Mera Pehla Pehla Pyar Chapter 16-20

 

Mera Pehla Pehla Pyar

Chapter_16/22

Rishi Is In A Fix!!

•Rishi Ke Ghar Mein

(Rishi Aur Naman College Jaane ke liye Taiyaar hote hai)

Naman : Aaj Traditional Day pe Twinning Karte hai Hum Dono... Mast Lagega

Rishi : Accha Theek hai Aaj Twinning Kar Lete hai..... 

Naman : Dekhna Sabse Best Dikhenge Hum Dono Aaj College Mein

(Rishi Aur Naman College Pahunchte Hai Priyank-Kritika aur Manish Pehle se aaye hue hote hai)

Kritika : Dekha Aaj Hum Pehle Aa gaye....Are Waah Dono Toh Mast lag rahe ho Twinning Shwinning Haan...

Naman : Dekha Maine Kahaa tha Na Naman Hum Sabse Alag Lag Rahe hai aaj

Manish : Haan Rishi Aaj Tum Bahut Acche Lag Rahe

Naman(Mann Mein) : Iska Comment karna Jaruri tha kya?

Rishi : Thank You Manish

Manish(Mann Mein) : Kaash Rishi Meri Baat Samajh Paata

Naman : Rishi Tujhe nahi Lag raha Yeh Manish ab Jyada hi Kar Raha hai?

Rishi : Lag Toh Mujhe Bhi Raha hai Par Ignore Karo....Woh Khud Samajh jaayega....

Kritika: Chalo Selfie Lete hai Aaj ka Traditional Day Toh Khatam ho Gaya...

Priyank : Haan Chalo Waise bhi Aaj Sab Bahut acche lag rahe hai Traditional Wear Mein

(Manish Yahaa Bhi Koshish karta hai woh Rishi ke Saath Photo Kheche aur Rishi ke paas aakar Khada ho jati hai)

Naman :Ek Min Ek Min..... Manish Tum Uss Taraf Jaao Rishi ke Saath Main Rukunga...After all We are Best Friends

Manish : Haan Haan Kyu nahi main Uss Taraf Chala Jaata hu

(Sab Apne Apne Ghar Jaate hai)

•Rishi Ke Ghar mein

Naman : Dekha Kis Tarah Woh Baar Baar Tere paas aane ki koshish Kar Raha tha...Lekin Tu hai Ki Samajhta nahi

Rishi : Haan Dekha toh maine bhi par...Naman Hum kyu bina kaaran baat kheeche

Naman : Tu Na bass Rehne Hi De...Main So Raha hu...Tu Bhi So jaa Iss Topic pe Baat kam Behes jyada hogi (Itna Keh ke Naman So jata hai)

Rishi(Mann Mein) : Tumhe Mujh par Gussa hote hue dekh sakta hu Par Dukhi nahi...Mere liye ab jyada Jaruri Tumhe Sahi Sabit karna hai Na ki Manish Ko Samjhana

(Rishi Bhi Iss Baat ko sochte Sochte So jata hai...)

(Agle din Subah Sab College aate hai)

Kritika : Good Morning Everyone

Naman : Good Morning Kritika

Manish : Kitni Thakaan hoti hai Party ke Baad....Kaash Chutti Mil jaati humein.

Naman(Mann Mein) : Tumhe aane ke liye hi kaun kehta hai Party

Priyank : Rishi Kal Ke photos tumhare paas hai na? 

Rishi : Haa Mere paas hi hai Pendrive mein save kar di hai maine

Priyank : Humein bhi Bhej dena

Rishi : Haa Haa Bhej dunga Sabko Hamari hi toh photos hai

(Lecture Shuru Ho jata hai aur Priyank apne Bag se Book Nikal hi raha hota hai ki uska Dhyaan uske Bench ke neeche Roll kiye paper par jaata hai)

Priyank : Yeh kya hai? Aur usko ribbon se kyu bandh ke rakha hai?

(Priyank Woh Ribbon kholke woh padhne lagta hai... Usme Uske past se judi baatein likhi hoti hai)

Priyank : Ye....Yeh Aise kaise ho sakta hai? Nahi...Nahi Mujhe Shaant Rehna hoga...Agar Maine React kiya toh Yeh baat sabko pata chal jaayegi

(Priyank Normal Rehne ki koshish karta hai Aur Break mein Sab Canteen mein baithe hote hai)

Priyank : Rishi Meri Baat dhyaan se Suno.... Mere Bench ke neeche Aaj Mujhe ek Letter mila hai Jisme mere Past se judi baatein likhi hai...

Rishi : Phirse? Lekin aise kaise ho sakta hai Yeh baat Sirf hum jaante hai

Priyank : Rishi Tumhe bura lagega par Mujhe abhi bhi Naman Par Shak hai...

Rishi : Priyank Maine Tumse Pehle bhi kahaa hai Tum aise kisi Conclusion par nahi aa sakte...Naman Aisa nahi hai... Main Janta Hu Uska Woh Thoda Mazaak karta hai par woh aise nahi kar sakta

Priyank : Par Iss baar Main Bina Soche samjhe nahi keh Raha...Jo letter mujhe mila hai woh Black Marker se likha gaya hai aur waisi hi Ink Naman ke haaton par lagi hai...Tum Khud jaakar dekhlo uske haath

Rishi : Yeh nahi ho sakta...Woh Marker Use hi nahi karta Hum Roj Pen Wagere share karte hai maine kabhi uske paas Marker nahi dekha

(Rishi Naman Ke paas jakar baithta hai Canteen mein aur Uske haaton ki taraf dekhne lagta hai)

Naman : Oyee kidhar Tha Tu Itni der se? Kuch khana hai ki nahi Tujhe?

Rishi : Woh Actually main Library Gaya hua tha Mujhe Kuch Books Leni thi isliye

Naman : Accha Tu khayega? Maine Aaj Pastry Li hai Khayega?

Rishi : Chalo ek bite khila do Naman Waise yeh meri favourite pastry hai

(Rishi Naman ko uske haathon se khilane bolta hai taaki woh uske haath dekh sake)

Naman : Accha Yeh Le Cherry Wala Hissa kha...Tujhe Cherry pasand hai na

Rishi(Mann Mein) : Kaash Woh Priyank ka wehem ho Naman Ke haathon par Ink na lagi ho

(Rishi Naman ke haathon par Lagi Ink dekh leta hai aur Woh Shock Reh Jata hai woh uthkar khada ho jata hai)

Naman : Kya hua aur ek bite kha le

Rishi : Nahi Bas Tum khalo Mujhe ek jaruri kaam yaad aa gaya hai woh karke aata hu main

Manish : Are Rishi ko kya ho gaya Achanak se

Kritika : Haan yar Yeh aise hi uthke Chala kyu gaya? 

(Rishi Class Ki Ore jata hai aur woh Priyank ke bench ke neeche rakhe Letter ko Dekhta hai)

Rishi : Yeh Raha par yeh Ribbon kyu Bandha hua hai

(Rishi Woh letter padhne lagta hai aur Chauk jata hai ki yeh wahi baatein hai jo Priyank ne use batayi thi) 

Rishi : Yeh Ink marker ki aur Naman ke haathon par lagi Ink ek jaisi hai

(Itne Mein Rishi Ki Nazar Naman ke bag par jaati hai uske bag se Ribbon Bahar Dikh raha hota hai

Rishi : Yeh Kya Dikh raha hai Naman ke bag se ? Yeh toh Kuch Ribbon jaisa hai...

(Rishi Uss Ribbon Ko bahar Nikalta hai)

Rishi : Aise kaise ho sakta hai Naman Ke Bag mein yeh Ribbon? Naman Aise nahi Kar sakta... Naman Bhala aise kyu Karega 

(Itne mein Peeche se Priyank aa jata hai)

Priyank : Kya hua Rishi? Tum Achanak Yahaa aagaye..... 

(Rishi Uss Ribbon Ko Apne Pocket Mein Rakh leta hai)

Rishi : Kuch nahi Bas aise hi

Mera Pehla Pehla Pyar

Chapter_17/22

Rishi Sheilds Naman!!.

Rishi : K....Kuch Bhi toh Nahi... Main Bas Library se li hui Book Theek se Rakhi hai Ya Nahi woh D...Dekhne aaya tha

Priyank : Tumne Naman Ke Haathon Par dekhe na Ink Ke nishaan? Ab Toh Maante Ho na Meri baat?

Rishi : Ha? Haan Haan W... Woh Mere Pen se laga tha Uske haathon par aur kuch nahi

Priyank : Tum Use Bachane ki Koshish Kar rahe ho....Main Jaanta hu

(Itne mein Kritika Naman aur Manish bhi Class mein aa jate hai)

Naman : Kya Baatein ho Rahi hai?

Rishi : H...Hum toh Inn Books ke baare mein Baat kar rahe they...

Kritika : Accha....Batao Kaunsi Books?

Manish: Kritika Tum Dekhlo Uske baad Mujhe bhi Dikha Dena...

(Itne Mein Hi Lectures Shuru Ho jaate hai....Rishi Uss Ribbon Ko Lekar Pareshan hai...Use Naman Par Pura Vishwas hai par uski Aankhon ne Jo dekha woh? Woh Ribbon aur Ink Ke Nishaan)

(Lectures Ke Baad Sab Ghar jaa Rahe hote hai)

Manish : Waise Aaj Kya Karna hai Shaam ko

Kritika : Aaj Toh Specific Plan nahi hai.. Tum hi Batao..

Naman : Kyu Na Aaj Disco Chale

Kritika : Wow.. Bahut Acha Plan hai.. Okay Done Chalet Hai

(Rishi Aur Naman Bhi Baatein kar rahe hote hai Isi Beech Rishi Ke Pocket se Woh Ribbon Gir Jati hai)

Priyank : Yeh Kya Gira Rishi Ki Pocket se

(Sab Ruk Jaate hai Aur Mudd kar dekhte hai...Priyank ke Haath mein Woh Ribbon dekhkar Rishi Chauk jata hai)

Kritika : Kya hua Bhai Ruk kyu Gaye? 

Priyank : Ek Minute Kittu

(Priyank apne Bag se woh Letter Nikalkar dekhta hai Yeh Ribbon Us Letter wale ribbon ki tarah hota hai)

Kritika : Baat kya hai Bhai woh Toh Batao

(Rishi Priyank ke Haath mein woh ribbon dekh kar Ghabra jata hai)

Rishi(Mann Mein) : Kahi Priyank Naman Ko Kuch Keh Na De.... 

Priyank : Rishi....Yeh Ribbon Tumhare Pocket se gira hai.... Matlab Yeh sab Tum kar rahe they?

Naman : Kya Keh rahe ho Tum Priyank? Rishi Ne kya Kiya hai? Aur Tum Aise kyu keh rahe ho

Priyank : Jara Ruk Jaao Naman....Ab Tak Main Samajh Raha tha Ki Iske peeche tum ho Par nahi...Yeh sab Toh Rishi Kar raha hai....Aur Hairani Ki baat yeh hai ki isne Kitni Chaalaki se yeh sab Kiya Mujhe Toh pata bhi nahi chala

Kritika : Bhai Shaant ho Jaao Aaram se batao Baat kya hai 

Manish : Haan Priyank Shaant ho Jaao.... Gussa Matt karo 

Priyank : Ek Minute Ruk Jaao Tum dono Please...Mujhe Meri Baat Puri karne Do

(Rishi Priyank Ki baatein Chup Chaap Sunta hai...Naman Ko Samajh nahi aa raha aakhir baat kya hai)

Priyank : Maine Socha nahi tha Rishi Tum Aisa karoge... Main Itna Vishwas karke Tumse mera Past share kiya aur Tumne mere Feelings ka Mazaak bana diya? Kyu Rishi?

Naman : Kya baat hai Priyank Itna Gussa kyu ho Kuch Toh Bata Kya Baat Hai? 

Rishi : Haa Yeh Maine Hi kiya hai....Maine hi Kiya hai..

Priyank(Gusse Mein) : Bas Rishi.... 

(Priyank wahaa se Gusse mein Chala Jaata hai)

Kritika : Bhai Ruk Jaao...Naman Tum Rishi Ko Sambhalo Main Bhai ko dekhti hu

Manish : Haan Naman Tum Rishi Ka Khayal Rakho Hum Priyank Se baat karte hai

(Rishi Bina Kuch kahe Wahi Khada Rehta hai)

Naman : Rishi Yeh Sab Kya Chal raha hai Batayega Tu Mujhe

Rishi(Bujhi Hui Awaaz Mein) : Ghar Chalo Saari Baat Batata hu

(Rishi Aur Naman Rishi Ke Ghar jaate hai)

•Rishi Ke Ghar Mein 

Naman : Rishi Ab Toh Bata aakhir baat kya hai...Raaste Bhar Chup tha

Rishi : Tumhe yaad hai Uss din Priyank Achanak Ghabra Gaya tha.. 

Naman: Haan Yaad hai...Par Tune kahaa Koi baat nahi thi na

Rishi : Haan Uss Din Hua Yeh tha Ki Priyank ke Bench Ke neeche Pink Rose Rakha tha Jispar "S" ka Tag laga hua tha S se Shravan

Naman : Haan Toh?

Rishi : Use Lagta hai ki Koi Uske past ka istemal karke uske feeling ke saath khel raha hai Aur sab Mazaak kar raha hai...Usi Din Teri Bag Giri Tab Tumhari Bag se bhi Gulab Ki Pankhudiyaa Giri Thi

Naman : Mere Bag se? Par Maine Toh Apne Bag Mein Koi Rose nahi Rakha tha toh Yeh Pankhudiyaa kahaa se aayengi?

Rishi : Janta Hu Par Priyank ke Past Ki Baat sirf Tumhe aur Mujhe pata hai Aur Use lagta hai Yeh Mazaak Tum kar rahe ho

Naman : Main? Main Kyu Aisa Mazaak Karunga Yaar?

Rishi : Janta Hu Ki Tum Aisa Nahi kar sakte Naman... Mujhe tumpar Pura Vishwas hai..Par Priyank Bhi aise Situation mein Tha Ki Uska Shaq tumpar gaya

Naman : Accha Phir kya hua?

Rishi : Phir Aaj Priyank ke Bench ke Neeche ek Letter Rakha hua tha Jispar Ribbon laga hua tha aur Marker se Uspar Uske Past se judi baatein likhi hui thi 

Naman : Kya Letter mein? Yeh Sab Ho kya raha hai yaar?

Rishi : Aur Uss Letter par Jis Marker Se likha Hua tha Usi tarah Ki Ink Tumhare Haaton Par lagi hui hai Yeh Dekho

Naman(Chaukte Hue) : Yeh Kab Mere Haaton par lag gaya Mujhe Nahi pata....Par Priyank Tumpar Gussa Kyu Hua College se laute samay?

Rishi : Woh Canteen mein Tumahre Haath Par iss Ink ko laga hua dekh Maine jaake uss Letter ki ink ko dekha Isi Beech Meri Nazar Tumahre Bag par padi Jispar Ek Ribbon tha Jo Uss Letter ki Tarah tha

Naman : Mere Bag se ?

Rishi : Woh Ribbon Jaise mere haath laga Waha Priyank aa Gaya Toh Jaldbazi mein maine woh Ribbon Apne Pocket Mein Rakh diya…

Naman : Accha Phir kya hua?

Rishi : Woh Ribbon Meri Pocket se gira toh Priyank ne dekh liya hoga....

Naman : Yaar Tune sab apne Sir kyu liya? Woh Mujhpar Shak hi kar raha tha na...Ab woh Tujhe iska Zimmedar manta hai

Rishi : Kyunki Main Janta Hu Tum Aisa Mazaak nahi ka sakte Ab Atleast woh tumpar shak nahi karega

Naman : Tujhe Aisa nahi karna chahiye tha Woh Itna Sab Bol gaya tujhe Aur Tu sunta raha? Kyu Rishi?

Rishi : Mere Hote hue Mere Dost par Koi illzam nahi laga sakta...Main Sirf Tumhe Sahi Sabit karna Chahta tha...Ab Bhale woh Mujhe Galat Samajh Raha ho

Naman : Sacchi Tu Pagal hai Kya? Mujhe Sahi Sabit karne ke liye Tune sab Apne Upar le liya?

Rishi : Jab Mujhe Tumhari Jarurat Thi Tab Tumne Dosti Nibhayi Toh Mera Farz nahi banta kya..

(Naman Rishi ko Gale Laga Leta hai)

Naman : Par Ab Woh Tujhe galat samajh baitha hai 

Rishi : Naa Woh sirf Naraaz hai...Thoda samay dete hai sab theek ho jaayega....

Naman : Mujhe lagta hai Priyank Ko bata dena chahiye yeh tune nahi kiya hai

Rishi : Nahi Naman....Abhi nahi Sabse jyada Jaruri tha ki Priyank ka Shaq tumpar se hate woh ho gaya...Iske peeche kaun hai woh pata chal jaayega

Mera Pehla Pehla Pyar

Chapter_18/22

Priyank Ki Naraazgi!!...

(Rishi aur Naman Taiyaar Hokar Disco Pahunchte hai)

Rishi : Naman Kya Tumhe lagta hai Woh Log aayenge? Dopahar ko Jo hua uske baad

Naman : Tu Chinta Matt Kar Aa jayenge Kritika Ka Msg aaya tha Woh aate hi Honge... Thodi Hi der mein

Rishi : Accha Intezaar Kar lete hai Woh Aate honge phir toh

(Rishi aur Naman Disco ke Entrance ke paas Jaakar Wait karte hai)

Naman : Kitne Baj rahe hai Rishi?

Rishi : 8 Bajne Aa rahe hai....

Naman : Ek kaam karte hai Gate ke paas Dekhkar aate hai

(Jaise hi Naman aur Rishi Mudte hai Waise hi waha se Priyank Aur Kritika aa jate hai Aur Rishi Priyank Ek dusre se Takra jate hai)

Rishi : Sorry Sorry Aapko Laga toh Nahi?

Naman : Priyank Tum? Hum Dono Tum sabka Hi Wait kar Rahe they

(Priyank Bina Kuch Kahe Waha Se Andar

Chala Jaata Hai)

Naman : Par Aaj Late kyu ho gaye?

Kritika : Woh Actually Mere Dress Ke Matching Jhumke Nahi mil rahe they Na Isliye Late ho Gaye

Naman : Pata Hai Aaj Disco Mein Garba Nights hai

Manish : Chalo Chalo Garba Khelte hai....

Kritika : Haan Haan Chalo

(Sab Garba Khel rahe hote hai Manish Rishi Ke paas aata hai)

Manish : Waise Mujhe Puri baat toh nahi Pata Rishi....Par Priyank Ko Tumpar iss tarah Sabke Saamne Itna Sab Nahi kehna Chahiye tha

Rishi : Manish Pareshani Mein Aksar Insan Aise kar deta hai Usme Uski Koi galati nahi hai....Aur Priyank Ka aisa React karna Svabhavik hai

Naman : Ek Minute Tumne Kya kaha Manish....Tumhe Puri baat Pata nahi Hai..Toh Phir tum Kyu Iss Topic pe Bol Rahe ho? Aur Jitna Mujhe Pata hai Tumne Bhi Rishi Ko bhi Sabke Saamne Aise hi sunaya tha Kuch Saalo Pehle

Rishi : Naman Woh Baat Purani ho chuki Hai.....Jaane Do Aur Manish Ne Maafi Maang Toh Li Uss baat ke liye

Naman : Rishi Tu Na Bahut Seedha hai Samne Wala Agar Tujhe Thappad bhi Maar lena toh Tu Usko Koi nahi Kehkar

Maaf kar dega....Aur Samne Wala Isi baat ka Fayda Uthata hai (Naman Wahaa se Chala Jata hai)

Rishi : Manish Main Naman Ki Taraf se Tumse Maafi Mangta hu... Woh Naman Dopahar ki Baat se thoda Pareshan hai isliye usne aisa kahaa..Tum Bura matt Manna

Manish : Nahi Nahi Rishi Tum Sorry Matt Kaho... Koi baat nahi 

(Garba Nights shuru ho jata hai Sab Dandiya Khel rahe hote hai) 

(Dandiya Chal Raha hota hai Aur Rishi ke Samne wale Round Mein Priyank Aa jata hai Priyank Rishi Ko Dekh kar Ruk Jaata hai)

Rishi : Priyank Kya hua Khelo.... Ruk Kyu Gaye? 

Kritika: Khelo Na Bhai Ruk Kyu Gaye?

(Priyank Rishi Ko Skip Karke Aagey Chala jata hai)

Naman : Rishi Mujhe Lagta hai Ki Tujhe Bata Dena Chahiye Priyank Ko Nahi Toh Tab woh Tujhe Galat Samajta Rahega

Rishi : Nahi Naman Pehle Mujhe Yeh Pata lagana Hai Ki Yeh Sab Kaun Kar raha hai....Warna Kabhi Nahi Pata Chal Paayega yeh Kaun Kar Raha hai!

Naman : Yeh Tune Sahi Kahaa Rishi.....Theek hai Tu Kehta hai toh ruk Jaate hai

Kritika : Tune Aisa Kyu Kiya Bhai Rishi ke saath Dandiya Kyu Nahi khel rahe the?

Priyank : Please Kittu Abhi Nahi Iss Par Baad mein Baat Karenge

(Isi Beech Samne Waale Ka Dandiya Zor Se Priyank Ke Haath Par Lag Jata hai)

Priyank : Ouch!! Sambhala Karo Yaar!

(Rishi Yeh Dekh Leta hai Woh Round Todkar Priyank ke Paas Jata hai Aur Naman Bhi Uske Peeche Jaata hai)

Rishi( Priyank Ka Haath Pakadte Hue) : Priyank Chalo.... Chalo Me Saath... Dekho Kitni Zor Se Laga hai Tumhe

(Rishi Priyank Ko Pani ke Counter Ke Paas Le Jaata hai Peeche Se Naman, Kritika aur Manish Bhi aate hai) 

Rishi(Pareshaan Awaaz Mein) : Tumhara Dhyaan Kahaa Hota hai Priyank Dekho Kitne Zor se Dandiya Laga hai

(Rishi Priyank Ke haath Par Thanda Paani Daalta hai Aur Sab Un Dono Ko dekhte Reh Jaate hai)

Naman(Mann Mein) : Samjho Priyank Jo Tumhari Itni Care Karta Ho Woh Aise Kar sakta hai kya? Samjho Priyank Rishi Jaisa Ladka Kabhi Aise nahi kar sakta

Manish : Main Kahi se Ice Pack Le Aau Kya Priyank? Tumhe Jyada Dard ho raha hai?

Priyank : Nahi Manish Main Theek Hu Thank You Bas Thoda Sa Dard Hai Ab... Raat Ko Ice Pack Laga Lunga

Kritika : Thank You Rishi Tumne Sahi Samay Par Thande Paani se Bhai Ka Haath dho Diya....Ab Atleast Soojan Kam Hogi….Bhai Aap Kuch nahi Kahoge kya?

Priyank : Thank You Rishi!! Kritika Main Bahut Thak Gaya hu Mujhe Ghar Jaana hai..Please Chalo...

Kritika : Par Bhai... Rishi Ne Aapki Help Ki Sirf Ek Sookha Sookha Thank You Bologo? 

Priyank: Please Kittu Ab Main Bahut Thak Gaya Hu Chalte hai Na Ghar!...

(Priyank, Kritika aur Manish Ghar Chale jaate hai Aur Rishi-Naman Bhi Apne Ghar jaane ke Liye Nikalte hai) 

Naman : Tujhe Bura Nahi Laga Rishi? Priyank Ke liye Fikr Dekhi Maine Teri Aankhon mein....Usne Tujhe sirf Ek Thank You kahaa....

Rishi : Koi Nahi Yaar Maine Uski Madat Kuch Paane Ke Irade se nahi ki....Woh Takleef mein Tha Toh Yeh Mera Farz tha Na ki Main Uski Madat karu...

Naman : Rishi.... Tere Jaisa Dost Paakar Main Bahut Khush hu....Tu Ek Aisa dost hai Jo Apne Doston ke liye sab karega....Par Badle Mein Kuch Paane ki Iccha nahi Rakhega... Love You Yaar!!

Rishi : Naman Mujhe Sirf Tum Sabko Khush Dekhna hai....Tabhi Toh Main Khush Reh Paaunga na....Tum Sab Mere Apne Ho....Aur Apno mein hi Sabki Khushi Hoti hai

Naman : Chal Khana Kha Lete hai Bahut der Ho Chuki hai waise bhi....So Jaate hai Kal Saturday hai Waise Bhi

(Rishi Aur Naman Khana khate hai aur Dher Saari Baatein karte hai)

Rishi : Tumhe Kya Lagta hai Naman? Inn Sabke Peeche kaun hoga? Aur Woh Jo bhi hai Aise kyu kar raha hoga?

Naman : Rishi Yeh Batana Toh Bahut Mushkil Main Bas Itna Chahta hu Jald se Jald pata chale iske peeche kaun hai Aur Tune Jo Mere liye Sara illzam Apne Sar Liya hai Woh Tujhpar se hate

Rishi : Haan Naman Tum Chinta Matt Karo Jald Se Jald Sab Theek ho jaayega....Aur Hum Sabki Dosti Pehle Jaisi Ho jaayegi

Naman : Haan Yaar Main Bhi Yahi chahta hu Bass Sab Pehle Ki Tarah ho Jaaye

Rishi : Hoga Iss Naye Saal Mein Humare Dosti mein Jo Jo kadvat aayi hai Uska Anth Hoga....Aur Sab Accha hoga

Naman : Main Tujhe Phir se Pehle ki tarah Khush dekhna Chahta hu...Mere Liye Tu Bahut Maayne Rakhta hai Rishi....Abhi Toh Tu Apne Past Ko Bhulakar Aagey badha tha....Aur Ab Yeh Nayi Musibat aa gayi

Rishi : Koi nahi Naman.....Sab Theek Ho jayega jyada Socho Matt Aur So Jaao

Mera Pehla Pehla Pyar

Chapter_19

Rishi Is Shocked!!

(Rishi Naman Ko Sone ke liye keh Toh Deta hai par Uski sui abhi bhi Usi baat par Hai)

Rishi:(Mann Mein) : Aakhir Yeh Sab kar kaun raha hai? Kisi ko Priyank ka Past istemal karke Use Pareshan karne se kya milega? Aur Yeh baat sirf Main, Naman aur Kritika Jaante hai...Na Maine na Naman ne kuch kiya hai...Aur Kritika Toh Aise nahi kar sakti...Phir yeh sab kaun kar raha hai?

•Agle Din College mein

Naman : Priyank Se Koi Baat hui Teri?

Rishi : Nahi Naman Subah se Woh Mujhe ignore kar raha hai...Aur Jab baat karne ki koshish ki Woh Mujhe avoid kar raha hai....Shayad Use Bahut Bura Laga hai

Naman : Toh Tu Use Saari Baatein Sach Sacch Bata Kyu Nai deta? Yeh Galatfehmi Durr kaise hogi jab Tak tu use yeh baat bata nahi deta?

Rishi : Nahi Naman Abhi Sahi Samay nahi aaya hai...Abhi Main Khud par se illzam hatane ke liye keh du yeh sahi nahi hai Agar Us insaan ne aagey bhi Priyank ke past se use Pareshan kiya toh?

Naman : Haan Yeh Baat bhi Sahi hai...Lekin Kab tak Priyank Ka Gussa Jhelega tu? Pehle toh Bina Wajah mujh par shak na aaye isliye tune khud ke sar le liya sab.....

Rishi : Dosti karne se sirf dost nahi bante Nibhani bhi Chahiye....Tumne hi yeh Mujhse kahaa tha Yaad hai.. Jab Manish ke wapas aane ke baad main Kitna Disturb hua tha Tab Tumne Mujhe Sambhala tha...Tumne apna Farz pura kiya tih kya ab mera farz nahi banta?

Naman : Rishi....Rishi Woh baat aur yeh baat alag hai Uss samay tujhe Support ki jarurat thi jo maine Dost hone ke naate diya

Rishi : Toh Tum bhi yahi samjho ki main Bhi Dosti nibhaa raha hu

Naman : Rishi Tujhse Behes mein koi jeet nahi Dakta yaar (Haste hue)

Teacher : Wahaa Kya ho raha hai Rishi aur Naman?

Rishi : K...Kuch Bhi nahi Ma'am

Teacher : Toh Yaahaa Dhyaan Do lecture par

•Break Mein Sab Canteen Mein Baithe hote hai

Naman : Ab Toh Sirf Do Din Bache hai New Year ko... Lekin Tum sab ke saath Yeh Yeh Saal bhi  bahut accha Raha Mera

Manish : Main Toh Bahut Khush hu Ki main Tum sabke saath Itni Acchi Achhi Memories bana Paaya

Kritika : Haan Yaar Kitne Maze Kiye humne inn Kuch Mahinon mein.... aur Tum sab ke saath Toh Meri Khushi Double hui

Priyank : Haan Khushi Ke saath Dhokha bhi Mila hai....

(Rishi Aur Naman Yeh Baat Sunkar Bura Maan Jaate hai)

Kritika : Kya Yaar Bhai Aap Bhi.... Accha Guys Mujhe Library mein kuch kaam hai Woh karke seedhe Class mein Milti hu

Rishi : Main Paani Peekar aata hu Main Class se Bottle laana Bhool gaya tha....

Naman : Mere Waale se Pee le Yeh Le maine bottle laaya hai

Rishi : Nahi Naman Theek hai

(Naman Samjh jaata hai Rishi ko Priyank ki baat ka Bura Laga hai....Rishi Class ki Ore jaata hai)

Rishi(Mann Mein) : Koi Nahi Priyank Abhi Pareshan hai Isliye woh aisi baatein kar rahi hai....Thoda Samay de usko sab theek ho jaayega

(Rishi Class mein Pahunchta hai aur dekhta hai Priyank ke bag ke paas ek ladka khada hai Uske haath mein Photo jaisa kuch hai)

Rishi : Are Yeh kaun hai? aur Iske haath mein yeh photo jaisa kya hai...

(Rishi Dhyaan se dekhta hai toh woh Priyank Ki Photo hoti hai aur saath mein Ek ladka hota hai Woh ladka woh Photo Priyank ke bag mein Rakhta hai Aur Mudd jata hai)

Rishi(Chaukte hue) : N...Naman Tum?

Naman(Darte hue) : R....Rishi woh Main Bas Book Rakhne aaya tha Library ki

Rishi : Par tumne Priyank ke Bag mein Photo Kyu Rakhi

Naman : Woh...Kaunsi Photo? Kaisi Photo?

(Naman Rishi Ko Dhakka dekar Wahaa Se chala jata hai aur Rishi ka Sir Bench par jaakr Lagta hai)

Chapter_20

Rishi's Nightmare Turns True?..

Rishi : N….Naman Ruk jaao....Rukk Jaao

Naman : Kya Hua Rishi....Kisko Rukne ke liye keh rah hai....

Rishi(Haanfte Hue) : K....Kuch Nahi Naman....Woh... Woh Bas Ek B...Bura Sapna Dekha Aur Kuch Nahi

Naman : Tu Theek hai na? Yeh Le Paani pee aur Shaant ho jaa

Rishi : M....Main Theek hu Naman...Tum Chinta Matt Karo..So Jaao

Naman : Pakka na?

Rishi : Haan... So jaao Naman...Main Theek hu

(Rishi Bahut Pareshan hai Uss Sapne ke wajah se)

Rishi(Mann Mein) : Bhagwaan Kare Mera Yeh Sapna Sach na Ho

•Agle Din Subah Rishi Aur Naman College jane ke liye Taiyaar hi rahe hote hai

Naman : Rishi Mujhe Ek baat bata kal Raat ko Tujhe Kya ho gaya tha?

Rishi : K..Kuch Bhi Nahi Naman Woh Koi Sapna Dekh Liya tha Maine....Isliye Aur Kuch nahi

Naman : Accha....Ab Toh Tu Theek hai na? Chai Aur Nashta aa chuka Chal Nashta karte hai aur College Chalte hai

Rishi : Haan....Chalo Nashta kar lete hai Aur College Chalte hai

(Rishi Aur Naman Nashta karte hai Aur College ke Liye Nikalte hai)

•Raste Mein

Naman : Are Woh Dekh Priyank-Kritika aur Saath Mein Woh Bandar bhi hai

(Naman Unhe Awaaz Deta hai....Rishi Aur Naman Unke paas Jaate hai)

Naman : Good Morning Everyone Kaise ho Sab? 

Kritika : Good Morning...Hum Theek hai Tum Dono kaise ho?

Priyank : Good Morning...Chalo Late Ho jaayenge nahi toh

Manish : Haan Haan Sahi Keh rahe Ho Tum Jaldi College Pahunchte hai 

(Sab College Pahunchte hai Aur Lectures Shuru Hote hai)

Naman : Ab Aakhiri Do Din Bache hai Naye Saal ke Jaldi se Sab Theek ho jaaye...

Rishi : Koi Nahi Naman 2 din hai Kuch na Kuch ho jaayega....Bas Pata chal jaaye iske peeche kaun hai... Phir sab Theek Ho jaayega

Naman : Jaisa Tu Keh Raha Waisa hi Ho Jald hi pata chal Jaaye....Aur bas Sab Pehele Jaisa ho jaaye....

(Break Mein Sab Canteen Mein Baithe Hote hai)

Naman : Ab 2 Din Bache hai Saal khatma hone ke Bahut Enjoy karenge.....

Manish : Tum Sahi Keh rahe Ho Naman….

Kritika : Kitne Kam Dino Mein Humari Dosti Itni Gehri Ho gayi....Aur Itni Saari Yaadein Ban gayi Na

Naman : Haan Tum Sahi Keh rahi ho...Sab Alag Alag Sheher se aaye aur Hum Dost ban gaye Are Mujhe Ek kaam Yaad Aaya hai Main Woh karke aata hu....Class mein Milta hu

(Rishi Ghabra Jaata hai Kahi Uska Sapna Sach toh Nahi ho raha ?)

Manish : Main Bhi Lecture shuru hone se Pehle Fresh hokar aata hu

Priyank : Are Inn dono Ko abhi Hi jaana tha? Mujhe Library Jana tha Inke Saath...Manish Ruko

Rishi : P...Priyank Kya Main Chalu Tumhare Saath Library Tak?

Priyank : Naman Tum Apne Dost Se keh do Ki Main Chala Jaunga Ya Phir Manish Kritika ke Saath Chala Jaunga....Inhe Pareshan hone ki koi jarurat Nahi hai

(Priyank Wahaa Se Chala Jaata Hai)

Naman : Sorry Yaar Rishi Tujhe Mere Liye Itna sab Sunna Pad raha hai....Aur Main Kuch kar nahi paa raha

Rishi : Koi Nahi Naman....Isme Tumhari Koi Galti nahi hai....Aur Priyank toh naraaz hai...Aur Waise bhi Narazgi mein Insaan Aksar aise React karta hai

(Rishi Canteen se Bahar aate hai)

(Rishi Class Mein Pahunchta hai Aur Dekhta hai Ki Koi Priyank ke Bag ke paas Hai)

Rishi(Mann Mein) : Yeh Kya kar Raha hai Priyank Ke Bag Ke paas? 

(Woh Priyank Ke Bag Mein Kuch Rakhkar Class ke Peeche waale Darwaaze se bahar Chala jaata hai) 

Rishi : Jiska Darr Tha Wahi Hua....Par usne Priyank ke bag Mein Kya Rakha hai?

(Rishi Jaldi se Priyank Ke Bag ke Paas Jaakar Dekhta hai Aakhir Usne Kya Rakha Bag Mein)

Rishi : Are Yeh toh Koi Photo Hai....Yeh Toh Priyank hai Par Priyank Ke Saath Yeh Ladka Kaun hai? 

(Itne Mein Bell Bajj Jaati Hai Aur Sab Class mein Aa jaate hai...Aur Rishi Woh Photo Apne Bag Mein Rakh deta hai)

Naman : Kya hua Rishi? Itna Ghabraya Hua Kyu Lag raha hai tu? Kuch hua hai kya?

Rishi : Nahi Nahi...Aisi Koi baat nahi hai...Woh bas aise hi

(Itne mein Lecture shuru ho jaata hai) 

Naman : Chal Lecture Shuru Ho gaya hai....

Rishi(Mann Mein) : Abhi Toh Bach gaya par aagey kya bataunga....Jab Sabko Pata chalega Inn Sabke peeche kaun hai Tab Sabko kitna Bura lagega khaas karke Priyank ko....Hey Bhagwaan Yeh kaisi Musibat mein daal Diya aapne

(Rishi Ne Jo dekha Uske baad Woh ab Bahut Badi Muskil mein Padd Chuka hai Woh Ab Kisise yeh baat keh bhi nahi sakta kyunki yeh Pata chalne ke baad sab Hurt Honge)

•Rishi Ke Ghar Par

Naman : Chal Jaldi Jaldi Decide karte hai kya Pehenna hai aaj College ke is Saal ke Last Party ke Liye 

(Rishi Unhi Baaton Mein Uljha hua hai Ki Naman kya keh raha uspar uska Dhyaan nahi hai)

Naman(Rishi ke paas aakar Baithta hai) : Rishi....kya baat hai Tu Break ke baad se hi bahut pareshan hai

Rishi : Nahi Naman Aisi Koi baat nahi hai...Main Toh Bas yeh soch raha hu Ab 2 din baad Yeh Saal khatam ho jayega phir sab Pehle ki tarah Busy ho jayenge...Phir Kisi tyohaar ke liye wait karna hoga tab Jakar Phirse sab saath aayenge

Naman : Tu Bhi na Rishi...Tere Saath Main hu na...Main Kaafi nahi hu kya?

(Aur Naman Muhh Banakar Baith jata hai)

Rishi : Are Naman....Main Bas aise Hi Keh Raha tha....Tum Ho isliye toh Main Akela nahi hota kabhi... Tum Na hote toh Mera kya hota

(Dono Hasne Lag jaate hai)

•Shaamko Party Mein

(Priyank, Kritika, Manish, Rishi aur Naman Photos lene mein Busy hote hai)

Naman : Are Iss Taraf Se Ko Kritika tab Toh Sab aa payenge Ek Hi Frame

Priyank(Haste hue) : Bas Karo Yaar Pichle 1 minute 20-25 Photos le chuke ho Kitni Loge ab

Rishi(Naman Se) : Main Zara Paani Pekar aata hu abhi

Naman : Haa Haa Jaldi aana (Priyank Aur Naman Photos dekh raha hote hai Aur Unke peeche Ek Board laga hua hota hai Bamboo ke Sahaare Woh Choot jata hai Aur Neeche Girta hai) 

Manish & Kritika(Ek Saath) : Priyank Naman!!!

-To Be Continued.....