Mera Pehla Pehla Pyar Chapter 11 -15

 Mera Pehla Pehla Pyar

Chapter_11/22

Love Is In Air For Rishi

(Party Khatam hote hi Sab ghar ke liye Nikalte hai)

Naman(Raste Mein) : Tujhe Kya Jarurat Thi Uss Bandar Ko Bachane ki Girata toh Girne Deta... Pure Samay Uska Dance pe kam Tujh par Jyada Dhyan tha

Rishi : Naman Woh Mere Left Taraf Tha Woh Girne Laga toh Main Toh Help karta hi na Woh mere Side mein Tha Waise bhi Meri Taraf Gira woh

Naman : Rehne De Tujhe Toh Logo ko help Karne mein hi maza aata hai...Tu Karte Reh Main Chala... Bahut Neend aa rahi hai...Kal Sunday hai Maa Jaipur gayi hai Papa ke paas... Waise bhi Papa Business mein hi busy hai

Rishi : Naman Meri Baat Toh Sun Lo Kuch Batana hai Tumhe...

Naman : Ab Jo Bhi Hai Kal Batana Mujhe Bahut Neend Aa rahi hai...Bye Bye Bye 

(Naman Ghar Chala Jata hai)

Rishi : Chalo Koi Nahi Kal Hi Bata Dunga

(Rishi Bhi Apne Ghar Chala Jaata hai)

(Rishi Naman Ki Kahi Baat ke Baare Mein Soch raha Hai)

Rishi : Kya Naman ne Jo Kahaa Sach hai? Mujhe Pasand Priyank Hai? Dhatt.... Mujhe Priyank Pasand hai? Naa....Shayad Haa...Yeh Kya Ho Raha Mujhe? So hi Jaata hu

(Udhar Manish Rishi Ke Bare Mein Soch Raha Hai)

Manish : Itne Saalon Baad Rishi Ko Dekhte Hi Pata Nahi Mujhe Kuch Alag Ehsaas Hua....Aur Aaj Party Mein Main Dekhte Reh Gaya... Aaj Usne Mujhe Girne se bachaya...Kya School Ki Dinon Ki Tarah Use Mujhse aaj bhi Pyaar hoga?

(Manish Rishi Se Mann Hi Mann Pyaar Kar Baitha Hai Aur Waha Rishi Ke Mann Mein Sawaal hai Kahi Woh Priyank se pyaar toh nahi karne laga hai)

•6 months later

Rishi : Mujhe Tumse Kuch Baat Karni Thi Naman Tumne Jo Kahaa Shayad Woh Sach hai 

Naman : Seedhe Seedhe Bata Yaar Ghuma Matt...Kaunsi Baat?

Rishi ; Tumne Kahaa Tha Na Ki Mujhe Priyank Pasand Hai? Woh Baat Shayad Sach hai

Naman : Kya? Oyeee......Aaye haaye...Aakhir Maan hi Gaya tu? Dekha Maine Kaha Tha Na? Tujhe accept Karna hi Pada...Ab Bata Kab Keh raha hai Priyank Se Apne Dil Ki Baat?

Rishi : K...kya Priyank Ko Bata du? Nahi Yaar Yeh...Yeh Kaise Karu Main? Woh Bura Maan Gaya toh? Kya pata Woh Mere baare aisa na Sochta ho?

Naman : Kya Keh raha hai tu? Kya Tune Usko Yeh baat batayi hai Kabhi pehle?

Rishi : Nahi

Naman : Toh Yeh Kaise keh sakta hai Ki woh Aisa Nahi Sochta Hoga...Chal Bata kab Bata raha hai...Warna Main Bata dunga Use....

Rishi : Nahi.... M..Main Bata dunga...Jald hi Bata Dunga

Naman : Dekh Aaj Christmas hai to Tujhe New Year  Tak Batana hoga...Warna Uske Baad  Main Use Bata dunga

Rishi : Theek hai New Year Tak Mein Use Bata dunga....Ki...Ki Mujhe Woh....Pasand hai 

Naman : Ale Ale Sharma Gaye Rishi Ji....Bas Priyank Se Yeh Kehte Samay Sharma Matt Jana...Warna Woh Sochega... Theek Tarah Propose bhi Nahi Kar sakta Yeh?

•Shaam ko Church Mein

Naman : Yeh Dono Na Hamesha Hi Late Aati hai Yaar!!

Rishi : Are Naman....Woh Kritika hai Usko Saaj Shringar Mein Samay lagta hai....Hamari Tarar Kurta Pehn liya....Pant Pehen li Baal Ghuma lo Ho Gaya Aisa nahi hota na

Priyank(Achanak Se) : Humari Behen Ki Tareef Ho Rahi hai kya?

Rishi : N..Nahi Toh Iss Khoobsurati Ki Church ke baare mein Baat kar rahe they

Naman : Haan.... Khoobsurati Ki Church...kya?

Rishi : Mera Matlab Church Ki Khoobsurati Se Tha....

Kritika : Accha Accha Ab Time Waste Bina Kiye Pehle Hum Jesus Se Pray Kar lete aur Phir Party Karte hai na

Manish : Hii Rishi....Kaise ho waise Yeh Kurta Tum par bahut accha lag raha hai

Naman(Mann Mein) : Yeh Bandar Aaj Bhi Aaya Hai....Rishi Ko Tareef karke kuch jyada hi acha bann ne ki koshish kar raha hai yeh toh

(Sab Jesus Se Pray Karne ke liye Aate hai)

Rishi(Mann Mein) : Main Bas Yeh Chahta hu Mere Maa Papa Khush Rahe....Unko Saari Musibaton se Durr Rakhna Aap....Aur Meri Aur Naman Ko Dosti hamesha Bani Rahe.... Uski Jo Iccha Ho saari Puri karna..... Priyank-Kritika aur Manish ko bhi Khush Rakhna Aap... Amin

Naman(Mann Mein) : Mujhe Toh bas yeh Chahiye Main Aur Rishi Humesha Dost bane Rahe aur....Main Aur Rishi Apni Mann ki Baat Priyank aur Kritika se Keh paaye....Bas Iss New Year Humari Bhi Jodiya Bana dena...Amin

Kritika(Mann Mein) : Sabko Khush Rakhna...Mere Maa Papa aur Bhai

ka Dhyan Rakhna… Amin

Priyank(Mann Mein) : Mere Pure Parivaar Ko hamesha Khush rakhna...Aur Kritika ne Jo bhi Manga ho Woh Use de dena.. Amin

Manish(Mann Mein) : Main Kitna Pagal Tha Rishi mujhse Pyaar karta tha aur Maine Uske pyaar ko Naqara.. Mujhe Shakti Dena Ki Main Rishi se aaj apni Mann ki baat keh paau..Amin

Kritika : Are Chalo Chalo Party Karte Hai... Chalo Rishi-Naman, Bhai Chalo, Manish Chalo

(Sab Party Kar Rahe Hai Manish ka Dhyan Sirf Rishi par hai...)

Manish(Mann mein) : Aaj toh Rishi Se Apne Mann Ki Baat keh dungi...Bass Mauka Mil jaaye 

Naman : Kya Socha Rishi Kab Batayega Priyank ko?

Rishi : Sahi Samay aane do keh dunga Priyank se

Naman : Ha Lekin jyada Der matt karna New Year Tak batane ka Vaada kiya hai Tune Mujhse 

Priyank :Waah Rishi Tum toh Bahut Accha Dance Kar Lete Ho…

Naman(Dheemi Awaz Mein) : Aaye Haaye Ab Toh Usne Teri Tareef Bhi Kardi....Mujhe Bada Mazaa Aaya

(Naman Ko Kisi ka Dhakka Lag Jaata hai)

Naman : Aah...Kitni Jor Se Dhakka Marti ho yaar Tum.... 

Kritika : Ohh Sorry!! Mera Dhyan Nahi Tha

Naman : Ohh Tum Ho....Koi Nahi Waise Aaj Bahut Achi Lag rahi ho Tum Kritika

Kritika : Thank You Naman....

(Naman Ke Samne Manish aa jata hai)

Naman : Manish Theek se Dance Karo Kahaa Dekh rahe ho tum?

Manish : Sorry Sorry Woh Bas Lighting Chehre par aa rahi thi jyada

(Gaane tezz ho jaate hai Manish Rishi ke saamne aa jata hai)

Manish : Rishi Mujhe Tumse Kuch Kehna hai

Rishi : Manish Gaane bahut Tezz hai Kuch Sunayi nahi De raha

Rishi : Naman Yaar Mera Gala Sukh Raha hai Main Pani Peeke aata hu

(Manish Rishi Ko bahar Jaate hue dekh leta hai Aur Woh Uske Peeche Chala Jat Hai)

Mera Pehla Pehla Pyar

Chapter_12/22

Manish Propose Rishi

(Rishi Paani Peene ke liye Jata hai...Aur Use dekh Manish Bhi Uske Peeche jata hai)

Manish(Mann Mein) : Yahi Sahi Mauka Hai Keh deti Hu Rishi Ko Apne Mann Ki Baat

Rishi(Khud se) : Jald Hi Priyank Ko Apne Mann Ki Baat  Bataunga....Pata nahi woh kaise React Karega

(Manish Paani Ke Counter ke paas pahunchne waala Hota Hai Ki Light Chali Jaati hai)

Sab log(Ek Saath) : Are Bhai Kya Ho gaya Andhera kyu Ho gaya?

Rishi : Ohh Ho Light Chali Gayi...

(Manish Wahaa Pahunchta hai)

Manish : Rishi Main Tumse Kehna Chahta Hu Ki Main Tumhe pasand Karta hu.....Im In Love With You!!

(Manish Ke Itna Kehte hi Light aa Jaati hai) 

Manish : Are Yahan Toh Koi nahi hai.....Rishi Kaha Chala Gaya?

(Manish Phirse Andar Ki Ore aata hai)

Naman : Are Yeh Rishi Kahaa Reh gaya Kab ka Paani Peene Gaya hua hai

Kritika : Aa jaayega Ruko toh Andhera ho gaya tha Na abhi Isliye Ruk Gaya hoga beech mein

Rishi : Are Ye Andhera Kyun Ho Gaya Tha Abhi Achanak?

Priyank : Woh Overload ke wajah Se Kuch Problem hui thi 

Naman : Woh sab chhod Tujhe Itni Der kyu lagi?

Rishi : Woh Main Paani Peene Gaya Toh Mujhe Ek Call aa gaya tha Ghar se Toh yahaa Shor tha isliye bahar ki taraf Gaya par uske pehle Yahaa Andhera ho gaya tha 

Manish(Mann Mein) : Ohh Acha Isliye Rishi Wahaa Nahi tha...Matlab Rishi ne Kuch Suna hi nahi....Koi nahi Kal Phirse Keh Dunga

•Sab Ghar Jaate hai

Naman(Ghar ke paas Pahunchne par) : Rishi Sunn Mere Ghar aaja yaar Raat mein...Bore ho Jaata hu yaar Koi Nahi hai Ghar pe...At Least Baatein toh karunga tere saath toh Neend jaldi aayegi

Rishi : Aaj Nahi kal aa jaunga...Aise Achanak Nahi aa sakta Yaar Ghar par Bata padega

Naman : Haan Chal Koi Nahi...Par Kal Koi Bahana Matt Karna

Rishi(Haste Hue) : Haan Yaar Pakka

(Agle Din College Mein Sab Pichli Raat Ki Party Ki Photos Dekh rahe hote hai Aur Traditional Day ke Dress code ke baare mein Discuss kar rahe hote hai...Wahi Manish Rishi se Baat karne ki koshish karta hai par baat nahi kar Pata

Priyank : Are Waah Aaj Toh Sab Mast Lag Rahe hai Chalo Pehle Selfie Lete hai 

Rishi : Haan Haan Chalo

Kritika : Main Toh Insta Pe Post Karungi Yeh Pic ....

Naman : Haa Haa Kar dena....Main Bhi Karne Wala hu (Manish Ka Dhyaan Rishi Pe hai Ki Kab Woh Inse Thoda Durr Jaaye aur woh Usse Baat kare)

(Manish Bhi Rishi Ke Peeche Peeche Jaata hai...Rishi Cantine ke paas hota hai)

Manish : Ra...Rishi Mujhe tumse Kuch Kehna hai 

Rishi : Main Janta Hu Manish Tumhe Kya Kehna hai..

Manish : Lekin? Ek Baar sun toh Lo Rishi 

Rishi : Tumne Yeh Baat Kal kahi thi Tab Maine Sun Liya tha

Manish : Par...

Rishi : Kal tumne jab Kahaa Tab Andhera Ho gaya tha.....Aur Tumhe Tab Yeh baat kahi thi Lekin Light Wapas aane se pehle main Counter Ke parde ke Peeche Chipp Gaya tha

Manish : Par Kyu Rishi..... Main tumhe pasand Karta hu aur School ke Dinon mein Tum Bhi Mujhe Pasand karte they....I know Tab Maine Sahi React nahi kiya...Par Main Ab Samajh Chuka hu

Rishi : Manish Uss Samay ki Baat alag hai Main Uss Samay Pasand Karta Tha Par Aaj Nahi....Main Tumhare baare aisa nahi Sochta Ab

Manish : Rishi Aise matt Kaho... Agar Aise tha Toh Tum Kal hi Yeh keh sakte they Par tumne Nahi Kahaa

Rishi : Ha keh sakta tha Par Maine Nahi Kaha kyon ki Main Koi Drama Nahi chahta tha....Naman Ke Dimaag mein Pehle se Tumhari Acchi Chhavi nahi Hai Woh jaldi React karta hai

Manish : Par Rishi Meri Feelings Sacchi hai Iss Baar.....Janta Hu School Ke Dinon mein maine Galat kiya par abhi Main Samjh Chuka hu

Mera Pehla Pehla Pyar

Chapter_13/22

Priyank Has a Past

Rishi : Manish School ke Dinon mein Bhi Tum mere Acche Dost the aaj bhi Acche Dost hi ho....Mere Dil mein Tumhari Chhavi Ek Dost ki hi hai Usse Jyada Kuch nahi...Samjho Meri Baat ko

Manish : Rishi Please Ek Baar Meri Baat Sunlo.... Please

(Rishi Dekhta hai Ki Naman Bhi Unke Taraf aa raha hai Woh Apne Haath se Pani ke Cup se pani khud par gira deta hai)

Manish : Please Rishi

Naman : Kya hua? Itni Der Kyu Lag gayi Tujhe Aur Yeh Manish Tujhe Please Please kyu Keh raha hai

Rishi : Kuch Nahi...Woh Actually...Main Paani Pee Raha tha Aur Galati se Manish Ka Dhakka Laga toh Thoda Paani Mere Shirt par Gir gaya toh...Manish ne kahaa Main Saaf kar deta hu...Maine Mana kiya isliye Keh raha tha Please Main Saaf Karta hu

Naman : Pata nahi Kyu Jahan yeh Hota hai wahan gadbad hota hai Uss din Girne gaya aur Aaj Tumpar Pani Gira Diya

Rishi : Jaane Do na Naman Use Galti ho Gayi usne Jaan Boojh kar toh Nahi kiya na..... galati kisise bhi Ho Sakti hai

Naman : Haa Haa...Yeh Gyan Ke Moti Bacha ke rakh Baad mein kaam aayenge Pehle Chal Priyank aur Kritika Humara Intezaar kar rahe hai.... Tu Chal Pehle

Rishi : Haa Haa Chalo.... Manish Tu Bhi Chalo

Naman : Woh Aa jayega Tu Chal 

(Naman Rishi Ko Le jata hai...)

Manish(Mann Mein) : Rishi Tumhe Toh Main Ehsaas Karva Kar Rahunga....Ki Tum Bhi Mujhe Pasand karte ho

Ek Ladka : Shravan!!! Idhar Aa Jaldi...

(Priyank Yeh Naam Sunte hi Ghabra Jaata hai Aur Waha se bahar Chala Jaata hai)

Naman(Rishi Ko Chidhate hue) : Oye Jaa Keh de use Apni Mann ki Baat Bata De 

Rishi(Sharmate hue) : Haan Haan Ruko Jaata hu

(Rishi Bhi Priyank ke Peeche Jaata hai Priyank Ki Peeth Rishi Ki Taraf Hoti hai)

Rishi(Hichkichate hue) : P..Priyank Main Tumse Kuch Kehna Chahta hu 

(Priyank Rote hue Rishi Ke Gale Lag Jaata hai)

Priyank : Ri......Rishi Woh....Woh Yahaa Aa chuka hai

Rishi : Kon Priyank? Aur Tum Ro Kyu Rahe Ho Baat kya hai?

(Priyank Rishi Ko Apna Past Batata hai... Woh Bahut Ro Raha hai....Rishi ko Yeh Sunkar Bahut Bura Lagta hai)

Rishi : Priyank....Tumne Yeh Sab Pehle Kyu Nahi Bataya? Main Samajh Sakta Hu Priyank Tumpar Kya Beet Rahi Hogi....

Priyank : Kaise Batata Rishi Issi Past Ke wajah se Toh Main kanpur Chhodkar Yahan Aaya....Aur Aaj Phir se Uska Naam sunkar Main Darr Gaya tha

(Rishi Priyank Ko Sambhalne Ki Koshish Karta hai....)

Priyank(Awkward hokar) : Sorry Rishi Maine Iss Tarah Tumhare Gale... Gale Lag Gaya...I'm Sorry

Rishi : Koi Baat nahi Priyank Lo Pani Piyo Pehle aur Shant ho Jao.... Kuch Aur Matt Socho ab...Chalo Ghar Chalte hai Sab Ghar Jaakar Araam karna

Priyank : Lekin Tumhe Lecture Attend Karna hai na....Main Kittu Ke saath Chala Jaunga Tum Chinta Matt karo Main Theek hu

Rishi : Nahi Priyank Waise Bhi Abhi Thoda Samay hi bacha hai 15-20 Minute Khatam hoga Lecture bhi

(Rishi Aur Priyank Baad Ghar jaate hai)

Priyank : Rishi Please Maine Tumse Jo Bhi Baatein Kahi Hai Woh Kisi se Matt Kehna please

Rishi : Tum Mujhpar Vishwas kar Kar sakte ho....Yeh Baat Humare Beech Rahegi...Lekin Haa...Jaise Tumhare Liye Kritika hai Waise Mere Liye Naman hai Main Us se sab share karta hu Yeh Bhi Karunga

Priyank : Par Rishi...

Rishi : Tumhara Mujhpar Vishwas hai na Toh Chinta Matt Karo....Naman Mera Best Friend hai Uspar Mujhe pura bharosa hai Woh Yeh baat Kisise nahi kahega

Priyank : Theek hai Rishi.....

(Sab Ghar Jaate hai Aur Rishi-Naman Apne Ghar ki Taraf aate hai) 

Naman(Ghar ke paas Pahunchne par) : Oyee Kahaa Jaa Raha hai Tu? Mere Ghar aane wala tha tu Aaj Bhool gaya?

Rishi : Ohh Ha Sorry Chalo Chalo

(Rishi Naman Ghar aate hai Aur Fresh Hote hai)

•Raat Mein

Naman : Khana Toh Banaya hua hi Hai Kha lete hai 10:30 Baj Chuke hai Phir Tujhse Yeh bhi Janana hai ki Tumne Priyank se ab Dil ki Baat kahi tab usne kya kahaa

(Rishi aur Naman Khana kha lete hai aur Naman Ke Room mein Jaate hai)

Naman : Thank You Yaar Rishi Mere Kehne pe tu aa gaya...Mummy Jabse Jaipur Gayi hai Raat ko Bahut Akela lagta hai Neend nahi aati Isliye socha Tujhe bula leta hu Baatein karenge toh Neend bhi aa jayegi

Rishi : Haan!

Naman : Chal Bata Jab Priyank Se Tune woh Baat ki Tab Usne kya Kaaha

Rishi : Haan!

Naman : Tu Pagal ho Gaya hai kya? Dhyaan Kahaa hai Tera

Rishi : Haan!

Naman(Rishi Ke Aankhon ke Samne Chutki Bajate hue) : Oyee Kya Hua Dhyaan kaha hai Bata na Jaldi

Rishi : Naman Main Tumhe Bata Raha hu Par Pura sunne se pehle React Mat Karna please....

Naman : Acha Theek hai Bata Kya baat hai

Rishi : Aaj Tum Mujhe Dhoondte Hue Paani ke Counter tak aaye the Aur Manish Bhi wahan tha...

Naman : Are Uss Bandar Ki Koi Baat Mujhse kar hi matt

Rishi : Puri Baat Toh Sun Lo Naman

Naman : Accha Theek hai Bata

Rishi : Haan Jab Tum wahaa aaye uske 2 Minute pehle usne Mujhe Kaha ki Wo Mujhe Pasand karta hai Aur Yeh Dusri Baar kahaa

Naman : Kya? Iska Matlab Usne Tujhe Propose Kiya? Yaar Yeh kahi bhi Kyu aa jata hai....Ek Minute Kya kahaa Dusri Baar!! Matlab Pehle kab kahaa usne yeh?

Rishi : Haan....Usne Kal Kahaa tha jab Main Pani Peene gaya tha aur Light Chali Gayi thi

Naman : Aur tu Mujhe ab Bata Raha hai? Lekin Kal Kahaa toh Aaj Phirse kyu Kahega woh?

Rishi : Kyunki Kal jab usne yeh baat kaha tab Andhera tha aur Iss se pehle light aati Main Parde ke peeche ho gaya tha counter ke toh use laga wahaa main Nahi tha...Uss Time maine Yeh baat Itni Serious nahi li

Naman : Yaar Iss Bandar Ko Toh Main....Mujhe pehle din se Pata tha Yeh Kuch Gadbad hai...Kal dekhta hu ise... Yaar tujhe ye baat Mujhe tab batani chahiye thi na jab Main Tujhe Dhoondte hue aaya tha Tab kyu nahi bataya? 

Rishi : Kyunki Main Janta tha Jaise tum Ab React kar rahe ho waise wahaa karoge aur Bin baat ke Problem ho jaati

Naman : Are Par...Chhod usko kal dekhta hu...Pehle yeh bata Priyank se baat hui? 

Rishi : Priyank Se kya kehta Naman Woh Khud Dara hui tha Aur Ro Raha tha?

Naman : Dara Hua tha? Ro Raha tha? Matlab Exactly hua kya Yeh bata

Rishi : Main Jab Usse baat karne gaya woh Pareshan tha Aur jab Maine uske paas pahuncha Woh Mere Gale Lag kar rone laga

(Rishi Naman Ko Priyank Ki Kahi Hui Saari Baat batata hai Ki Woh Jab Kanpur mein tha Tab kya kya hua tha)

Naman : Kya? Matlab Priyank Kanpur Se Yahaa Iss Wajah se Aaya hai!! Aur Woh Ladka Shravan Yeh sab baatein....

Rishi : Haan Naman... Aur Jis Tarah Priyank Ro Raha Tha Na Woh Dekhkar Mujhe Bahut Bura Laga....

Naman : Lekin Iss Manish Ko Achanak Kya hua Ki Uske Dil mein Tere Liye pyaar aa raha hai?

Rishi : Pata nahi Yaar...Woh Aaj bhi Galat Fehmi Mein hai Use Lagta hai School ke Dino mein Mere Dil Mein Feelings thi So Aaj bhi Hai isliye Woh Usne Mujhe Yeh Baas Seedhe seedhe keh di

Mera Pehla Pehla Pyar

Chapter_14/22

A Shooker For Priyank

(Naman aur Rishi Dher Saari Baatein Karte hai aur Dekhte Dekhte Dono So Jaate hai)

•Agle Din Subah

Rishi : Naman Tum Uthne Ka kya Loge? Already 6:30 baj Chuke hai Aur Humara Lecture 7:30 Baje shuru hota hai Chalo Jaldi...Main Ghar Jaakar Naha Leta hu aur Ready Hokar aata hu

Naman : Haar Yaar Rishi 5 Minute Uth raha hu...Late nahi hoga humein...Ab Ghar kyu Ja raha hai Yahi Naha Lena

Rishi : Kapde Bhi Toh Badalne hai Main Jaakar 20 min mein aata hu Tab Tak Tum Bhi Taiyaar ho jaao (Naman Uthkar Taiyar hota hai Aur wahi Rishi Bhi Taiyaar Hone Jaat hai)

Naman(Khud se) : Chalo Taiyaar Ho Gaya Rishi Aata hi hoga...Aaj Uss Bandar Ko Sabak Sikhana hi hoga...Bin Baat ke Rishi Ko Pareshan kar diya hai

Rishi : Nahi!! Tum Aisa Kuch bhi nahi karoge Naman.....

Naman : Tu?

Rishi : Haan Main... Aur Jo Bhi Kuch socha hai Waise Kuch Nahi karoge tum... Manish se Kuch Nahi kehna hai

Naman : Par Kyu Rishi?

Rishi : Kyunki Humein Iss baat ko Yahi Khatam Karna hai Na Ki Kheechna hai

Naman : Par Rishi... Toh Kya tu Yeh Galatfehmi Uske Dimag mein Palne Dega?

Rishi : Galatfehmi Use Pehle Bhi Hui thi Aur Aaj bhi hai....Na uss samay Main Clear kar paya na Ab.. Humein Ab Priyank Ko Sahara Dena hai Kal Jo hua Usse woh bahut Pareshan hai

Naman : Theek hai Rishi Jaisa Tu Kahe.....Ab Priyank Ko Humari Jyada Jarurat hai....

Rishi : Haa Chalo Kahi Late na Ho jaaye College ke Liye

Naman(Mann Mein) : Tu Kitna Hi Mana kar de Wapas Unhi Cheezon se Guzre Jisse Tu 5 Saalon Se Guzra hai...Main Manish se baat Toh Jarur karunga

Rishi : Kuch Kahaa Tumne?

Naman : Maine? Nahi Toh Maine kahaa kuch Bola

Rishi : Accha Theek hai

(Rishi Aur Naman College Pahunchte Hai)

Naman : Are 7:20 ho gaye Priyank-Kritika Aaye kyu Nahi ab tak

Rishi : Aa jayenge Raaste mein hi honge Dono

(Itne Mein Manish Class Mein Aa jata hai ) 

Naman: Are Yaar Subah Subah Kiska Chehra Dekh liya Maine

Rishi : Naman!! Kya Tum Bhi

Manish : Good Morning Rishi...Good Morning Naman

Naman(Dheemi Awaz mein) : Hamari Morning Tumhare aane se Bad Ho gayi hai

Manish : Kuch Kaha Tumne Naman?

Naman : Maine kaha kuch Kaha Main Toh Good Morning keh raha tha

(Rishi Manish ke aas paas Hone Se Thoda Awkward or Uncomfortable Feel karne lagta hai)

Manish : Rishi Kal Ke liye I'm Sorry...

Rishi : Koi Nahi Manish

Naman : Chal Rishi Hum Bahar Chalte hai Priyank Kritika ka intezaar karte hai

Rishi : Theek hai Chalo

Manish : Main Bhi Aata Hu

(Rishi Naman Bahar Jaate hai Aur Peeche se Manish bhi aata hai)

Sab Class Mein Aate hai

Naman : Tum dono aaj Itne Late Kyu Ho Gaye?

Priyank : Woh Actually Subah Subah Light Chali Gayi Thi isliye Der ho gayi...Aur Kritika Madam Ko Taiyaar Hone Mein Samay Lagta hai na.

Kritika : Haan Haan Hamesha Main Hi Late Karati Hu

Priyank : Main Toh Mazaak Kar Raha Tha Kittu...

(Itne Mein Priyank ki Nazar Apne Bench Ke Niche Rakhe ek Cheez par jaati hai Aur woh Use Dekh Ke Darr Jata hai)

Priyank(Dari Hui awaz mein) : M... Manish Mere saath Jara W..washroom Tak aana

Manish : Tujhe Achanak Kya hua Priyank? Theek toh hai na...Chal aa raha hu Chal

Naman : Are Yeh Priyank Ko Achanak Kya ho gaya? 

Rishi : Haan Dara Dara Lag raha Tha Priyank

(Rishi Sochne Lagta hai Aakhir Aisa kya hua Jo Priyank Achanak Darr Gaya)

Naman : Tujhe Kya Lagta hai Use kya Hua? Aise Achanak

Rishi : Mujhe Bhi Kuch Samajh Nahi aa raha....Woh Aaye tab Puchte hai

Naman : Haa Wait Karte hai

(Rishi Naman Wait karte hai Aur Woh Class mein aate hai par Tabhi Lecture Shuru Ho Jaata Hai)

Rishi : Lecture Shuru Ho gaya ab Baat Nahi kar Paayenge Break Tak Rukna Padega phir Puchte hai

Naman : Haa Yaar Ab Break Mein Hi pata Chalega Aakhir Kya Baat hai

Mera Pehla Pehla Pyar

Chapter_15/22

Priyank Doubts Naman

Naman : Rishi.....Oye Rishi....Dhyaan Kaha Hai Tera? 

Rishi : Haan!! Woh Main Kuch Soch Raha tha Naman Bolo....

Naman : Pareshaan Matt Ho Yaar....Priyank Ab Theek lag raha hai Hum usse baad mein Baat kar lenge Break Mein...Tu Chinta Matt Kar

Rishi : Tum Sahi Keh Rahe Ho.....Yeh Toh Last Lecture hai Break se Pehle....Ruk Jaate hai...Tab Tak Lecture pe Concentrate karte hai

(Iss Tarah Lecture Khatam Hota hai Aur Sab Canteen Mein Jaa rahe hote hai Rishi Priyank Ko Awaaz Deta hai Priyank Ruk Jaata hai)

Rishi : Priyank Kya Baat hai Subah Tum Darr Kyu Gaye tha Achanak se?

Priyank : Mere Bench Ke Neeche Usi Tarah ka Pink Rose Rakha tha Jaisa Shravan Mere liye Laata tha...Aur Uspe Tag Tha jispar "S" Likha tha

Rishi : Yeh? Par Yeh kaise ho sakta hai?

Priyank : Rishi Sach Sach Batao Tumne Yeh Baat kisise kahi nahi hai na?

Rishi : Nahi Priyank Maine Tumse Vaada kiya tha Yeh Baat Main Sirf Naman Ko Bataunga Aur Yeh baat Kisi aur tak nahi jaayegi...Aur Sirf Naman Ko Pata hai Yeh Baat!! 

Priyank : Phir aise kaise ho sakta hai? Ya phir Tum Dono mein se koi Mere Saath Mazaak kar raha hai! Sorry To Say Rishi Mujhe lagta hai Maine Tumse yeh baat share karke bahut Badi Galati ki hai

Rishi : Lekin Priyank Naman ya Main Hum dono Aise kyu karenge? Tum Humare Dost ho hum Tumhare saath aisa Mazaak Kyu karenge?

Priyank : Tum nahi kar sakte par Naman? Woh Toh Yeh Mazaak kar sakta hai? Uska Nature aisa hi hai Main Janta Hu Par Meri Bhi Feelings hai.....

Rishi : Priyank Naman Yeh Nahi kar sakta....Mujhe Uspar pura Vishwas Hai....Woh Khud Pareshaan hai Kal se jab se maine use yeh baat batayi hai

(Priyank bhi Canteen Ki Taraf Chala jaata hai)

Rishi(Mann Mein) : Priyank Naman Ko Galat Samajh Raha hai Ab Kya karu main?

(Rishi Bhi Canteen Chale aata hai)

Naman : Oye Kahaa Reh Gaya tha Tu? Kab Se Wait kar raha hu Tera...Le Sandwich kha Tera wait kar raha tha Ki Saath khayenge

Rishi(Mann Mein) : Jo Ladka Khana Khane ke Liye Apne Dost ka Wait karta hai Woh bhala Dusre Dost ki Feelings ke saath thodi khelega!

Naman : Kya Soch Raha hai? Tera Fav Sandwich hai Yeh kha Idhar Aa Mere Saath Baith kha...Jaldi aa yaar Bahut Bhook Lagi hai

Rishi : Haa Aaya

Naman : Aa Baith Idhar

Rishi(Mann Mein) : Kahi Toh Kuch Gadbad Ho Rahi hai Aur Main Yeh Pata Lagakar Rahunga... Priyank Main Naman Par Galat illzam Nahi Lagne Dunga

(Sab Class mein Jaate hai Aur Baatein kar rahe hote hai itne mein Naman Ki Bag Bench se Neeche Gir Jata hai)

Rishi : Ruko Main Uthata hu

(Itne mein Naman Ki Bag se GuLaab Ki Pankhudi Bhi Girti hai Aur Rishi Woh dekh leta hai)

Rishi(Mann Mein) : Are Yeh Gulaab Ki Pankhudi 

(Priyank Bhi dekh leta hai Ki Naman Ke Bag Se Gulaab Ki Pankhudi Giri hui hai Woh Rishi ki Ore dekhta hai)

Rishi : Aa...Na..Naman Ye Lo Tumhari Bag

Priyank : Rishi Jara Mere Saath Library Tak aana Mujhe Kuch Books leni thi Tum meri Madat karoge?

Rishi : Haa haa Chalo Main Tumhari Help kar deta hu

(Rishi Aur Priyank Library mein Jaate hai)

Priyank : Rishi Dekha Na Tumne Bhi Naman Ke Bag se bhi Gulab Ki Pankhudiyaa Giri Iska matlab Woh Gulab Naman Ne hi Rakha hoga 

Rishi : Nahi Priyank....Naman Aisa bilkul bhi nahi kar sakta...Tum Galat Samajh Rahe ho

Priyank : Phir Woh Gulab Ki Pankhudiyaa Uske Bag se kaise Giri? Yeh Batado Phir Main Maan Jaunga…

Rishi : Priyank Yeh Toh Mujhe bhi Nahi Pata Par Mujhe Itna Pata hai Ki Naman Aisa nahi kar sakta...Aur Yeh Main Sabit Karke Rahunga...

Priyank : Theek hai Rishi Jaisa Tum Kaho....Lekin Agar Naman Ne kiya Hua Koi Mazaak hua toh Use keh dena ki kabhi Feelings ke saath nahi khelte

Rishi(Mann Mein) : Naman Aise Bilkul Nahi kar sakta yeh Main Pure Vishwas ke saath keh sakta hu...Priyank ka aise React karna bhi Swabhavik hai Woh khud Pareshan hai Toh Aise React kar raha hai

(College ke baad sab Ghar jaa rahe hote hai)

Kritika : Kal ka Kya Plan hai ?

Manish : Kal Toh Traditional Day hai...Yeh dekho main abhi Wahi dekh raha tha College ke  Virtual Pamphlet mein

Kritika : Haa Dikhana Toh...Accha Phir Toh Kal kuch Alag sa Pehnungi

Naman : Rishi Humne Toh Pehle hi decide kar rakha hai na Kya pehenna hai

Kritika : Haa Toh Mera Bhi Decided hai Kya pehenna hai kal

Naman : Theek hai Phir Kal Milte hai....Barabar Na Rishi?

Rishi : Haa Han Kal Milte hai 

(Sab Ghar jaate hai Naman Rishi Apne Ghar ki taraf Jaa rahe hote hai)

Naman : Are Rishi Tu Kya Bata Raha tha ki Tere Mummy Papa Karnataka Jaa rahe hai...

Rishi : Haa Woh Actually Kuch Emergency Aa gayi hai bussiness ke related Toh unhe jaana pad raha hai

Naman : Ohh accha Mere Mummy Bhi Jaipur gayi hai na Toh Unka Message aaya hai ki Woh New Year ke baad Wahaa Koi "Jaipur Exhibition" hai uske baad hi aayenge matlab 1-2 hafte pakad lo

Rishi : Ohh Haan Mere Mummy Papa ko Bhi 1 hafta Lag jaayega shayad

Naman : Chal Toh Theek hai Ek Toh Tu Mere yahaa aaja ya phir Main Tere yahaa aa jata hu Company Rahegi Ek dusre ko 

Rishi : Haan Yeh baat sahi hai Ek kaam karo kal Main aaya tha ab Tum aa jana

•Rishi ke Ghar par

Naman : Tune Priyank Se Pucha Subah use kya hua tha?

Rishi : Haan...Haan Pucha Tha na Maine

Naman : Batayega Bhi Kya Kahaa Usne

Rishi : Haan....W...Woh Actually usne Subah Nashta nahi kiya tha na isliye Usko Thoda Chakkar jaisa lag raha tha...Koi Chinta ki baat nahi thi

Naman : Accha? Toh Woh Washroom Kyu Gaya?

Rishi : Washroom!! Haa Washroom Woh Muhh Dhor Gaai tha Usko Chakkar jaisa Feel ho raha tha na Isliye

Naman : Accha Matlab Chinta karne wali Baat nahi hai na? Par tu Itna Atak Atak Ke Kyu bol raha hai

Rishi : Kaun Main? Nahi toh...Yeh Sab Chhodo khana khate hai Phir Araam karkte hai 

Naman : Haa haa Chalo

Rishi(Mann Mein) : Sorry Naman Tumse Jhooth Kaha....Main Nahi Chahta ki Priyank Ne Jo Kahaa Woh Tumhe pata chale Warna Tumhe bahut Bura lagega

Naman : Chal Jaldi Aa Aaj Ambika Aunty ne Chole Aur Puri Bheji hai aaja Mujhe toh Bahut Bhook lagi hai

Rishi : Waah Yaar Naman...Jab Tumhari Mummy nahi hoti Tab Tumhari Mummy ki Saheli Khana Bhejti hai Waah...

Naman : Haa Unka Hotel hai na Toh Woh Daily Meal Bhi Dete hai

Rishi : Mujhe Badi Bhook Lagi hai Yaar

Naman : Toh Yeh Le....Kha (Aise kehkar Naman Pehla Nivala Rishi Ko Khila Deta hai)

Rishi : Are Main Kha lunga Tum Bhi khao...

Naman : Jab Bhook lagi ho na Toh Samne wala khilaye toh kha lena chahiye....Main Tera Dost hi toh...Itna Toh kar hi sakta hu

Rishi : Haa Yaar Sahi Kaha Tumne

Naman : Haa Chal Ab Jaldi kha le phir Aaram kar le

Rishi(Mann Mein) : Priyank Tum Shayad Naman Ko Abhi Tak Theek as Pehchan Hi Nahi Paayi ho Woh Kabhi aise nahi kar sakta kisi ki feelings ke saath kabhi nahi khel sakta...

-To Be Continued.....