani Peene Gaye they na

Rishi : Haa Main Pani Peene Jaa hi raha tha Ki Mujhe Naman Ko Kuch Batana Tha Isliye Jaise hi main Muda Maine dekha yeh board Wahaan se Choot raha hai Isliye Maine Inhe Kheech liya

Naman : Accha Hua Yaar Warna Aaj Kya Ho Jaata Pata nahi.... Yeh Lakde ka Board hai Aur Yeh Rassi Se Bandha hua tha wahaa

Naman : Rishi Tu Har Baar Apna Farz Nibhaane se Chukta nahi.... Tere Jaisa Dost Paakar Main Bahut Khush hu... Love You Yaar!!!

Rishi : Tum Chinta Matt Karo Naman...Main Tumhare Saath hu Jab Tak Tab Tak Koi Musibat nahi aayegi hum par...Aayi bhi toh Saath Milkar dekh lenge

Kritika : Bhai Aap Theek hai na? Aapko Kahi Chot nahi aayi na?

Priyank : Haan Main Bhi Theek hu Rishi Ne Sahi Samay aakar Humari Help ki Isliye Warna Pata nahi kya ho jaata

Rishi : Aise Matt Kaho Priyank…

Manish : Kritika Main Abhi Aaya

Kritika : Haan Par Jaldi aana...Aur Yahi aana Kahii aur matt chalr jana

(Manish Ja Raha Hota Hai  Ki Peeche se use Awaaz aati hai) 

Rishi : Manish!!

(Manish Peeche Mudd Kar Dekhta hai)

Manish : Rishi Tum Yaahaa? Kya hua??

Rishi : Haan Main!! Yeh Sab Tum Kyu Kar Rahe ho?

Manish(Ghabraai Huya) : K... Kya Rishi? Kis Baare Mein B...Baat Kar rahe ho Tum?

(Rishi Manish Ko Photo Dikhata hai Jo Priyank Ke Bag se li thi)

Rishi : Ise Toh Pehchante ho na Tum? Yeh Photo

Manish : Yeh...K....Kiski Ki Photo hai? Yeh Toh Priyank hai Saath Mein Yeh Ladka Kaun hai?

Rishi : Manish Please Jhuth Matt Bolo....Maine Tumhe Aaj Yeh Photo Priyank Ke Bag Mein Rakhte hue Dekh Liya tha

Manish : M...Mujhe? Maine Kab Rakhi Yeh Photo? 

Rishi : Manish Ab jhuth Bolke Koi Fayda nahi Hai.... Bata Do Kyu Kar Rahe ho Yeh sab?

Manish(Chillate hue) : Haan....Haan Maine Hi Kiya hai Yeh sab.... Maine hi kiya hai

Rishi : Yeh Sab Tumne Kyu Kiya? Aur Tumhe Yeh Baat Kaise Pata Chali?

Manish : Uss Din Jab Maine Tumhe Apne Dil Ki Baat Kahi thi Aur Tumne Mujhe Mana kar diya tha... Uss din Jab maine Naman Ko Tumhe Kehte hue suna Ki Jao Aur Priyank Se Baat Kro

•Flashback

Rishi : P.....Priyank Mujhe Tumse Kuch Kehna hai

(Priyank Rote hue Rishi Ke Gale Lag Jata hai)

Rishi : Priyank Tum Ro Kyu Rahe Ho? Kya Baat Hai? Kuch Hua hai kya?

Priyank : R..Rishi Woh Aa Chuka hai...Woh Aa Chuka hai?

Rishi : Kaun Wapas Aa Chuka hai? Priyank Tum Kya ken rahe ho?

Priyank(Rote hue) : Shravan!!! Jab Main Kanpur Mein Tha Tabki Baat hai...Shravan Aur Main Relationship Mein they....Sab Theek Tha.... Hum Ek hi School Mein They 11-12th mein....Woh Mujhse aur Main Usse Bahut Pyaar Karta tha....Bahut Samay Bitaya Uske saath...Jab Main Gussa hota tha Woh Mujhe manane ke liye Pink Rose deta tha aur Letters Likha Karta tha...Aur Phir Main Maan jaata Tha Pyaar Jo Karta tha Usse

Rishi : Phir Kya Hua Priyank?

Priyank : Ek Din Usne mujhe Ek Cafe mein Bulaya tha....Main Wahaa uske bulaye samay se aadhe Ghante pehle pahunch gaya tha...Wahaa maine dekha Ki Woh Kisi Aur Ladki ke saath tha aur Woh Uska haat pakde baitha tha....Main Gaya aur Uske Kandhe par Haath Rakha...Toh Woh Darr gaya Mujhe dekh kar... Aur kehne laga

Shravan : Tum? Tum itni Jaldi kyu aa gaye? Maine Tumhe 2:30 baje bulaya tha Ab toh 2 baje hai

Priyank : Accha hua Jaldi Aa Gaya warna Tum Mujhe Dhokha de rahe ho Yeh kabhi main jaan nahi paata

Shravan : Accha Theek hai ab Tum aa hi gaye ho Toh Sunn Lo Main Diksha Se Pyaar Karta hu....Aur Yeh Tumhari Colony mein Rehti thi Isliye Tumse Pyaar ka Naatak Kiya taaki Iske paas aa saku

(Priyank Chup Khada Sab Sunn Raha Hota hai Shravan Priyank ke haat se Gulab ka phool leta hai aur Priyank ke upar phekta hai)

Shravan : Yeh Lo Aakhri baar tumhe Gulaab ka Phool diya.. Bheek Samajh kar Rakh lena....Aur aainda Mere samne kabhi matt aana

(Itna Kehkar Shravan Diksha ko lekar wahaa se chala jaata hai aur Priyank Dekhta hai Yeh Sab Bhare Cafe mein hua hota hai....Woh Rote hue ghar jata hai)

(Present)

Manish : Jab Yeh sab Priyank Tumhe bata raha thi Main Peeche hi tha

Rishi : Par Tumne Yeh sab kyun kiya?

Manish : Kyunki Main Tumse Pyaar Karta hu Rishi....Aur Tum Priyank se Maine socha Priyank kaa Past istemal karke Main tum dono ke beech Galatfehmi Bada Dunga...Aur iski shuruaat maine Uss Pink Gulaab Se ki

Rishi : Toh Tumne Yeh sab ke Beech Naman Ko Kyu laaya?

Manish : Main Janta tha Ki Tum Naman par Koi Aanch nahi aane doge...Aur Saara illzam apne sar le loge aur Priyank Tumse Nafrat karega

Rishi : Jab Tak Tum Mujhe Takleef dena chahte the Theek tha par Aaj tumne Bahut Badi Galati ki hai Tumne Priyank aur Naman Ko Chot Pahunchane ki koshish ki Woh Board Tumne hi Giraya tha na

Manish : Haan Rishi Woh Gulab Ki Pankhudiyon ko Naman ke bag mein se Woh Letter aur woh Marker ki Ink Tumhare bench par lagane se Woh photo tak maine hi kiya hai...aur Jab Woh Photo waala plan kaam nahi kiya maine Woh board gira diya....taaki Priyank Ko Chot lage

Rishi : Maine Tumhe College mein Photo Rakhte hue Dekh Liya tha...Par Maine Kisi se kuch nahi kaha kyunki Main Janta tha Ki jab sab ko yeh baat pata chalegi sabko bahut dukh hoga.. Priyank, Kritika, Naman Sabko Bura lagega…

Rishi : Isliye jaisa tha waise hi Rehne deta hu...Log Mujhe galat samjh rahe samjhne do kabhi na kabhi Sab theek ho jaayega par Tumne....Tumne Aaj Mere Doston Ko Chot Pahunchane ki Koshish ki hai

Naman : Rishi!!

(Rishi Peeche Mudd kar dekhta hai...Toh Naman, Priyank-Kritika Uske Saamne khade hote hai....Woh Ghabra jaata hai Kahi Unhone saari baatein sunn toh nahi li?)

Last_Chapter

Manish Mend the Gaps

Naman : Rishi!!

(Rishi Peeche Mudd kar dekhta hai toh Naman, Priyank aur Kritika uske peeche Khade hote hai...Woh Darr jata hai ki kahi unhone uski saari baatein sunn toh nahi li)

Naman : Tune Yeh Baat Kyu Chupai Humse Jab Ki Tujhe pata chal gaya tha ki Inn sabke Peeche Manish hai

Rishi : Naman Meri Baat Toh Suno!! Naman Maine Yeh baat Isliye Chupayi kyunki Main Janta tha Ki Tum sabko Bahut Dukh hoga jab tumhe pata chalega...Aur Main Tum sabko Dukhi nahi dekh sakta

Naman : Par Rishi Yeh Tu bhi Janta hai Ki Tune Mujhe bachane ke liye Sara illzam Apne Sar Liya aur sab pata chalne par bhi tune Chupaya taaki Humein Bura na lage? Aur khud Gunhegaar Reh gaya?

Manish : Mujhe Maaf Kardo Please....Main Janta Hu Meri Galti Choti nahi hai....Phir Bhi Mujhe Tum sab apne alag matt Karo

Naman : Tumhari Galti Choti nahi hai....Tumne Bahut Badi Galati Ki Hai Tum Maafi ke Laayak nahi ho Manish

Rishi : Koi Nahi Naman... Maaf Kardo Use Galati Insaan Se hi hoti hai Aur Woh maafi bhi Maang Raha hai

Naman : Rishi Yeh Ladka Bharose ke Laayak nahi Hai...Isne Hamare Beech Deewar laane Koshish ki hai

(Manish Rote hue Wahal se Bahar Chala Jaata hai)

Rishi : M..Manish Ruko

(Priyank Sab Chup Khada Hokar sunn raha hai Woh Yeh sab Sunn kar Maun hai...Woh Samajh nahi paa raha kya ho raha hai....Woh Bhi Waha se Chala jata hai)

Kritika : Bhai...Ruko Toh!! Naman Main Bhai Ko Dekhti hu...Tum Dono Chinta Matt karo Tum Rishi Ko Sambhalo

(Rishi Wahi Ghutno ke Bal Girt Jaata hai)

Naman : Rishi!! Uth Kya hua Tujhe? Rishi....

Rishi : Sab Khatam Ho Gaya Naman...Sab Khatam Ho gaya....Main Nahi Chahta Tha Ki Yeh Sach aise Saamne aaye....

Naman : Rishi Kuch Nahi Hua hai Uth Ghar Chalte hai....Aise matt kar yaar...

(Rishi Chupp hai Aur Kuch keh nahi raha Naman Use Sahara dekar Uthata hai Aur Use Ghar Le jaata hai)

(Rishi Naman Ghar Pahunchte hai)

Naman : Rishi Pani Pee Tujhe kya hua hai Bol Na...Baat kar Mujhse

(Rishi Priyank ka wahaa se Chale jana aisa laga jaise ki woh ab kabhi nahi Lautega)

Naman : Rishi.... Kya hogaya Tujhe? Kuchh Toh Bol..Rishi!! 

(Rishi Naman Ke Gale Lag jaata hai...Naman Ko uska Dard mehsoos hota hai...)

Rishi : Maine Jahaa se shuru Kiya tha Wapas wahi aa gaya yaar....Aaj phir sab Chhodkar Chale Gaye Mujhe...Sirf Tum ho Mere saath.... Kya Main Itna Bura hu Ki Koi Mere saath nahi rehna chahta 

Naman : Rishi Sambhal Khudko....Aise matt soch Tu Bilkul Bura nahi hai....Bass Tu Hadd se Jyada Accha hai isliye Dusro ko Hurt na ho Iski Koshish Karta hai Aur Khud Hurt ho jata hai

(Naman Rishi Ko Sambhal ne ki koshish karta hai Aur Rishi Ko Sambhalte Sambhalte kab Dono So jaate hai pata nahi Chalta)

•Agle Din Subah

(Naman Ki Neend khulti hai toh woh dekhta hai Rishi Gayab hai Woh Chaukar Uth jaata hai)

Naman : Rishi!! Yeh kaha chala Gaya Raat ko Toh Mere paas hi Soya tha Kahaa Chala Gaya yeh....

(Naman Rishi Ko Pure Ghar Mein Dhoondta hai....Upar waale Kamre mein, Hall mein Rishi ke Maa Papa ke Room mein, Kitchen mein, Sab Jagah)

Naman : Rishi Kahaa Chala Gaya!!! Kahi Usne Kuch Galat...Nahi Aise nahi ho sakta (Naman Main Door Ki Taraf Badhta hai)

(Itne Mein Rishi Main Door Kholkar Andar aata hai) 

Rishi : Ohh Sorry!! Maine Tumhe Jaga Diya kya? Woh Actually....

(Naman Rishi Ko Bhagkar Jaakr Gale Lagata hai)

Rishi : Naman Kya hua Tumhe?

Naman : Chup Karke Khada Reh...Kaha Chala Gaya tha Subah Subah..Dara Diya Mujhe!! Ab Bolega Bhi kahaa Gaya tha?

Rishi : Main Toh Bas Yeh Breakfast ke liye Kuch laane gaya tha...Kal Raat Ko Bhi Humne Kuch Nahi khaya tha Socha Tumhe bhi Bhuk lagi hogi...Isliye

Naman : Accha...Mujhe laga ki kahaa chale gaye subah Subah 

Rishi : Accha Jaao Jaldi Fresh hokar aao Aaj Breakfast main banaunga Hamare Liye

(Naman Rishi Ke Iss Behaviour ko dekhkar Soch Mein Padd jata hai woh Room mein Jata hai Fresh Hone ke liye) 

Naman(Mann Mein) : Are Achanak Ise kya hogaya? Kal Toh Pareshan Tha Abhi Breakfast bana raha hai?

Rishi : Aa gaye Fresh Hokar Lo Breakfast Taiyaar hai....Are Aise kya Dekh rahe ho Kha sakte ho Khane laayak bana leta hu main Khana

Naman : Nahi Woh....Main Yeh Soch raha hu

Rishi : Accha Samajh Gaya Tum Yeh Soch Rahe ho na ki yeh achanak Mujhe kya ho gaya kal Raat tak toh Main Pareshan tha Kuch bol bhi nahi raha tha

Naman : H... Haan Main Yahi Soch Raha hu

Rishi : Naman Maine Zindagi se Yeh seekha ki Har Koi Tumhare Saath Hamesha Nahi Rahega...Bhagwaan Unhe tumhare Zindagi mein Use Bhejega Jarur Par Kuch Samay ke Liye Lekin Ek Aise Insaan ko Woh Tumhare Zindagi mein Bhejega jo Tumhare Har Acche Bure Samay Mein Tumhara Saath dega...Aur Meri Zindagi Mein Woh Mer Dost hai....Woh ho Tum Naman

Naman : Par Rishi!

Rishi : Naman Uss Din Tumne Mujhse Pucha tha na Ki Tum Mere Liye Kaafi nahi ho? Toh aaj Main Kehta hu... Mere Liye Sirf Mera Dost Yaani Tum Kaafi ho...Aur Mujhe Maaf karna Tu Kritika Ko Pasand Karta hai Aur Meri Wajah se Tu usse yeh baat keh nahi paya

Naman : Are Nahi Rishi Aise matt bol yaar....Isme Teri Kya Galati hai Bhala? Tune Mujhe Bachane ke liye Yeh sab kiya tha

Rishi : Phir Bhi...Maine Tumhara Dil Dukhaya ho toh Sorry

Naman : Chup kar Aur Yeh Nashta kha Kitna Accha Bana leta hai Yaar Tu!! Mujhe Bhi sikha de

Rishi : Haa Haa kyu nahi?

(Dono Hasne Lag jaate hai aur isi beech Rishi Ke Phone par Message ka Notification aata hai)

Rishi : Are Yeh Kiska Message aaya hai? Manish?

Naman : Ab Isko Kya hua hai? 

Rishi : Padh to lete hai Kya likha hai? Likha hai "Aaj Shaam ko New Year Eve ki Party Mein Milna Jaruri baat karni hai"

Naman : Kal Jo hua woh bas nahi hua kya ise?

Rishi : Naman..Jaane do Waise bhi hum Aaj Party Mein Ja hi rahe hai na Dekhte hai Kya Jaruri baat hai

Naman : Lekin Main Bhi Aaunga...Kyunki Tu jaldi Logo ki baaton mein aa jata hai... 

Rishi : Accha Baba Tum bhi Aana Dekhte hai kya baat hai!!

•Shaam ko Rishi Naman Taiyaar hokar Party Mein Aate hai

Rishi : Manish...

Manish : Main Yahaan Hu Rishi

(Rishi Aur Naman Wahaa Manish Ke Saath Priyank aur Kritika ko dekh ke Chauk jaate hai)

Manish : Maine Hi Bulaya hai Priyank aur Kritika ko

Manish : Pichle Kuch Dino maine bahut Galatiya ki hai aur Rishi Tumhare saath toh maine pichle Paanch Saalo se Galat kiya hai....Toh aaj main apni Woh Galati sudharna Chahta hu

(Manish Aagey Badhkar Priyank Kaa haath pakad kar Rishi ke paas laata hai aur Rishi Ke haaton mein Priyank ka haath rakhta hai)

Manish : Main Galat tha Rishi...Mere Dil Mein Tumhare liye Sirf feelings thi Par Tumahre Dil mein Priyank ke liye Saccha Pyaar hai....Jis tarah Tumne Priyank Ko Uske Past ke saath accept kiya, Apni Galati na hote hue bhi Priyank ki Itni Baatein suni, Uss din Jab Priyank ke haaton mein Dandiya Laga tum Kitne pareshan hue they, Kal Priyank Ko Uss Board se bachaya....Yeh Saccha pyaar hai!! Jo Tumhe Priyank se hai

(Sab Manish Ki Ore Chup khade dekh rahe hai aur Uski Baatein Sunn Rahe hai)

Manish : Ho sake toh Mujhe Maaf kar dena...Priyank Rishi Tumse Saccha pyaar karta hai....Uske Feelings ko Kabhi hurt matt karna...Rishi Jis tarah tumne Yeh janne ke baad bhi ki Yeh sab maine kiya tumne Kisi se nahi kahaa aur Sara illzam apne sir liya taaki kisika Dil Na Dukhe

(Priyank Rishi Ki Ore Dekhte Reh jaata hai)

Rishi : Ho Sake Toh Mujhe Maaf kar dena.....

Priyank : Kuch Matt Kaho Rishi....Mujhe Maf kardo Maine Puri baat jaane bina tumse aur Naman se aise Behave kiya....I'm Sorry

Rishi : Priyank Main Tumhe Pasand Karta hu....Yahi baat main Tumse kehna chahta tha itne Dino se 

Priyank : Rishi Sach Kahu Toh Main Bhi Tumhe Pasand Karta hu....Bas Keh nahi Paaya

Naman : Ek Min Ab Meri Baari....Kritika Mujhe Bhi Tum Pasand ho.....Kya Tum Bhi Mujhe Pasand karti ho?

Kritika(Sharmate hue) : Dekha Bhai Maine kahaa tha na Naman mujhe pasand karta hai Main bas Yeh Tumhare Muhh se sunna chahti thi!!

Priyank : Lekin!!

Naman : Lekin Vekin Kuch nahi aaj Sab Pehle Jaisa ho chuka hai.....Manish Mujhe Tum Bilkul pasand nahi the Par Aaj Tumne Sab Sahi kar diya Thank You!! Chalo Chalo Sab Selfie Lete hai

(Sab Selfie Lete hai Aur Sab Khush hai ki Sab Pehle ki tarah ho chuka hai!!)

Rishi : Manish Aaj Tumhari Wajah se sab sahi ho gaya hai....Thank You!!

Manish : Rishi.... Maine Bas Ek Dost hone ka Farz Nibhaya hai...Jaise Tumne Mere liye kiya maine Tumhare liye....And I'm Sorry Meri Saari Galatiyon ke liye...

Naman : Are Chalo Party  Shuru hone wala hai Aaj Saal ka aakhri din hai!!

Priyank : Haan Rishi Chalo Na....Aaj Aakhri din Hai Aaj Sabko Milkar Enjoy karna hai

Countdown Shuru Ho Jata Hai

10 , 9 , 8 , 7, 6 , 5 , 4 , 3 , 2 , 1

Sabhi ek Sath : Happy New Year..

-The End!!

Lekin Kya Yeh Sach Mein Happy Ending hai?

Ya phir Aagey Bhi Kuch Hona Baaki hai?

Thank Your Everyone Aapke Support aur Pyaar ke liye

Happy New Year..