Mera Pehla Pehla Pyar Chapter 1-5

 Mera Pehla Pehla Pyar

Characters Introduction

Main Characters

• Rishi - Main Lead

• Priyank - Main Lead

• Naman - Rishi's Friend

• Kritika - Priyank's Sister

• Manish - Rishi's Past

Extra Characters

• Meghna - Rishi's Mother

• Ravikant - Rishi's Father

• Maya - Naman's Mother

• Sarika - Manish's Mother

• Jai, Viraj, Mansi, Chanchal and Deepti - Rishi's School  friends

• Etc.

Mera Pehla Pehla Pyaar

Chapter_1/22

Rishi ki Kahani

Subah 6:15 Baje (Alarm Bajta hai) 

Meghna : Eddelu magane, illa andre tada agi hogutte(Are Beta, Uth Jaa Nahi toh Late ho Jaayega!!)

Rishi(Neend Mein) : Yelta idini amma(Haa Maa Uth Raha hu)(Rishi Achanak se uthkar Baith jata hai)....Ivattu college na modalne dina(Aaj Toh College ka Pehla din hai.)

Ravikant : Meghana ninu rishi salvagi tindi madu avnu bandu bidtane 15-20 nimisha dalli(Meghna Tum Rishi ke liye Nashta Laga do Woh Aa jayega 15-20 min mein)

(Rishi Taiyaar Hoke Bahar aata hai Aur Nashta Karta hai)

Ravikant : Nervous agidiya magane... Obvious ninge illi admission siktu adke navu bere oorige bandidivi.... Be confident yella sari hogutte(Beta Nervous Hoga tu...Obvious hai Tujhe Yaha Admission Mila toh Humein Sheher Badalna Pada...Be Confident Sab acha hoga)

( Meghna Dahi Shakkar khilati hai Aur Rishi Maa Papa Ka Aashirwad Leta hai)

Rishi: Bye Maa, Bye Papa!!

(Rishi Raaste Mein Hai Aur Use College Jaate Samay Purani Baatein Yaad aati hai Jab Woh Isi Tarah Doston Ke Saath School Jaya karta)

Rishi Ek Sadharan Ladka hai Jo Bahut Sensitive Nature ka hai, School Mein Uske Kayi Dost They Par School Ke Dinon Mein Hui Ek Ghatna Ke Baad Woh Sabse Alag Rehta hai, Use Haal Hi Mein Mumbai Ke College Mein Admission Mila hai!! Naya Sheher, Naye Log aur Nayi Shuruaat

Rishi Ke School Ke Dinon Mein Uski Ek Best Friend Tha Manish Jisse woh bahut Attach Ho gaya tha Jisme Rishi ko Ek Sacche Dost Ki Chhavi Nazar Aati thi Par Unki Iss Bonding ko dekh Logon se Unke Dosti Ke Rishtey Ko kisi aur Nazariye Se dekha...Aur Manish Ke Mann Mein Rishi ke Liye Misunderstanding Badhi aur Ek Din Manish Ne Rishi se Dosti Tod Di!!

Aur Uss Din Se Rishi Ne Khud Ko Akela Kar liya...School ke din Khatam Hote Hote Aur Log aaye Rishi Ki Zindagi Mein Par Rishi ko Yeh Samjhne mein bahut Samay laga ki woh Uske Saath Unke apne Matlab se Hai

Rishi Hamesha Se Sabki Help Karta aaya par Logo Ne Uske Saath Sirf Apne Matlab ke wajah se Diya...Ab Rishi Janta hai Ki "Log Paas Aate hai Sirf Durr Hone ke liye" 

Kehte hai Insaan akela aaya hai Toh Jaayega bhi Akela Par Zindagi ke Safar Mein Dost Jaruri hote hai...Par Rishi ko Kabhi Dosti Naseeb nahi hui

Rishi Ab Naye Sheher Mein Aaya tha Naye College Mein Admission Hua tha...Ab Woh Nayi Shuruaat karne wala tha Aur Iss Safar Mein Woh Akela hi tha.... Rishi Meghnanta hai Ki "Logo Ki Madat Unse Kuch Paane Ki Aasha se nahi Karni chahiye Kyunki Kuch Paane ke liye ki Gayi Madat ,Madat kam Swarth Jyada hota hai"... Kuch aisa tha Rishi Ka Swabhav... Ab Isi Swabhav ke Kaaran Rishi Sab par Jaldi Vishwas kar leta tha....

Rishi Purani Baaton mein Itna Kho Gaya tha ki Woh Chalte Chalte College tak aa gaya tha woh gate ke Andar Gaya...Khayalon mein dooba Rishi Class ki Or Badh raha tha...Corridor Mein Bahut Bachche They…

Itne Me Rishi Ek Ladke Se Takraya Aur Gir Gaya Sab Bacche Rishi Ki Or Dekhne lage...Jis Ladke Se Takraya Woh Ladke Ne Haath Badhakar Rishi ki Madat ki Rishi Uska Haath pakadne haath aagey badhaya to us Ladke ne apna Haath peeche le liya

Ladka : Oye Prem Ke Panchhi Girlfriend Ke baare mein Kam Socha kar Aur Aankhe Khuli Rakhke Chala Kar Warna Aise hi Girte Padte Rahega...Aur Main Mere Paas Itna Time nahi Hai Ki Tere Jaise Logo Ki Madat Karte Baithu

(Rishi Uthkar Khada Hota hai Aur Dekhta hai Sab Uski Ore Dekh rahe hai...) 

Rishi : Sorry Bhai Aagey Se Dhyan Rakhunga Aapko kahi Chot toh nahi Lagi? 

Ladka : Ha Ha Chal Jyada Bann Matt Ja Class mein Ja sabka Pehla Din Hai...

(Rishi Ko Bura Iss Baat Ka Nahi Laga ki Woh Sabke Saamne Gira Par Use Iss baat ka bura lag raha tha Ki Pehle Din Uske wajah se Aur logo Pareshani hui thi...Sab apne Apne Class mein Jaate hai...)

Teacher Class Mein Aati hai Aur Sabka Introduction aur Attendance Leti hai Aur Aise Lectures shuru hote hai... Raghav College Ke Environment Mein Khush tha..Aur Iss Tarah Break aaya

Sab Canteen Mein they Sab Apne Apne Doston ke saath they...Raghav Akela Tha Woh Soch raha tha Jo Corridor mein Hua uske baad toh Koi Usse Dosti Toh Durr Baat Nahi Karega...Aur Uska Darr Sacch Hote hue Nazar aa raha tha

Teacher : Sab Apne Dissection Box, Journal Ya NoteBook Le lo Aur Biology Lab mein Chalo...Aaj Practicals samjhaungi

Class : Yes Ma'am

Raghav Puri Class ke Saath Laboratory Mein Jaata hai Teacher Practical Explain karti hai Aur kuch experiment perform karti hai

Bell Bajti Hai Aur Sab Class Mein aate hai Aur Ghar jaane ki Tayari Karte hai

Rishi Saari Cheeze Bag mein rakh raha hota hai Toh Dekhta hai Ki Uske Forceps Laboratory mein hi Reh gaye hai...Woh Wapas Laboratory Jaata hai.. Use Raaste mein Kuch Seniors Dikhaye dete hai

Seniors : Chal Jaldi Bhaag Jaate hai Usko Pehle Din College mein Accha Welcome Milega... Ab Seniors Ka Toh Farz banta hai Ki Woh Juniors ka Accha Welcome kare

Rishi Yeh Baatein Sunta hai Aur Use yeh Baatein Thodi atpati Lagti hai Woh Jab Laboratory ke paas pahunchta hai woh dekhta hai Laboratory Ka darwaza bahar se band hai Aur Koi Andar se Darwaaza Peet Raha hai

Rishi : Kaun hai Andar Aur Aap Andar kaise reh gaye bahar toh Taala laga hua hai.. 

Andar Se Awaaz aati hai: Main woh Laboratory Se bahar aau isse Pehle Kisine Darwaza Band kar diya Aur Main Andar reh gaya

Rishi :  Aap Rukiye Main kuch Karta hu...Aap Chinta Matt karo..

Rishi Dekhta hai Laboratory Ki Chhabhi Toh Key Box mein nahi hai Woh Upar Ke Floor pe jaake dekhta Hai use kuch nahi Milta

Rishi : Office Se Chabhi Lekar aata hu... (Sochte Hue)Are Aaj Toh Pehla Din Toh Office Jaldi Band hua hoga aur ab toh College ka Gate bhi Band Hone Ko hai Kya karu? Kuch Samajh Nahi Aa raha Use bahar kaise nikalu?

(Rishi Bahut Koshish Karta hai Par Use Kuch nahi Soojh raha hota hai Woh Phir se Neeche aata hai)

Rishi : (Darwaze ke Paas aakar) Aap Bas thodi Der aur Ruk jaao Main Sochta hu kya karna hai Bas aap Panic na ho Main Kuch karta hu

Ladka : Haan Please Jaldi!! Bahut der Se Yahaa Phasa Hu Pata nahi Kisne Band kiya

Rishi :  Main Janta Hu Yeh kisne Kiya hai Shayad Yeh Un Seniors ka Hi kaam hai

Rishi Bahut Sochta hai Uss Seedhiyon ke Paas Kone mein Ek Gamla Nazar aata hai Usme Ek Patthar Rakha hua hota hai Woh Uss Patthar se Taala Todne ki Koshish Karta hai

Rishi : Bas 2 Minute Abhi Khul Jaayega Darwaaza

(Rishi Ki Bahut Koshish Ke Baad Taala Toot jata hai Aur Darwaza Khul Jata hai....Darwaza Khulte hi Woh Ladka Rishi Ko Gale Laga Leta hai) Ladka: Thank You Yaar Thank You So Much

Mera Pehla Pehla Pyar

Chapter_2/22

Nayi Dosti

Rishi : Aap Theek toh ho na? Are Aap...Aap toh Wahi Ho Na Jisse Subah Main Takraya tha? Sorry Bhai Uss Samay Main Aapse Theek Tarah Se Sorry Bhi Nahi keh paya....

Ladka : Nahi Yaar Sorry Mujhe Kehna Chahiye....Galti Meri Thi Main Beech mein Aaya Tha Aur Pehle din Sabke Saamne Meri Image Down Na Ho Isliye Maine Sab Tumpar Daal Diya....Sorry Yaar Meghnaf Karde... Aur Agar Aaj Yahaa nahi Aata toh mein Baahar Nahi aa pata....Tujhe Jitna Thank You Kahu Kam Hai

Rishi : Nahi Bhai Agar Meri Jagah Koi Aur Bhi Hota Woh Aapki Madat jarur Karta...Aur Rahi Baat Subah Ki Woh Toh Main Kab ka Bhool gaya Aap Chinta Matt karo...Yeh Lo Paani Pilo Pehle

Ladka : Thank You Yaar....Tune Meri Madat ki Aur Subah Sabke Saamne Maine Tujhse kitna Bura Behave kiya...Mera Bhi Pehla Din tha Waise bhi Hum Ek Division se Kya Tum Mere Pehle Dost Banoge?

Rishi: Dosti..??

(Rishi Sochne Laga Aaj Tak Jitne Log Mile Main Sabse Jaldi Emotionally Attach Ho gaya Aur Phir woh Mujhse alag ho gaye....kya karu?)

Ladka : Haa Dosti... Kyu? Kya hua Tum Mujhse Naraz Ho Kya Subah Jo hua uske wajah se?

Rishi : Are Nahi Nahi...Woh Baat Nahi.. 

Ladka: Toh Phir Kya Problem hai....Myself Naman Joshi...Friends?

Rishi : Ha Kyun Nahi? Myself Rishikesh Chandrashekhara… l Mean Rishi Chandrashekhara

Naman : Toh Tum Mere College Ke Pehle Dost ho... Toh Iss Naate Tum Mere Best Friend ho....#BFF (Yeh Kehkar Naman Ne Raghav Ko Kass ke Gale Laga Liya....)

Rishi: (Mann Mein) Aaj Tak Kayi Log Mile Par Naman Se Milke Aisa lag raha hai Yeh Wohi Dost hai Jise Main Itne Saalon Se Dhoond raha hu....Shayad Isliye Mujhe aaj tak Sare Temporary Log Mile kyunki Naman Ko Mera Permanent Dost Banna tha

(Raghav Aur Naman Ghar Ke Liye Nikalte Woh Raaste mein Bahut Saari Baatein Karte hai Aur Raghav Ka Dhyaan hi Nahi Hota ki Woh Apne Ghar Pahunchne wala hai....)

Naman : Chal Yaar Mera Ghar Aa gaya Kal Milte hai...Tera Ghar Kaha hai Waise?

Rishi : (Chaukte hue) Aap? Aap Yahaa Rehte ho?

Naman : Haa Yaar Joshi Nivas Plot No 27...Par Tu Itna Chauk Kyu gaya Yaar?

Rishi : Main Bhi Yahi Rehta Hu Bhai Krishn Chhaya Plot No 30...

Naman : Kya 3 Ghar Chhodke? Par Maine Tujhe Pehle kabhi dekha kaise nahi phir Main Toh Yaha 3 Saal Se Rehta hu!!

Rishi : Ha Woh Main Pehle Dusre Sheher Mein Rehta tha Ek Mahine Pehle Shift hua Hu...Iss College Mein Admission Mila Isliye

Naman : Chal Yaar Yeh Bahut Accha hua Ab Hum Dono Dost Saath College Jaaya karenge....Mera Number lele...Waise Tu Aaj Shaam Ko Free hai kya!

Rishi : Ha Bhai...Kyu Kya Hua?

Naman : Kuch Hua Nahi hai...Tu Bas Aaj Shaam Ko Mere Ghar Aa jana...Subah Tere Saath Bura Behave kiya aur Tune Aaj Mujhe Lab Mein Lock hua tab bachaya... Toh Tujhe Thanks Kehna hai...Shaam ko Chai Peene aaja Ek Dusre Ko Jaan Lenge

Rishi : Nahi Bhai Isko Koi Jarurat Nahi Hai...Theek hai Woh Baat Bhul jao aap

Naman : Yaar Mana Matt Kar Bhai Rishi Nahi Toh Mujhe Guilt Rahega Iss baat ka...Aur Mujhe lagega Tune Mujhe Meghnaf nahi kiya...Aa jana Yaar!!

Rishi : Are Nahi Bhai Aisi Baat Nahi...Accha!! Aa Jaunga Bass..Chalo Chalta hu Meghna Rah Dekh rahi hogi...Bye

Naman : Ha Bye Yaad Se aajana...Main intezar Karunga

(Rishi Ghar Pahunchta Hai Dekhta hai Ki Meghna Busy Hai Kitchen Mein Woh Peeche se jaakar Meghna ko Gale Laga leta hai)

Meghna : Banda nanna maga(Aa gaya Mera Beta)...Kaisa tha College ka Pehla Din....Theek tha na? Naye Dost bane? Sab Accha tha na?

Rishi : Are Maa... Maa..Maa...Ek saath Itne sawal Nivu ond kelsa madi, utakke ready madi nanu fresh aagi bartini amele ella heltini (Aap Ek kaam Karo Khana lagao...Main Fresh hokar aata hu Aur Sab batata hu)

(Raghav Fresh Hokar Aata hai Aur Maa Ke Saath khana khaane baithta hai)

Rishi : Maa Pehla Din Bahut Acha tha...Dost Bhi Bana..Woh Actually Last Lecture mein Bio lab mein Gaye they Meri Forceps Reh gayi thi Toh jab lene gaya toh dekha Kisine Ek Ladke ko Lab Mein Band kar diya tha...Maine Uski help ki Wahi Mera Dost Bana...Aur Pata Hai Maze ki baat?

Meghna : Are Bichara....Woh Theek toh hai na? Accha hua Kanna Tune Uski Help Ki bichara Darr gaya hoga...Isme Kya maze ki baat hai?

Rishi : Are Maa isme Maze Ki baat nahi hai...Jiski Maine Help Ki Woh Hamara Neighbor hai Plot No 27 Mein Rehta hai... Toh Usne Mujhe Aaj Shaam ko Chai pe bulaya hai Main Jaau kya Maa?

Meghna : Yenu ille irtana.... Idu antu olle vishaya (Kya Yahi Rehta hai...Yeh Toh Bahut Achi baat hai)Beta Jarur Ja beta Waise bhi Jabse Uss Raat Kisi Farewell party mein gaya tha Tu Kisi se nahi Mila Akela Akela Rehta hai...Ab Naye Sheher mein Naye Dost Bana Tujhe jana chahiye Beta

(Khana Khatam Karke Rishi Apne Kamre Mein aaya Aur Apne Bed Par let gaya Farewell Party wali Baat Se Use Phir se Purani Baatein Yaad aane Lagi)

Rishi(Mann Mein) : Maine Naman Se Dosti Kar Toh Li par kya Phir Se purani Baatein Dohrayi Jaayegi? Par Shayad Naman Aisa nahi Karega...College Mein Main hi toh uska Pehla Dost hu

(Rishi ka Phone Vibrate Hota hai)

Rishi : Are Yeh toh Naman Ka Message hai...kya likha hai Dekhu!!

Naman(Msg Mein) : Rishi Yaar Tu Aane wala tha na dekh 5 Bajne aaye Wait jar raha hu Aaja Bhai Jaldi

(Rishi Uthkar Fresh hua Aur Maa Ko Batakar Naman ke Ghar Pahuncha...Aur Door Bell Bajayi) 

Naman : Aaja Yaar Kab se Intezaar kar raha hu Mujhe laga Tu Nahi aayega Isliye Tujhe Message kiya

Rishi : Are Nahi Bhai woh Actually Khana Khake Aaram kar raha tha isliye.

Naman : Chal Koi nahi aaja Andar Aa Baith Main Chai aur Snacks Laata hu...

Rishi : Ghar Par Koi nahi hai Kya Bhai Shaant Shaant Lag raha hai?

Naman : Nahi Woh Mummy Ko Koi Jaruri Kaam Aa gaya Toh Bahar Jana pada 3-4 Ghante Lagenge Bola tha...Le Chai Le

Rishi : Accha Waise Aap Ghar mein Kitne Log Ho?

Naman : Hum 3 Log hai Mummy, Papa aur Main

Rishi : Are Waah Hamari Tarah

Naman : Accha....Tum Toh Yaha Naye ho na Pehle Kaha Rehte they, I mean Schooling Kaha se ki hai...Sheher Badla Purane Doston Ki Yaad aati hogi na

Rishi(Hadbadate Hue) : Dost.....Woh Haa...Haa Haa Yaad aati hai na

Naman : Yaar Rishi Tu Yeh Dost...Dosti Jaise Shabd Sunkar Hadbada kyu Jata hai? Koi baat hai kya Dekh Hum dono Dost hai Share kar sakta hai yaar...College mein Bhi Dosti ka Naam sunte hi tu Hadbane laga tha

Rishi : Nahi Bhai Aisi Koi Baat nahi Woh Bas Aise Hi....Aap Shayad Jyada hi soch rahe ho Aisi koi baat nahi hai

(Rishi Ko Hadbadata dekh Naman Samajh Jata hai Jarur Koi baat hai Jo Rishi Keh nahi paa raha)

Naman : Chhod Jaane De Tu Mujhe Apna Dost nahi Meghnanta.... Matt Bata Rehne de socha Apne Dost se baatein karunga Jaan Pehchan Hogi...lekin tu Mujhe dost kahaa manta hai

Mera Pehla Pehla Pyar

Chapter_3/22

Rishi ka Past #1

Rishi : Aisi Koi Baat nahi Hai Bhai Aap Galat Samajh Rahe ho 

Naman : Dekh Tu mujhe Aap Kehkar Baat karta hai Dekh liya Tu Mujhe Dost Manta hi nahi.... 

Rishi :  Acha Theek hai Tum Kahunga Ab Se....Yeh Theek hai?

Naman : Ha Theek hai Chal Ab Kya Baat hai Woh Bata....Kya hua tha Aise School mein ya Past mein Tere Saath Jo Dosti ke naam se darta hai…???

Rishi : Jab Main School mein Tha Tab Ki Baat hai...Mere Kayi Dost they.....Aur Ek Best Friend Manish…

Flashback

Yeh baat us samay ki hai jab Rishi school ke aakhiri dinon me tha..

Subha subha rishi ki maa use uthate huye kahti hai ..

Meghna : Yeddelu magane, besige raje admele modalne dina idu ninna shale du (beta uth ja aaj garmiyon ki chutiyo ke baad school ka pehla din hai)

Rishi jaldi jaldi utha aur taiyar hokar school jane ke liye nikala woh aaj bahut khush tha kyuki bahut dinon baad rishi apne doston se milne wala tha

Rishi jaise hi class me pahuncha woh dekhta hai ki Jai, Viraj, Mansi, Chanchal aur Deepti pahle hi pahunch chuke the..woh unke paas ja kar unka haal chaal puchhta hai..

Class me bahut shor ho raha tha mano sab kayi saal baad mile ho…

Pahli bell baji aur teacher class me aati hai..

Teacher : iss saal humare class me naya admission hua hai So students aap sabhi apne new classmate ka Welcome kare.. jo hai Manish Shah…

Rishi (mann me) : isme naya kya hai har saal koi naya student to aata hi hai..mujhe to is baat ki fikar hai ki class division se main apne doston se alag na ho jau

Class divide hui aur rishi bahut hi khush tha kyuki woh apne doston se alag nahi hua tha lunch break me jai aur viraj ke bich pani ke bottle ke liye chhina jhapati shuru thi Issi bich us bottle ka sara pani samane wali bench par baithe ladke par girr gaya woh uth ke khada hua aur gusse me rishi ke tarf dekhne laga

Par woh bina kuch kahe hi waha se chala gaya hume laga ki kahi woh humari complain na kar de … par aisha kuch nahi hua.. school ki chhuti hui aur hum sabhi dost ek sath ghar jane ke liye nikale

Corridor me bahut shor tha , jai aur viraj ki masti to abhi bhi chal rahi thi is masti me unka dhakka rishi ko lagta hai aur rishi ka dhakka paas wale ladke ke , dhakka lagane se woh ladka gir jata hai..uss ladke ko dekhne ke baad Jai Rishi ke kanon me kuch kah ke waha se bhaag jata hai jisko sun ke woh shocked ho jata hai

Jai : yeh wahi ladka hai jispar break me humse pani gira tha Manish Shah...

Rishi(mann me) : lo bhai karlo baat break me bhi bewajah main fasa tha aur abhi bhi main hi fass gaya … pahle hi din yeh ladka mere  baare me kya soch raha hoga… Rishi ko awkward lagta hai aur woh apna hath aage kar ke use sahara deta hai woh uska hath pakad kar kadha ho jata hai..

Rishi use uska bag utha ke deta hai aur kahta hai..

Rishi : I'm sorry… pahle tum par pani gira aur ab tum gir gaye… woh Jai aur Viraj na aishe hi hai unki masti kabhi khatam nahi hoti

Manish : It's okay ho jata hai kabhi kabhi..

Rishi ne topic divert karne ke liye kaha..

Rishi :- Myself Rishikesh Chandrashekhara ohh I mean Rishi… Kya karu naam itna lamba hai na.. woh actually Karnataka se hu na

Manish : I'm Manish Shah . Nice To Meet You!! Aur woh muskura ke chala gaya..

Main ghar pahuncha hum panchon dost conference call pe baate kar rahe the!! Pata nahi kyu baar baar manish ke hi topic par baat ho rahi thi

Agle din hum sabhi school gaye , manish bhi aaya tha games period me hum sabhi luka chhupi khel rahe the … pahle meri Dine thi maine sabko dhund liya tha… ab Deepti ginn rahi thi… main garden me pedo ke picche chup gaya tha…class ki bell baji sabhi class ke liye bhagane lage

Isse pahle main un pedo me se nikal pata mere hath me ek tahani chubh gayi… chot lagi thi khub behh raha tha tabhi school ka peon waha aaya aur mujhe first-aid ke liye medical room le gaya main dawa aur bandage laga ke class me aaya to sabhi meri tarf aishe dekh rahe the jaise koi ajuba aaya ho

Phir agli class shuru hui aur sidhe hi last bell baji sab ja rahe the tabhi Manish mere paas aakar mujhse puchha..

Manish : tum thik ho na..

Rishi(ne kaha) : ha… bas halka sa laga hai jaldi thik ho jayega

Aishe hi dinn bitate gaye manish aur rishi ki baate badhne lagi … rishi ko manish me ek best friend nazar aane laga .. ab unke bich ki formality bhi kum hone lagi… 

Ek din manish school nahi aaya rishi ko laga ki kahi gaya hoga ya kuch kaam hoga..

Par Manish lagatar ek week tak nahi aaya to Rishi ne socha notes dene ke bahane uske ghar jata hu… rishi uske ghar pahuchta hai aur door bell bajata hai to manish ki maa (Sarika) darwaja kholti hai. 

Sarika ne pucha : kaun ho beta??

Rishi : main rishi.. manish ka classmate hu woh ek hafte se school nahi aaya to maine socha notes de du iss hafte ke..

Manish ki maa ne rishi ko andar bulaya aur kaha…

Sarika : manish ki tabiyat kharab hai isliye school nahi jaa paya

Uss din notes ke bahane 3-4 ghante wahi bit gaye manish ko bhi aacha laga ki main usse milne aaya tha.. usne mujhe thank you kaha aur bas yahi se shuru hui humari friendship….

Agle din manish school aaya aur assembly me Exhibition ki Announcement hui .. unhone kaha ki sabhi bacchon ke 2 - 2 ke group banenge… rishi bahut khush tha aur chahata tha ki uski aur manish ki team bane exhibition ke kaamo ke Doran main manish ko aur aache se jaan lunga

Group ki list aa gayi aur  teacher sabke naam aur unhen unke topics bata rahi thi isse pahle rishi ka naam aata bell baj gayi to teacher ne kaha 

Teacher : baaki ki teams kal banegi

Rishi pure din Bechain raha ghar jate samay raste me bhi yahi soch raha tha ….itna soch raha tha ki raat me usse nind bhi nahi aayi

Next day rishi school gaya aur isi intezar main the ki kab teacher aaye team banaye..

Bell baji teacher class me aayi aur teams phir se batane shuru kiye...is baar manish aur rishi ka naam aaya par alag alag…

Manish aur Viraj ki team bani aur rishi ki kisi aur ke sath

Rishi ko sirf manish ke sath exhibition par kaam karna tha isliye usne bahana bana diya ki exhibition ke din bahar ja raha hu to participate nahi karuga... teacher bhi maan gayi thi 

Viraj aur Manish ne lunch break me planning shuru kar di ki unhen kya banana hai exhibition ke liye...ab dono lunch break aur free lectures me thoda thoda kaam kar lete the 

Manish bahut hi excited tha aur sare kaam khushi se kar raha tha aur manish ko khush dekhkar rishi bhi khush tha… kyuki ek dost apne dost ki khushi chahta hai

Exhibition ko ab sirf ek hafta tha aur manish ka topic itna easy nahi tha to unko samay kamm pad raha tha…

Rishi subha school aaya to manish ko staff room ki tarf jate huye dekha!! Rishi ne apna bag class room me rakhe aur corridor ke chakkar lagane laga jaise hi woh corridor me pahuncha to dekhta hai ki manish staff room se lot raha tha.. woh bahut hi pareshan lag raha tha rishi ne use awaj di..

Rishi : Good Morning… Manish..!!

Par woh itna pareshan tha ki uska dhyan hi nahi tha

Manish bahut pareshan tha woh apne bench par jakar baith aur udas sa lag raha tha rishi uske paas gaya aur usse pucha 

Rishi : kya baat hai hai??

Chapter_4/22

Rishi ka Past #2

Flashback Continues..

Manish : Teacher ne mujhe abhi Staff Room me bulaya tha unhone bataya ki Viraj ko koi emergency ke kaaran shahar se bahar jana padh raha hai woh exhibition ke baad aayega 'Rishi ab main kya karu ? Abhi bhi kaam bacha hai main akela pura nahi kar paunga aur 2 log nahi honge to main disqualify ho jaunga' 

Rishi ne usse pucha

Rishi : Manish kya main tumhari help kar sakta hu? Hum yeh exhibition sath me kare?

Manish : par tum to nahi aane wale hi na exhibition ke din!! 

Rishi : woh actually… main manage Kar lunga

Manish : sach rishi? Main teacher se baat kar leta hu …

(Itna kah kar manish staff room me chla gaya )

(Teacher ne hum dono ko ek sath kaam karne ki permission de di thi …)

School ki chhuti ke samay manish ne kha

Manish : exhibition ka bahut kaam hai to sham ko tum mere ghar aa jana hum ek hafte me pura kaam khatam kar lenge

Rishi : Thik hai aa jauga ..

Sham ko Manish ke ghar par uski Maa rishi ko dekhkar bahut khush hui  aur kaha

Sarika : are beta itne din aaye nahi? Us din notes ke liye thank you..

Rishi : aunty yeh to mera fraz tha hum ek hi class me hai to…

Manish ne apni Maa ko sari baat batai

Sarika : bahut aacha kiya beta tumne is baar bhi manish ki help ki…

Rishi aur Manish ne kaam shuru kiya aur har roj school ke baad 2 se 3 ghante woh dono kaam karte the… kabhi kabhi rishi ke ghar par to kbhi manish ke ghar par...is tarah un dono ne sara kaam khatma kar liya

Isi bich unki friendship aur badh gayi thi … aur aaya exhibition ka din sabne inke project ki bahut tareef ki.. aur inhen 1st prize mila for "Best Working Model in Exhibition"... Ab woh dono sath me hi difficult chapter me ek dusre ki help karne lage ...sab aacha chal raha tha..

Lekin ab inki dosti me aane wala tha woh modd jiske bare me in dono ne socha nahi tha…...us mod ke baad badal gayi unki zindagi…

Ab rishi aur Manish ki Dosti bahut gehri ho hone lagi thi.. inki badhti dosti ko dekha logon ne baatein banana shuru kar diya tha.. us din manish ke kaan me kuch aisi baat pahunchi jo uske dimag me ghar kar gayi…

Rishi class me pahuncha aur manish ko dekhkar.. good morning kaha par usne sirf ek smile di … rishi ne zayda ghur nahi kiya .. school khatam hone par rishi ne pucha 

Rishi : aaj hum Math ka chapter 7 sath me karne wale the na..to tumhare ghar chale ya mere ghar???

Manish : woh… woh.. main… main.. actually main Bahar ja raha hu aaj nahi aa pauga 

Rishi : koi baat nahi hum kal dekh lenge… 

Agle din Rishi lunch break me Manish se baat karne gaya par usne jaise hi Rishi ko aata hua dekha to woh class se chala gaya 

Phir us din se manish ne rishi ko ignore karna suru kar diya … rishi bahut hi sensitive nature ka tha.. manish ke is bartav ne uss par bahut asar kiya

Jab bhi rishi usse baat karta to woh taal deta.. phir rishi ka mann kisi baat me nahi lag raha tha.. rishi ne school jana chorr diya khana bhi skip karne laga uske Maa Papa ko bhi fikar hone lagi … unhone use baat ki par rishi ne koi baat nahi hai kah kar taal diya… 

Ek din viraj ka call aaya usne kaha ki 

Viraj(on call) : Manish ke aishe behavior ka karan hai ki humare school me aishi afwah chal rahi hai ki tumhare aur manish ke bich me dosti se kuch jyada hai.. ! To sayad yeh baat us tak pahunch gayi hai..

Rishi(on call) : tum kya kah rahe ho .. par yeh baat us tak kaise pahunchi .. maine to yeh baat kisi ko nahi bataya hai…

Viraj(on call) : tu usse sach me pasand karta hai.. 

Rishi(on call) : haa yaar… main manish ko like karta hu..

Viraj(on call) : thik hai yaar main tujse baad me is baare me baat karta hu

Phone cut hone ke baad Rishi ne socha ki ab Manish se milkar sari baat clear kar lunga aur usse apne dil ki baat bhi bata dunga .. tabhi rishi ke phone par ek msg aaya jisko dekh kar woh shocked ho gaya…

Us msg me likha tha ki "aaj humare class ke ek larke ke farewell organize kiya gaya hai. Sabko sham 7 band school ke community hall me milna hai..!!

Rishi ne socha ki kahi manish woh baat seriously lekar school chorne ka faisala to nahi kiya ..

Rishi ne Viraj ko call kiya aur pucha..

Rishi(on call) : yeh farewell kiske liye hai…

Viraj(on call) : tu school nahi aa raha tha na to tujhe pata nahi hoga class ke akshay ke papa ka transfer hua hai to woh shift ho raha hai usi ke liye hai yeh farewell ...sab aa rahe hai tu bhi aa jana!!

Rishi(on call) : ha aa jauga…

Rishi ke mann me aaya sayad yahi sahi moka hai agar sab aa rahe hai to manish bhi aayega use wahi apne dil ki baat bata dunga…

Par rishi ko nahi pata tha ki yeh party badal degi uski zindagi…

Sham ko 6:55 ko Rishi school pahunch gaya .. hall ko bahut hi aache se decorate kiya gaya tha.. Rishi ne apne doston ko dekha unke paas gaya par jaise hi Rishi unke paas gaya woh sabhi waha se chale gaye...Rishi ko bahut ajeeb laga..

Phir Rishi , manish ka wait karne laga bahut wait karne ke baad 7:25 me Manish aaya … to Akshay se  jakar mila…

Rishi uske tarf jata hai toh woh waha se kahi aur chala jata hai .. aise hi chalta raha phir sab dance karne me busy ho gaye.. 

Phir Rishi ke classmate ne kaha..

Rishabh : chalo Bonfire lagte hai aur Truth and Dare khelte hai… aaj sabke raaz khulega…

Rishi ko khelne ka mann nahi tha par kehlna pada.. bonfire aur Truth and Dare me sab itne khush the par rishi ka dhyan to is baat par tha ki kab moka mile aur manish ko apne dil ki baat bata sake..isi bich Rishi par bottle ruki.. Rishi ne dare choose kiya...aur usse task diya gaya ki.. 

"Yaha mojud kisi ek ko apne dil ki baat kahani hai ya koi baat confess karni hai"

Rishi ne socha yahi moka hai sabke samne manish ko apne dil ki baat bantne ka aur apni sexuality sabke samane confess karne ka

Rishi jaise hi manish ki tarf bada to sabhi log jor jor se chillane lage…

"Ooo hooo kya baat hai!!" 

Rishi ne kahana shuru kiya 

Rishi : Manish main tumse yeh kahna chahata hu ki…..

Isse pahle Rishi apni baat puri karta manish uth kar khada ho gaya.. aur kaha…

Manish : Rishi bass!!! Ab bahut ho gaya … maine socha tum samajh jaoge par tum

Nahi samjhe … main sapne main bhi soch sakta ki jisse maine apna best friend mana woh mere baare mein yeh sochta hai..!!! Aacha hua samay rehte yeh baat mujh tak pahunchi ki tumhare dil me mere liye dosti nahi kuch aur hi hai…

Rishi : "Manish ek baar meri baat to sun lo…"

Mera Pehla Pehla Pyar

Chapter_5/22

Woh Kaun Tha

Flashback Continues

Manish : ab kya sunna rah gaya hai… isliye tum meri help karte the na...mere ghar aate jate the… kyuki tumhare mann me mere liye dosti nahi kuch aur hi tha..na us din girne par tumhara haath pakadkar khada hota … na hi humari Dosti hoti..na hi...Na hi exhibition me hum sath kaam karte.Aur na hi tumahre sath time spend karta to aaj yeh nahi hota !!! Aaj ke baad mere samne kabhi mat aana …

Itna kah kar Manish waha se chala gaya…

Sabhi ke samne manish ne yeh sab kaha tha jisko sunkar sabhi shock ho gaye the.

Rishi ke haath pair sunn ho gaye aur woh wahi ghutno ke bal gir gaya…

Uss raat ke baad Rishi ne khud ko sabse alag kar liya aur khud ko itna Akela kar diya ki tab se lekar aaj apne kisi bhi school friend se na baat ki na mila aur na hi uske kisi dost ne usse contact karne ki koshish ki…

Flashback End…

Rishi Apna Saara Past Naman Ke Saamne Khuli Kitaab ki tarah Rakhta hai...Purani Baatein batate samay woh Emotional Ho jaata hai.... Naman Ko Bahut Bura lagta hai Yeh Sab jaankar)

Rishi : Uske baad Sabhi ko Mere Bare me Pata Chal Gaya.. Maine School ke Aakhiri Din Bahut hi Mushkil me nikale hai.. Mere Maa Papa ko Bhi Mere Bare me Pata Chal Gaya par Unhone Mujhe Humseha Support hi Kiya Hai.. Uske Baad Hum yaha Mumbai aa Gaye..

Naman : Rishi Yaar....Itna Sab ho chuka hai Tere saath....Matlab Tere Dil mein Uske Liye pyar tha Par usne kuch aur samjha.....Aur Jo bhi Log Tujhse milte hai Tu Unse Attach ho jata hai aur woh chhod kar chale jate hai...Isliye Tu Darta hai Dosti karne se?

Rishi : Haa Bhai Yahi Ek Kaaran hai Jisse Mujhe Dosti Karne Se Darr lagta hai....Kyunki Past Mein Mujhe Aise hi Experience aaye hai

Naman : Are Pagle Tu Mera Dost Nahi Meri Jaan hai...Auron Ka Pata nahi Par Main Tujhe Yeh Vaada karta hu Aaj se nahi Balki abhi Se Tera Best Friend hu....Har Mushkil Samay mein Saath Rahunga....Tu Agar Chhodkar jaana bhi Chaahe na Tujhe Wapas kheech ke launga....aur tujhe pata mere bahut se friend Gay hai.. ab main tere liye Perfect larka dunduga….

Rishi : Naman Yaar Tumne Aaj Yeh Baat Kehkar Mujhe Yah Ehsaas Karaya hai Ki Tum hi Woh Dost ho Jise Main Dhoond raha tha... 

(Rishi Ki Aankhe Bhar Jaati hai Woh Naman Ko Gale Laga Leta hai....)

Naman : Rulayega Kya Pagle... Love You Yaar.... 

Maya(Naman ki maa) : Yeh Sab kya Chal raha hai Yahaa....Naman Yeh kaun hai Beta? 

Naman : Maa Yeh Mera Naya Dost hai Rishi...Aaj Hu College Mein Mile hum

Rishi : Namste Aunty Ji…

Maya : Namaste Beta

(Naman Apni Maa Ko College Mein Hui Saari Baatein Batata hai Kaise woh Laboratory Mein Lock ho gaya tha aur Rishi ne uski help ki thi)

Maya : Thank You Beta... Agar Aaj tum Samay pe Wahaa nahi pahunchte to Naman Bahar kaise aata...Thank You So Much Beta

Naman : Maa Yeh Plot No.30 mein Rehta hai Matlab Hamare Pados mein hi

Maya : Are Yeh Toh Aur Bhi Acchi baat ho gayi... Naman Waise Yeh Tumhare Purane College waale Dosto se Kayi Accha hai.... Rishi Beta Tum Isse Kahi Tum se kuch Seekhe

Naman : Kya Maa Aap bhi Kahi Bhi Shuru Ho jati ho

Rishi : Aunty Yeh toh pehle se Hi Itna accha hai....Ulta Main toh Khud Ko Lucky Samajhta hu ki Naman Mera Dost hai…

(Rishi Naman aur Uski Maa ke Saath Bahut Baatein karta hai Aur 8 baje Ghar Laut ta hai) 

Rishi : Maa Aapne Sahi kahaa tha Mujhe Apna Dost Mil gaya...Naman

(Rishi Ko Itne Saalon mein Phirse Khush

Dekhkar Maa Ko Bahut Khushi Hui)

Meghna : Magane ishtu varshagalinda ninna mukhadalli kaledhoda santosha ivattu marali bandide(Beta Itne Saalon se Tere Chehre Ki Khoyi Hui Khushi Aaj wapas aayi hai)....Main Bahut Khush hu aaj... Papa aa gaye hai Unse bhi Mil le aaj ka din kaisa raha bata

(Rishi Papa Se Milta hai College Ke pehle din ke baare mein Batata hai... Khana khakar Woh Sone Jata hai)

Rishi : Aaj College ka Pehla Din Mere liye bahut accha raha....Mujhe Mera Dost Mil gaya....Bahut Khush hu main Aaj

Rishi Ab Bahut Khush tha....Maano Kaayi Saalo baad khulke khush hua ho... Rishi Ke Maa Papa Khush bhi Khush they

(Agli Subah Rishi College ke liye Nikalta hai... Woh Jaise Hi Ghar se Niklta hai Dekhta hai Naman Uske Ghar ke bahar Khada hua hai)

Rishi : Are Naman Tum?

Naman : Ha Kyu? Bhool gaya Kal Wada kiya tha Tujhse Hamesha Tera Saath Dunga....Aaj Se Hum Saath College Jayenge aur Saath College Se wapas aayenge

Rishi(Khushi Se) : Haan!! Chalo College Chalte hai....

(Rishi Iss Dosti se Bahut Khush hai Rishi aur Naman Raaste mein Dher Saari Baatein karte hai aur Isi beech Woh College Pahunchte hai)

Naman : Accha Aaj se Hum Saath hi Baithenge Jab Mujhe kisi Lecture Ka Koi Part Difficult Lage Tu Mujhe Samjha dega na?

Rishi : Are Yeh Bhi Koi Kehne ki Baat hai....Kyu nahi Samjhaunga...

(Itne Mein Hi Ek Ladka Badi Jaldbazi mein Aa raha Hota hai hai Woh Rishi se Takrata hai....Rishi Uska Chehra Nahi dekh Pata....Bas Use Us Ladke Ke uske paas se Jaate hi Mild Perfume ki Khushbu aati hai)

Naman : Kya Hua? kya Soch raha hai Chal Lecture shuru ho jayega

Rishi : Nahi Woh Ladka....

Naman : Us Ladke ka kya? Aur Yeh Tere Shirt ke Sleeves par kya laga hai?

Rishi : Are yeh Toh Bracelet jaisa Kuch Lag raha hai... Shayad....Shayad Ye uss Ladke ka hai jo Mujhse Takraya abhi

Naman : Accha... Abhi Tere paas Rakh Baad mein De dena...Abhi Chal Class mein Chalte hai!!

Rishi aur Naman Lecture ke liye jaate hai.....Rishi Naman ki Help karta hai Jab Woh kisi Topic mein atak jaata hai Aur Naman Rishi Ki...

Naman : Rishi Na Toh Tu Koi Coaching Jata hai Aur Na toh main... Toh Shaam Mein Hum Saath mein Padh liya karenge....Aur Meri Mummy Ki Mujhse Shikayat bhi Kam Rahenge (Haste Hue)

Rishi Raste Mein Aur Ghar Pahunchkar Pure Samay Yahi Sochata Raha Aakhir "Kaun Tha Woh"?

•Rishi Ke Ghar Mein

Naman : Rishi Aaj Konsa Chapter kare? Aaj Chemistry Karte hai Mujhe Usme Ek Topic Jo Tha woh Samajh nahi aaya Samjha de

Rishi : Ha Chalo Shuruaat karte hai...

(Rishi Ke Mann mein Yahi Sawaal chal raha hai Ki Aakhir "Kaun tha Woh")

To be continued..