Mera Chand(short story)

 Mera Chand (Short Story)

Karib raat ke 10 baj rahe the,Param kab se kisi ko phone laga raha tha.par udhar se koi jawab nahi aa raha tha. 4 - 5 baar try karne ke baad udhar se kisi ki awaj aayi..

Person on call :- hello…

Param :- kaise ho, sagar…

Sagar :- param, tum.. aaj itne dinon baad meri yaad kaise aayi tumhe..

Param :- aaj karva chauth hai..

Sagar :- toh…

Param :- toh tumne subah se kuch khaya nahi hai na…

Sagar :- tumhari galat fehmi hai.. maine koi vart nahi rakha kisi ke liye..

Param :- tumhe aache se janta hu,tumhe aaj bhi jhoot bolna nahi aaya na.. jab bhi tum jhoot Bolte ho to tumhari sanse tez ho jati hai..

Sagar :- agar itne aache se jante the tum toh mujhe chorr ke kyu gaye…

Param :- kya karta main, us wqat majbur tha main.. 

Tabhi piche se kisi ki aawaj aati hai..

Ritu :- suniye jii… Chand nikal aaya hai jaldi se aaiye aur puja kar lete hai subah se aapne bhi kuch nahi khaya.. aapko bhook bardasht nahi hoti hai..

Sagar :- tumne bhi vart rakha hai..

Param :- haan woh.. Ritu ne jabardasti rakhwa hai.. kah rahi thi ki main akele kyu rakhu vart..

Sagar :- inn 2 saalon me kitna badal gaye ho na tum, jab main kahta tha ki maine akele kyu rakhuga vart . Tab to kahte hai ki mujhe bhook bardasht nahi hoti ,tumhe rakhna hai to rakho yeh vart sart..

Param (haste hue) :- tab tum meri wife nahi the na.. ab wife ne kaha hai to manana to padega na…

Sagar :- sach me buth badal gaye ho tum..

Tabhi ritu phir se bolti hai..

Ritu :- kya kar rahe hai aap.. jaldi aaiye chand kabka nikal aaya hai.. 

Param :- haan aaya.. aacha suno chand nikal aaya hai mujhe jana hoga.. tum bhi apna vart khol lena…

Sagar :- maine ek baar kaha na ki maine koi vart nahi rakha hai..

Param :- haan janta hu.. isliye kah raha hu chand nikal aaya hai vart khol lo..

Aur phone cut ho jata hai

Param apne aap se..

Tum aaj bhi mujhe samjh nahi paaye.. maine aaj yah vart tumahre liye rakha hai.. kyuki main janta hu chahe kuch bhi ho jaye, tum kitna bhi gussa ho , naraj ho , par mere liye vart jarur rakhoge.. par tumhare liye vart rakhne wala koi nahi hoga..

Idhar Sagar bhi apne aap se baat kar raha tha

Jab mujhe itne aache se jante ho toh chorr ke kyu chale gaye, haan mere tumhare liye vart rakha hai chahe main tumse kitna bhi naraj rahu ya guussa rahu phir bhi maine tumhare liye vart rakha hai kyuki main tumse pyar karta hu… aur hamesha karta rahuga…..sabke liye yeh chand to nikal aaya… par mera chand mujhse bhuth dur chala gaya hai….

I hope aap sabhi ko meri yeh choti si kosis aachi lagi hogi….